गौतमबुद्ध अन्तर्राष्ट्रिय विमानस्थल : सम्झौता सकिन ८ महिना बाँकी ३२ महिनामा ३०% कार्यप्रगति - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

लमजुङको मस्र्याङ्दी गाउँपालिका २ घनपोखरा स्थायी घर भई सदरमुकाम बेसीशहर बस्दै आएकी हुमा गुरुङ तीन वर्षदेखि पुष्प नर्सरी व्यवसायमा रमाएकी छिन् । जिल्लामा एक मात्र पुष्प व्यावसाय सुरु गरेकी हुमाले…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   असोज २६, २०७४

अच्युत पुरी/नयाँ पत्रिका

राष्ट्रिय गौरवको आयोजना गौतमबुद्ध अन्तर्राष्ट्रिय विमानस्थल निर्माणको ठेकेदार कम्पनी र नेपाल नागरिक उड्डयन प्राधिकरणको पछिल्लो सम्झौताअनुसार जुन २०१८ सम्म पहिलो चरणको काम पूरा भइसक्नुपर्छ । तर, बुधबार व्यवस्थापिका संसद्, सार्वजनिक लेखा समितिमा संस्कृति, पर्यटन तथा नागरिक उड्डयन मन्त्रालय र सरोकारवाला निकायले प्रस्तुत गरेको प्रतिवेदनअनुसार अहिलेसम्म केवल ३० प्रतिशत मात्र प्रगति भएको छ । अर्थात् निर्धारित समयमै आयोजनाको काम सम्पन्न गर्ने हो भने अबको ८ महिनाभित्र ७० प्रतिशत काम सम्पन्न गर्नुपर्ने हुन्छ । जुन असम्भव रहेको मन्त्रालय, प्राधिकरण र आयोजनाका जिम्मेवार अधिकारी स्वीकार गर्छन् ।

चीनको नर्थवेस्ट कम्पनीले प्रारम्भमा डिसेम्बर २०१७ सम्म विमानस्थलको पहिलो चरणको काम पूरा गर्ने गरी ठेक्का पाएको थियो । वैशाख २०७२ को भूकम्प र लगत्तै भारतको नाकाबन्दीले काम प्रभावित भएको भन्दै आयोजनाको अवधि ६ महिना थप गरी जुन २०१८ सम्म पु¥याइएको हो । यो आयोजना निर्माणको काम १५ जनवरी २०१५ बाट सुरु भएको हो ।

मुख्य समस्या जहाँको तहीँ

आयोजनाको मुख्य ठेकेदार कम्पनी र स्थानीय सप्लायर्स कम्पनीबीचको विवादप्रति मन्त्रालय, प्राधिकरण र आयोजना प्रमुख पन्छिदै आएका छन् । यी निकायले आफूले स्थानीय सप्लायर्स कम्पनीलाई नचिन्ने भन्दै यसको समाधान ठेकेदार कम्पनी आफैँले गर्नुपर्ने बताउँदै आएका छन् । आर्थिक लेनदेनको विवाद बल्झिदै गए पनि समस्या समाधानमा नेतृत्व गम्भीर नभएपछि आयोजनाको काम प्रभावित भइरहेको छ । यसबाहेक नदीजन्य सामग्री, माटो र अन्य कच्चा पदार्थको अभाव, नेपाल विद्युत् प्राधिकरणले डेलिकेटेड फिडर जडानमा गरेको ढिलासुस्तीजस्ता समस्या कायम नै रहेको आयोजना प्रमुख शर्माले उल्लेख गरे ।

के छ पछिल्लो अपडेट ?

पर्यटन मन्त्रालयका सचिव महेश्वर न्यौपानेका अनुसार मन्त्रालयको चेतावनीपछि नर्थवेस्ट कम्पनीले आयोजनाको नेतृत्व परिवर्तन गरेको छ । कतिपय उपकरण साइटमा ल्याइसकेको छ भने कतिपय चीनबाट आउनेक्रममा छन् । कामदारको संख्या पनि बढाएका कारण पछिल्लो समय आशालाग्दो काम भइरहेको उनले जानकारी दिए ।

किन गति लिन सकेन आयोजनाले ?

नेपाल नागरिक उड्डयन प्राधिकरणका महानिर्देशक सञ्जीव गौतमका अनुसार निर्माण प्रारम्भिक समयमा उत्साहप्रद रूपमा काम भएको थियो । तर, चिनियाँ निर्माण कम्पनी र उसले स्थानीय स्तरमा नियुक्त गरेको सप्लायर्स कम्पनीबीचको लेनदेन विवादले आयोजनाको काम ठप्प हुन पुग्यो । यसको प्रभाव अहिलेसम्म कायम छ । पर्यटनमन्त्री जितेन्द्रनारायण देवका अनुसार स्थानीय सप्लायर्स कम्पनीले ठेकेदार कम्पनीका उपकरण लुट्ने र कब्जामा लिने काम ग¥यो । यसलाई मन्त्रालय, प्राधिकरण तथा आयोजना प्रमुखले समयमै समन्वय गरी समस्या समाधान गर्न सकेनन् । जसको सिकार आयोजना बन्न पुगेको छ । आयोजनाप्रमुख ओम शर्माका अनुसार फागुन २०७३ बाट ठप्प भएको निर्माणको कामले अहिले पनि गति लिन सकेको छैन ।

मन्त्रालय नेतृत्वप्रति सांसदहरूको कडा आलोचना

गौतमबुद्ध अन्तर्राष्ट्रिय विमानस्थल निर्माणमा स्थानीय सप्लायर्स कम्पनीसँग मिलेमतोमा चिनियाँ ठेकेदार कम्पनीलाई मात्र दोष देखाई काम ढिला गराउन मन्त्रालय र प्राधिकरणका अधिकारीहरू नै लागेको भन्दै समितिमा सांसदहरूले कडा आलोचना गरेका छन् । सांसद विकास लम्सालले काम रोकिएको लामो समयसम्म पनि समस्या समाधानमा सक्रिय नहुने पर्यटन मन्त्रालय र प्राधिकरणको भूमिका शंकास्पद रहेको बताए । अर्का सांसद रामहरि खतिवडाले आयोजना प्रमुख नै स्थानीय कम्पनीसँग मिलेमतो गरी आयोजनाको काम लम्ब्याउन र आर्थिक अनियमिततामा लागेको आरोप लगाए ।