अमेरिकाद्वारा १५ क्युवाली कूटनीतिज्ञलाई देशनिकाला - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

एजेन्सी , न्युयोर्क   |   असोज १९, २०७४

अमेरिकाले वासिङ्टनमा रहेका क्युवाका १५ जना कूटनीतिज्ञ र केही कर्मचारीलाई देशनिकाला गरेको छ । हवानाले अमेरिकी कूटनीतिज्ञहरूलाई रहस्यमय ढंगले बिरामी गराएको आरोप लगाउँदै बदलास्वरूप बुधबार वासिङ्टनले क्युवाली कूटनीतिज्ञहरूलाई देशनिकाला गरेको हो ।

अमेरिकाले बोलाएको
गत साता मात्रा अमेरिकाले आधा दर्जन कूटनीतिज्ञलाई क्युवाबाट फिर्ता बोलाएको थियो । करिब दुई दर्जन अमेरिकी कूटनीतिज्ञ र उनीहरूका परिवार रहस्यमय रोगको सिकार भएपछि अमेरिकाले सो कदम चालेको थियो । उनीहरूमध्ये धेरैको श्रवण शक्ति गुमेको थियो । आफ्ना कूटनीतिज्ञहरूलाई श्रवण शक्ति कमजोर हुने ध्वनिबाट हमला गरेको अमेरिकाले आरोप लगाउँदै आएको छ ।

‘अमेरिकी कूटनीतिज्ञ असुरक्षित’
क्युवाले आफ्ना कूटनीतिज्ञलाई सुरक्षा दिन नसकेको अमेरिकाले आरोप लगाएको छ । ‘भियना महासन्धिअनुसार हाम्रा कूटनीतिज्ञहरूलाई क्युवाले पर्याप्त सुरक्षा प्रदान गर्न असफल भएकाले विरोधस्वरूप क्युवाली कूटनीतिज्ञहरूलाई फिर्ता गरिएको हो,’ अमेरिकी विदेशमन्त्री रिक्स टिलरसनले भने । क्युवाली कूटनीतिज्ञहरूलाई देश छोड्न अमेरिकी विदेश मन्त्रालयले सात दिनको म्याद दिएको छ ।

क्युवा क्रूद्ध
ट्रम्प प्रशासनले वासिङ्टनमा रहेका क्युवाका कूटनीतिज्ञ र कर्मचारी फिर्ता गर्ने निर्णय गरेपछि हवाना अमेरिकाविरुद्ध क्रुद्ध बनेको छ । अमेरिका गैरजिम्मेवार बनेको क्युवाले आरोप लगाएको छ । अमेरिकी निर्णयलाई क्युवाका विदेशमन्त्री ब्रुनो रोड्रिग्युजले ‘अस्वीकार्य’ बताएका छन् ।

अमेरिकी सरकारको कदम अन्यायपूर्ण भएको विदेशमन्त्री रोड्रिग्युजले बताए । कूटनीतिज्ञहरूमाथि भएको कथित हमलाप्रति अमेरिकी सरकारले प्रमाण जुटाउन नसकेको भन्दै कपोलकल्पित र भ्रामक प्रचार नगर्नसमेत क्युवाले अमेरिकासँग अनुरोध गरेको छ । बिरामी भएको बताइएका कूटनीतिज्ञहरू क्युवाका चिकित्सकसमक्ष उपचार गर्न नगएको हवानाले जनाएको छ ।

हवाना र वासिङ्टनबीचको तिक्तता दोहोरियो
पछिल्लो समयमा क्युवा र अमेरिकाबीचको सम्बन्ध थप तिक्ततापूर्ण बनेको छ । पूर्वराष्ट्रपति बाराक ओबामाको कार्यकालमा ओबामाले विकास गरेका विश्वासको आधार ट्रम्प प्रशासनले भत्काएको छ । अमेरिका भ्रमणमा रहेका लाखौँ क्युवालीको भिसा बीचमै रद्द गरिएको छ । कटुताबीच बढिरहेको सम्बन्ध तोडिने स्थितिमा पुगेको छ । विद्यमान समस्या समाधान गर्न अमेरिकासँग वार्ता गर्न तयार रहेको क्युवा सरकारले दोहोर्‍याएको छ ।

‘हाम्रा कूटनीतिज्ञहरूमाथि भएका हमलाको अनुसन्धानपछि हामी क्युवासँग निरन्तर रूपमा कूटनीतिक सम्बन्ध स्थापना गर्नेछौँ,’ अमेरिकी विदेशमन्त्री रिक्स टिलरसनले भने । कूटनीतिज्ञहरूमाथि गरिएको हमलाबारे आफूहरूलाई अनौठो लागेको उनले बताए ।

अमेरिकी कूटनीतिज्ञलाई रहस्यमय स्वास्थ्य समस्या
क्युवास्थित अमेरिकी दूतावासमा रहेका कम्तीमा २१ जना अमेरिकी नागरिकलाई स्वास्थ्यसम्बन्धी विभिन्न समस्या देखा परेको अमेरिकाले जनाएको छ । उनीहरूलाई पछिल्लो डेढ महिनादेखि दिमाग दुख्ने, श्रवण शक्ति गुम्ने, धमिलो देख्नेदेखि बारम्बार बान्ता आउने समस्या देखिएको अमेरिकी सरकारले जनाउँदै आएको छ ।

कुटनीतिज्ञहरूमाथि ध्वनिसम्बन्धी हमला भएको बताइएको छ, तथापि त्यसको पुष्टि हुन भने बाँकी नै छ । तर, क्युवाले भने दूतावासका कर्मचारीमाथि आफ्नो देशका तर्फबाट कुनै हमला नगरिएको बताएको छ ।