logo

bar

प्रदेशसभामा ७२ सांसद छान्न कांग्रेसलाई सकस, दिनभरको छलफलमा सहमति जुटेन

रमेश सापकोटा काठमाडौं, १४ मंसिर | पुष १४, २०७४

प्रदेशसभाका ७२ सांसदको अन्तिम नामावली निर्वाचन आयोगमा बुझाउन कांग्रेसलाई सकस परेको छ ।

यसअघि बुझाइसकिएको बन्द सूचीमध्ये ७ प्रदेशबाट ७२ जनाको अन्तिम सूची बनाउन कांग्रेसलाई सकस भएको हो । सूची टुंगो लगाएर आयोगमा नाम बुझाउन शुक्रबार दिनभर केन्द्रीय कार्यसम्पादन समितिमा छलफल भए पनि अन्तिम टुंगो लाग्न सकेन ।

तस्बिर : रासस

 

 

 

 

बन्दसूचीमा पनि सभापति शेरबहादुर देउवाले एकलौटी गरेको भन्दै समिति सदस्य अर्जुननरसिंह केसीसहितका नेता असन्तुष्ट बनेका छन् ।

प्रदेश नम्बर ३ बाट सांसद टुंग्याउने नाममा आफूहरूसँग पर्याप्त छलफल नगरेको भन्दै केसीसहितका नेता असन्तुष्ट बनेका हुन् ।

आफूले प्रतिनिधित्व गर्ने प्रदेशबाट यसअघि सिफारिस गरिएका केही नाम काटिएको, आफूनिकटका नेता नपरेको भन्दै नेताहरू असन्तुष्ट बनेका हुन् ।

नेताहरूबीच नै कुरा नमिल्दा आयोगमा अन्तिम नाम बुझाउन समस्या भइरहेको एक नेताले जानकारी दिए ।

कांग्रेस केन्द्रीय कार्यालय । तस्बिर : नयाँ पत्रिका

 

यसअघि बुझाइएको बन्दसूचीको क्रमअनुसार नै समावेशी कोटाअनुसार आयोगमा नाम बुझाउनुपर्ने भए पनि कम प्रतिनिधित्व भएका क्लष्टरका केही नाममा संस्थापन पक्षले आफ्नो पक्षका नाम पार्न खोजेपछि समस्या आएको एक नेताले जानकारी दिए ।

तपाईको प्रतिक्रिया

सम्बन्धित समाचारहरु

लोकप्रिय समाचारहरु