भाग्यले फुटबलर बनेका मेस्सी - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   असोज २६, २०७४

फुटबलका जादुगर लियोनल मेस्सीको उपस्थितिमा मैदान रहँदा पनि अर्जेन्टिना सन् २०१८ का लागि विश्वकप छनोटमा नपर्न सक्ने गम्भीर मोडमा थियो । नेपाली समयअनुसार बुधबार बिहान भएको खेलमा अर्जेन्टिनाको यस्तो हविगतसामु सबैभन्दा दबाबमा मेस्सी नै थिए । किनभने, विश्वकै नम्बर एक फुटबलरका रूपमा प्रदर्शन गर्दै आएका उनले राष्ट्रिय टिममा भने गतिलो गर्न नसकेको आरोप लाग्ने गरेको थियो । आरोप स्वाभाविक पनि हो ।

तर, यो आरोपलाई जादुमयी शैलीमा खारेज गरिदिएर अर्जेन्टिनाको विश्वकप यात्रालाई मेस्सीले सुनिश्चित गरिदिएका छन् । घरेलु मैदानमा इक्वेडरले १–० को दबाब दिइरहँदा मेस्सीले अन्ततः ह्याट्रिकमा जवाफ दिए । जबकि इक्वेडरसँग बराबरीको खेल मात्रै खेलेको भए पनि मेस्सीसहित अर्जेन्टिनी टिम लज्जास्पद रूपमा घर फर्किनुपर्ने थियो । तर, ३–१ को सुनौलो जितसहित अर्जेन्टिना दक्षिण अमेरिकी मुलुकबाट तेस्रो हुँदै विश्वकपमा छनोट भएको छ । मेस्सीको यो ‘गोल जादु’को चर्चा फेरि एकपटक विश्वभर भएको छ ।

तर, फुटबल मैदानमा मेस्सीको उपस्थित ज्यादा भाग्यसँग सम्बन्धित देखिन्छ, उनको जीवन कोट्याउँदा । १९८७ मा अर्जेन्टिनाको रोसारियो सहरमा जन्मिएका मेस्सीको जीवनको सुरुवाती दिन नै निर्मम थिए । बाल्यकालमै उनी ‘ग्रोथ हर्मोन’को बिरामी थिए । उनको शारीरिक विकास नै रोकिने अवस्थामा थियो । उनको शरीरमा प्रतिरोधक क्षमता कम थियो । आँखाको ज्योति कमजोर थियो । उनलाई दैनिक हर्मोन थेरापी दिनुपर्ने अवस्था थियो । तीन वर्षसम्म हरेक दिन उनको पैतालामा इन्जेक्सन दिनुपथ्र्यो । यो उपचारका लागि हरेक महिना १५ सय डलर लाग्यो । यो काम नगर्दा उनको शरीर झन् कमजोर हुँदै जाने र शारीरिक भविष्य कमजोर अवस्थामा पुग्ने थियो ।

मध्यमवर्गीय परिवारका लागि मेस्सीको उपचार असम्भव थियो । आमा–बाबु गरिब थिए । त्यतिवेला शारीरिक विकास रोकिएको हुन्थ्यो भने मेस्सीलाई आज फुटबलका जादुगरको रूपमा देख्न सायद मुस्किल हुन्थ्यो । तर, उनको जीवनमा भाग्य खुल्यो ।

मेस्सीका बाबु जर्जलाई साथीले एक दिन बताए, स्पेनमा एउटा फुटबल क्लबले खेलाडीहरूको उपचारमा सघाउँछ । बाल्यकालमै मेस्सी फुटबल खेल्न रुचाउँथे, जर्ज आफैँ पनि स्थानीय क्लबको कोच थिए । साथीले जानकारी गराएपछि जर्ज मेस्सीसहित परिवार लिएर स्पेन गए । बार्सिलोना क्लबका निर्देशक कार्लेस रेक्सचसँग भेट गरे । मेस्सीमा क्षमता देखेपछि कार्लेस उनलाई बार्सिलोनामा आबद्ध गराउन तयार भए, अनि उनको उपचारको सम्पूर्ण खर्च तिर्न पनि । तत्काल कार्लेसले न्यापकिन पेपरमा लेखेर मेस्सीलाई बार्सिलोनामा अनुबन्ध भएको पत्र दिए । यतिवेला मेस्सी मात्रै १३ वर्षका थिए ।

मेस्सीको उपचार भयो, फुटबल पनि खेल्दै गए । १८ वर्षको उमेरमा २००५ मा उनले पहिलो अन्तर्राष्ट्रिय म्याच खेल्ने मौका पाए । उनका लागि विश्व फुटबल बजारमा नाम फैलाउने यो नै पहिलो अवसर थियो । तर, उनको त्यो खेल जम्मा ४७ सेकेन्डको रह्यो । किनभने, खेल्दाखेल्दै रेड कार्ड पाए ।

यसरी सुरु भएको मेस्सीको फुटबल यात्राबाट सन् २०१६ सम्म आइपुग्दा सन्यास लिने मोडमा पुग्यो । कोपा अमेरिका २०१६ को फाइनल खेलमा लज्जास्पद हारपछि उनले फुटबलबाटै सन्यास लिने घोषणा गरे । तर, अर्जेन्टिनी सरकारले सन्यास फिर्ता लिन पटक–पटक अनुरोध गरेपछि उनी फुटबलमै फर्किए । त्यसयता पनि मेस्सीका चामत्कारिक गोल दर्शकले हेर्दै आएका छन् । मंगलबार राति इक्वेडरविरुद्धको ह्याट्रिक पछिल्लो चमत्कार हो । गोलको वर्षा गर्दै मेस्सीले फेरि हावामा दुई हात उठाए, आफ्नी हजुरआमालाई खुसी देखाउन । उनी १० वर्षको हुँदा संसार छाडेर गएकी प्रिय हजुरआमाबारे मेस्सी भन्छन्, ‘हजुरआमा अहिले पनि स्वर्गबाट मेरो खेल हेरिरहेकी छिन् ।’