राजमार्गमा चल्न थाले पानीजहाज... - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

शशीधर भण्डारी/नयाँ पत्रिका प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

अशोक पहाडी, रौतहट,२९ साउन   |   साउन २९, २०७४

सधैँ सवारीसाधनको चाप रहने पूर्व–पश्चिम राजमार्गको चन्द्रनिगाहपुर–बागमती सडकखण्डमा यतिवेला सवारीसाधन होइन, पानीजहाज चल्ने गरेका छन् ।

लगातारको वर्षाले राजमार्ग नदीमा परिणत भएको छ । सवारीका साधन गुड्न छाडेका छन् । त्यसैले घरेलु उपाय अपनाएर जसोतसो जोहो गरिएका पानीमा चल्ने अस्थायी साधन चढेर सुरक्षित स्थानतर्फ गइरहेका दृष्य प्रशस्त देखिन थालेका छन् ।

 

तस्बिर : अशोक पहाडी/नयाँ पत्रिका

 

सडकभन्दा निकै माथिसम्म पानीको सतह बढेपछि गाडी गुड्ने रोडमा अनेक उपाय लगाएर सर्वसाधारण यात्रा गरिरहेका छन् । दुई दिनदेखि पूर्व–पश्चिम महेन्द्र राजमार्गको चन्द्रनिगाहपुर–बागमती सडकखण्डमा पर्ने लच्कामा पानीको सतह बढेपछि बाढीपीडितले यस्तो उपाय गरेका हुन् ।

 

तस्बिर : अशोक पहाडी/नयाँ पत्रिका

 

तर, यस्ता साधन चढेर वारीपारी गर्न दुई सय रुपैयाँ तिर्नुपर्ने बाध्यता छ । स्थानीय युवाले ट्युवको सहायतामा त्यस्तो साधन बनाएका हुन् । शनिबारदेखि नै यस्ता साधनबाट ओहोरदोहोर भइरहेको छ ।

गाडी चल्न नसक्ने भएपछि यात्रुहरू बाध्य भएर ट्युवमा चढेर बागमती जाने र अर्को गाडी चढेर पूर्व जाने तथा चन्द्रनिगाहपुर आएर पश्चिम जाने गरेको जिल्ला ट्राफिक प्रहरी कार्यालय चन्द्रनिगाहपुरका प्रमुख राममणि उप्रेतीले जानकारी दिए ।

 

तस्बिर : अशोक पहाडी/नयाँ पत्रिका

 

यसरी मान्छे मात्र होइन, मोटरसाइकलसमेत तार्ने गरिएको छ । मोटरसाइकल तारिदिएको पाँच सय रुपैयाँसम्म लिने गरेको पौराईका स्थानीयबासिन्दा देवीप्रसाद सापकोटाले बताए ।

रौतहटको बागमती–चन्द्रनिगाहपुर सडकखण्डमा पर्ने दुईवटा लच्कामा हरेक वर्ष वर्षाको समयमा यातायात अवरुद्ध हने गरेको छ । यसपटक त झन ठूलो पानी परेकाले अवस्था असामान्य छ । यात्रुको सुरक्षाका लागि पूर्वबाट आएका सवारीसाधनलाई बागमतीमा र पश्चिमबाट आएका सवारीसाधनलाई चन्द्रनिगाहपुरमा रोकेर राखिएको इलाका प्रहरी कार्यालय चन्द्रनिगाहपुरका डिएसपी यादव ढकाले जानकारी दिए ।

 

तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका
तस्बिर : अशोक पहाडी/नयाँ पत्रिका

तस्बिर : अशोक पहाडी/नयाँ पत्रिका