सम्भावित विपतबाट जोगिन ५ लाख २५ हजार एसएमएस - Naya Patrika
© 2017 Naya Prakasan Pvt. Ltd.
अपडेट

भारतले १९५० को नेपाल–भारत सन्धिअनुसार हाल चलिरहेको दोक्लाम विवादमा नेपालसँग समर्थन माग्न लागेको छ । प्रधानमन्त्री शेरबहादुर देउवासँग बिहीबार भारतीय समकक्षी नरेन्द्र मोदीले हैदरावाद हाउसमा हुने वान अन वान (एक्लाएक्लै)…
पूरा पढ्नुहोस् »

नेपाल पत्रकार महासङ्घमा गोविन्द आचार्य नेतृत्वको प्यानल निर्वाचित भएको छ । गोविन्द आचार्यले ७३२ मत प्राप्त गरेका छन् । उनका निकटतम प्रतिद्वन्द्वी तीर्थ कोइरालाले ६२७ मत प्राप्त गरे । आचार्य…
पूरा पढ्नुहोस् »

अभिनेता एवं निर्देशक रमेश बुढाथोकी विगत साढे तीन दशकदेखि कलाकारितामा अनवरत छन् । ०३७ सालदेखि आफ्नै लेखन, निर्देशन र अभिनयमा नाटक मञ्चन सुरु गरेका उनले त्यसपछि थुप्रै नाटक गरे ।…
पूरा पढ्नुहोस् »

धन कमाउने सपना पालेर विदेश गएका उनी रित्तो हात घर फर्किए । विदेशबाट फर्किएपछि के गर्ने भन्दै अलमलमा परेका उनलाई सैलुन व्यावसाय गर्ने सोच आयो बानपा—२ का २७ वर्षका राजन…
पूरा पढ्नुहोस् »

विश्व अर्थ – भारतीय अर्थतन्त्रमा पछिल्लो समय निकै शंकास्पद बनेको मुख्य विषय भनेको उत्पादन क्षेत्रको उत्पादकत्वको वास्तविक अवस्था हो । सन् २००८ मा विश्वव्यापी आर्थिक मन्दी आउनुभन्दा पहिले नै भारतमा…
पूरा पढ्नुहोस् »

अमेरिकी राष्ट्रपति डोनाल्ड ट्रम्पले अफगानिस्तानमा फेरि युद्ध गर्ने घोषणा गरेका छन् । यसअघि अफगानिस्तानमा रहेका सैनिकहरुको संख्यामा कटौती गर्ने आफ्नो घोषणा विपरित राष्ट्रपति ट्रम्पले कुनै पनि बेला युद्ध शुरु गर्ने चेतावनी…
पूरा पढ्नुहोस् »

माल्दिभ्समाथि सानदार जित हात पार्दै नेपाल साफ यू–१५ च्याम्पियनसिपको सेमिफाइनलमा प्रवेश गरेको छ । नेपालले सोमबार एन्फा कम्प्लेक्स सातदोबाटोमा भएको खेलमा माल्दिभ्सलाई ६–० को फराकिलो अन्तरले पराजित गरेर अन्तिम चारमा…
पूरा पढ्नुहोस् »

यतिखेर हामी संघीयता कार्यान्वयन र प्रशासनिक पुनः संरचनाको जटिल मोडमा छौँ । यस्तो अवस्थामा सबै पक्षले जिम्मेवारीपूर्वक काम गर्नुपर्छ । अझ राजनीतिक प्रणाली सञ्चालनको मुख्य अवयवका रूपमा रहेका राजनीतिक नेतृत्व…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

ऊर्जा मन्त्रालय, विद्युत् विकास विभागले फेरि एकपटक झोलाम खोला राखेर हिँड्नेलाई ३५ दिनभित्र निर्माण प्रक्रिया अघि नबढाए कारबाही गर्ने बताएको छ । विद्युत् उत्पादन गर्छु, लगानी जुटाउँछु भनेर निर्माणका लागि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन २९, २०७४

जल तथा मौसम विज्ञान विभागले दूरसञ्चार कम्पनीसँगको सहकार्यमा बाढीको उच्च जोखिम रहेका क्षेत्रमा ५ लाख २५ हजार एसएमएस पठाइएको जानकारी दिएको छ । विपत्अगावै १४५५ बाट म्यासेज पठाएर सचेत रहन सूचित गरिएको विभागका हाइड्रोलोजिस्ट विनोद पराजुलीले बताए ।

शुक्रबार रातभर भारी वर्षा हुने र बाढीको उच्च जोखिम रहेकाले उच्च सतर्कता अपनाउन भन्दै झापाको कन्काई, चितवनको माडी, बर्दियाको बबई र बाँकेको पश्चिम राप्तीका तटीय क्षेत्रमा सञ्चालनमा रहेका मोबाइल नम्बरहरूमा ४ लाखभन्दा बढी एसएमएस पठाएको थियो । त्यस्तै, शनिबार दिउँसो पूर्व राप्ती, बागमतीलगायत पूर्वी तराई क्षेत्रमा समेत सतर्कताका लागि १ लाख २५ हजारभन्दा बढी एसएमएस पठाइएको उनले बताए ।

नेपाल टेलिकम र एनसेलले यस्तो एसएमएस निःशुल्क गरेका छन् । विभाग र दूरसञ्चार सेवा प्रदायकबीचको सम्झौताका आधारमा गत वर्षदेखि यस किसिमको सेवा सुरु गरिएको हो । नेपाल टेलिकमका नम्बरहरूमा भने सतर्कताका लागि एसएमएस पठाउन सकिएको छैन । टेलिकमले एसएमएसका लागि आफ्नो सर्भर नै विभागको जिम्मा लगाएको छ, तर सफ्टवेयरमा समस्या देखिएकाले टेलिकमका नम्बरमा एसएमएस पठाउन नसकिएको र त्यसको समाधानको प्रयास भइरहेको पराजुलीले बताए । ‘एनसेलले हाम्रो आग्रहमा आफैँ म्यासेज पठाइदिने गरेकाले कुनै समस्या छैन,’ उनले भने, ‘टेलिकमले पनि आफैँ म्यासेज पठाइदिने व्यवस्था गरेको खण्डमा सहज हुने थियो ।’

विपद्पूर्वको सतर्कताका लागि पठाइएको एसएमएसबाट मानवीय क्षति कम गर्न सहयोग पुगेको विभागका महानिर्देशक ऋषि शर्माले बताए । विभागले एसएमएस पठाएकै नम्बर १४५५ मा निःशुल्क रूपमा फोन गर्न सकिने व्यवस्था पनि मिलाइएको छ । ‘यस किसिमको पूर्वसतर्कताले सम्भावित ठूलो जनधनको क्षतिबाट जोगाउन सहयोग पुगिरहेको छ,’ उनले भने, ‘सम्बन्धित क्षेत्रका बासिन्दाहरूबाट समयमै सूचना पाएकाले सावधान रहन सहयोग पुगेको भन्ने खबर आइरहेको छ ।’

टेलिकमको अवरुद्ध सेवा पुनः सञ्चालनमा

मुलुकको पूर्वी क्षेत्रमा अत्यधिक वर्षाका कारण अवरुद्ध नेपाल टेलिकमको टेलिफोन तथा इन्टरनेट सेवा पुनः सुचारु भएको छ । इटहरी कार्यालयमा बाढी पसेपछि त्यसभन्दा पूर्वी भेगमा शुक्रबार रातिबाट अवरुद्ध भएको टेलिफोनको टेलिफोन तथा इन्टरनेट सेवा शनिबार दिउँसोबाट सुचारु भएको हो ।

शुक्रबार रातभरको भारी वर्षाका कारण कोसीपूर्व तथा पूर्वी पहाडी भेगमा टेलिकमको सेवा प्रभावित भएको थियो । केही स्थानीय पिएसटिएन सेवा सञ्चालनमा रहेको भए पनि मोबाइल सेवा भने पूर्ण रूपमा अवरुद्ध भएको थियो । मोबाइल नेटवर्कमा देखिएको समस्या समाधान भइसकेको टेलिकमकी प्रवक्ता प्रतिभा वैद्यले जानकारी दिइन् । ‘इटहरीको पिएसटिएन लाइनमा देखिएकोे समस्या समाधान गर्ने प्रयास भइरहेको छ,’ नयाँ पत्रिकासँग उनले भनिन् ।