सिंहदरबारमा १ मेगावाट सोलार जडानको काम तीव्र - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

उमेश पौडेल, काठमाडौं   |   भदौ १६, २०७४

चीन सरकारको ५५ करोड अनुदानमा प्रोजेक्ट सुरु  –

सिंहदरबारभित्र चीन सरकारको अनुदानमा निर्माण भइरहेको १ मेगावाटको सोलार प्लान्ट जडानले तीव्रता पाएको छ । तीन फेजमा काम गरिरहेको चिनियाँ कम्पनीले दोस्रो चरणको काम सकेर तेस्रो चरणको काम थालिसकेको छ । सोलार जडानको जिम्मा चिनियाँ कम्पनी चाइना स्टेट कन्स्ट्रक्सन इन्जिनियरिङ कर्पोरेसन लिमिटेडले पाएको छ भने परामर्शदाता कम्पनीका रूपमा चीनकै चाइना न्यु इरा इन्टरनेसनल इन्जिनियरिङ कर्पोरेसनले काम गरिरहेको छ ।

२०६७ सालमा तत्कालीन सरकारले सिंहदरबार परिसरमा १ मेगावाटको सोलार प्लान्ट राख्ने योजना बनाएको थियो । मुलुकको प्रमुख प्रशासनिक केन्द्र सिंहदरबारका सरकारी कार्यालयहरू र सिंहदरबारवरिपरि रहेका अन्य सरकारी कार्यालयहरूको छतमा सोलार जडान गर्ने काम धमाधम भइरहेको छ ।

आगामी डिसेम्बर महिनासम्म जडान कार्य सक्ने योजनाका साथ चिनियाँ कम्पनीले काम गरिरहेको र दुईतिहाइ काम सकिएको ऊर्जा मन्त्रालयका सहसचिव एवं प्रवक्ता दिनेशकुमार घिमिरेले बताए ।

सिंहदरबारलाई लोडसेडिङमुक्त क्षेत्र बनाउने र बाँकी रहेको विद्युत्लाई प्रसारणलाइनमा जडान गर्ने लक्ष्यसहित मन्त्रालय र विद्युत् प्राधिकरणको पहलमा सोलार राख्ने काम भएको हो ।

‘गत जनवरी महिनादेखि सुरु भएको सोलार जडानको कामले अन्तिम रूप लिँदै छ,’ घिमिरेले भने, ‘अब सिंहदरबार विद्युत्मा आत्मनिर्भर हुँदै छ र निर्माण कम्पनीले पनि तीव्रताका साथ काम गरिरहेको छ ।’

हालसम्म सिंहदरबारबाहिर बिमा समिति र बिमा कम्पनीमा अर्थिङ र रेलिङको काम सकिएको छ । त्यस्तै गृह मन्त्रालय र राष्ट्रिय सूचनाप्रविधि केन्द्रको छतमा सोलार जडानको काम भइरहेको छ । चीन सरकारले ५५ करोड रुपैयाँबराबरको अनुदानमा यो प्रोजेक्ट सुरु गरेको हो । यो आयोजनाबाट उत्पादित १ मेगाबाट बिजुली नेपाल विद्युत् प्राधिकरणको सिंहदरबारमा रहेको के थ्री सबस्टेसनमा जडान गरिने घिमिरेले बताए ।

सिंहदरबारका ऊर्जा, अर्थ, परराष्ट्र, शिक्षा, प्रधानमन्त्री तथा मन्त्रिपरिषद् कार्यालय, विज्ञान तथा प्रविधि मन्त्रालयमा सोलार जडान गरिनेछ । त्यस्तै राष्ट्रिय योजना आयोग, हुलाक क्षेत्रीय कार्यालय र रेडियो नेपाल तथा सिंहदरबारसँग जोडिएका जिल्ला विकास समिति, जिल्ला अदालत, बिमा समिति, वाणिज्य बैंकलगायतका २५ वटा भवनका छतमा सोलार जडान गरिनेछ ।

यसअघि चिनियाँ टोलीले सिंहदरबारभित्र र बाहिरका सरकारी कार्यालयका छतमा सोलार राखेर विद्युत् उत्पादन गर्नेबारेमा अध्ययन गरेको थियो । अध्ययनको सुरुवातमा सिंहदरबारभित्रका सम्पूर्ण छत प्रयोग गर्दा ५ मेगावाट विद्युत् उत्पादन हुने पत्ता लागेको थियो । तर, सबै भवनमा सोलारका पाता राख्न नमिल्ने भएपछि १ मेगावाटमा मात्र उत्पादन गर्न थालेको हो ।

केही मन्त्रालय र भवनमा प्यानल राख्न नमिल्ने भएपछि ८० किलोवाटबराबरको सोलार प्यानल ऊर्जा, अर्थ र परराष्ट्र मन्त्रालयको पार्किङ क्षेत्र तथा प्रधानमन्त्री तथा मन्त्रिपरिषद् कार्यालयको पार्किङ क्षेत्रमा समेत जडान गरेर उत्पादन गरिने भएको छ ।