logo

bar

हिजाबमाथि राष्ट्रपतिको टिप्पणी

| मङि्सर १९, २०७४

अफगानिस्तानका राष्ट्रपति असरफ घानीले परम्परित हिजाबमाथि आफ्ना टिप्पणीका लागि महिलासित माफी मागेका छन् । राष्ट्रपति असरफ केही सरकारी अधिकारीका स्लामिक स्टेटसित सम्बन्धित आरोपमाथि शनिबार प्रतिक्रिया दिइरहेका थिए । उनले भनेका थिए कि आरोप लगाउनेहरूले प्रमाण पनि पेस गर्नुपर्छ । अन्यथा, उनीहरूले महिलाको च्यादर पहिरिनुपर्छ ।

यसपछि अत्यन्त धेरै मानिसले राष्ट्रपतिको यस भनाइलाई यौनिक टिप्पणी मान्दै यसको कडा आलोचना गरेका थिए । पछि राष्ट्रपति घानीले यस टिप्पणीबाट आहत भएका महिलालाई सम्बोधित गर्दै माफी मागे र उनले आफ्नो भनाइ गलत ढंगले बुझिएको बताए ।

अफगानी राष्ट्रपतिको कार्यालयले एक आधिकारिक वक्तव्यमा भनेको छ– राष्ट्रपति महिला अधिकारका प्रखर समर्थक हुन् र उनले आफगानी राष्ट्रपतिका रूपमा आफ्नो कार्यकालमा देशका महिलाको स्थिति मजबुत गर्न कैयौँ कदम उठाएका छन् । वक्तव्यमा अगाडि बताइएको छ कि राष्ट्रपतिले ‘च्यादर’ शब्दको उपयोग गरेका थिए, जसको गलत व्याख्या गरिएको छ । वक्तव्यमा भनिएको छ– यो एक आम भनाइ हो, जसको अर्थ महिलामाथि आहत पुर्‍याउनु कुनै हालतमा होइन।

आक्रामक प्रतिक्रिया
राष्ट्रपति घानीले पारम्परिक हिजाबमाथि आफ्नो विचार राखेर भनाइ टुंग्याउनासाथ सुन्नेजति सबैले ताली बजाएका थिए । तर, त्यसको एक दिनपछि उनले माफी माग्नुपर्‍यो । कैयौँ मानिसको भनाइ छ कि घानी आफ्ना आलोचकलाई महिला बन्ने सल्लाह दिँदै यस्तो संकेत दिइरहेका थिए कि महिला हीन हुन्छन् ।

सिभिल सोसाइटीका कार्यकर्ताले सामाजिक सञ्जालमा राष्ट्रपति घानीको कडा आलोचना गरेका थिए । उनीहरूले राष्ट्रपति घानीले माफी माग्नुपर्ने माग जोडदार रूपमा उठाएका थिए । केही सरकारी अधिकारी तथा महिला सांसदले पनि राष्ट्रपतिको यस भनाइमाथि असन्तुष्टि जनाएका थिए ।

महत्वपूर्ण सन्दर्भ यो हो कि अफगानिस्तान एक मुस्लिमबहुल देश हो, जहाँ अधिकांश महिलाले हिजाब लगाउँछन् ।

कसमाथि विश्वास गर्नु ?
अफगानिस्तानमा महिला लेखकलाई सहयोग गर्दै आएको संस्था ‘फ्री उमन राइटर्स’ ले राष्ट्रपति घानीको भनाइमाथि फेसबुकमा जवाफ पनि लेखेको थियो । सो संस्थाले राष्ट्रपतिजस्ता सम्मानित व्यक्तिबाट यस्ता टिप्पणी आउँछन् भने अफगानी महिलाले कसमाथि विश्वास गर्नु ? राष्ट्रपतिले यस्तो सोच्नु आममहिलाका लागि लज्जाको विषय हो ।

महिला सांसद फौजिया कुफीले ट्विट गरेकी थिइन् कि उनलाई हिजाब लगाउँदा गर्वको अनुभव हुन्छ । राष्ट्रपति घानीले ०१४ मा अफगानिस्तानका राष्ट्रपतिका रूपमा शपथ लिएका थिए । शपथसँगै उनले भ्रष्टाचारसित कडाइसाथ प्रस्तुत हुने बाचा गरेका थिए । राष्ट्रपति बन्नुअघि घानी देशका अर्थमन्त्री रहेका थिए भने उनले विश्वबैंकका लागि पनि काम गरेका थिए ।
बिबिसी हिन्दीको समाचार टिप्पणी
बिबिसी डट कम/हिन्दीबाट

तपाईको प्रतिक्रिया

सम्बन्धित समाचारहरु

लोकप्रिय समाचारहरु