बाढीको वितण्डा : ३० जनाको ज्यान गयाे, पूर्वदेखि पश्चिम तराईको जनजीवन प्रभावित - Naya Patrika
© 2017 Naya Prakasan Pvt. Ltd.

एक वर्षमा ३२ सिनियर प्रहरी अधिकृतसहित दुई हजार तीन सय ८१ प्रहरी कारबाहीमा परेका छन् । अघिल्लो वर्षभन्दा झन्डै दोब्बर प्रहरी कारबाहीमा परेका हुन् । प्रहरी प्रधान कार्यालयका अनुसार आर्थिक…
पूरा पढ्नुहोस् »

नेपाल पत्रकार महासङ्घमा गोविन्द आचार्य नेतृत्वको प्यानल निर्वाचित भएको छ । गोविन्द आचार्यले ७३२ मत प्राप्त गरेका छन् । उनका निकटतम प्रतिद्वन्द्वी तीर्थ कोइरालाले ६२७ मत प्राप्त गरे । आचार्य…
पूरा पढ्नुहोस् »

अभिनेता एवं निर्देशक रमेश बुढाथोकी विगत साढे तीन दशकदेखि कलाकारितामा अनवरत छन् । ०३७ सालदेखि आफ्नै लेखन, निर्देशन र अभिनयमा नाटक मञ्चन सुरु गरेका उनले त्यसपछि थुप्रै नाटक गरे ।…
पूरा पढ्नुहोस् »

धन कमाउने सपना पालेर विदेश गएका उनी रित्तो हात घर फर्किए । विदेशबाट फर्किएपछि के गर्ने भन्दै अलमलमा परेका उनलाई सैलुन व्यावसाय गर्ने सोच आयो बानपा—२ का २७ वर्षका राजन…
पूरा पढ्नुहोस् »

अमेरिकी राष्ट्रपति डोनाल्ड ट्रम्पले अफगानिस्तानमा फेरि युद्ध गर्ने घोषणा गरेका छन् । यसअघि अफगानिस्तानमा रहेका सैनिकहरुको संख्यामा कटौती गर्ने आफ्नो घोषणा विपरित राष्ट्रपति ट्रम्पले कुनै पनि बेला युद्ध शुरु गर्ने चेतावनी…
पूरा पढ्नुहोस् »

माल्दिभ्समाथि सानदार जित हात पार्दै नेपाल साफ यू–१५ च्याम्पियनसिपको सेमिफाइनलमा प्रवेश गरेको छ । नेपालले सोमबार एन्फा कम्प्लेक्स सातदोबाटोमा भएको खेलमा माल्दिभ्सलाई ६–० को फराकिलो अन्तरले पराजित गरेर अन्तिम चारमा…
पूरा पढ्नुहोस् »

उत्तर कोरियाको गुआममा आक्रमण गर्ने धम्की र उसका तर्फबाट बारम्बार गरिँदै आएको क्षेप्यास्त्र परीक्षणसँगै चलिरहेको वाक्युद्धलाई लिएर विश्लेषकले चेतावनी दिएका छन् कि यस्तो संवेदनशील समयमा संयुक्त सैनिक अभ्यास गर्नु आगोमा…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

झन्डै नौ महिनाअघि वर्तमान गठबन्धनका तर्फबाट संसद्मा प्रस्तुत गरिएको र बीचबीचमा परिमार्जनसहित अघि बढाइएको नेपालको संविधानमा दोस्रो संशोधन गरियोस् भन्ने प्रस्ताव आवश्यक समर्थन प्राप्त गर्न नसकेपछि सोमबारको संसद् बैठकबाट अस्वीकृत…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

वीरेन्द्र ओली, काठमाडौं, २८ साउन   |   साउन २८, २०७४

दुई दिनदेखिको अविरल वर्षाका कारण आएको बाढीपहिरोमा परेर कम्तिमा ३० जनाको मृत्यु भएको छ भने थुप्रै बेपत्ता भएका छन् । हजारौँ घर तथा लाखौँ विगाह जमिन डुबानमा परेको छ ।

शुक्रबार रातिदेखि शनिबार दिनभरसम्म परेको भारी वर्षाका कारण मानवीयसँगै धेरै भौतिक क्षति भएको हो । बाढीपहिरो र डुबानले घरहरू भत्किँदा हजारौँ सर्वसाधारणको बिचल्ली भएको छ । निरन्तर वर्षा भइरहेकाले मृत्यु तथा बेपत्ताको संख्या अझ बढ्न सक्ने गृह मन्त्रालयको अनुमान छ ।

 

 

गृह मन्त्रालयको तथ्यांकअनुसार सुनसरीमा सबैभन्दा धेरै मानवीय क्षति भएको छ । सुनसरीमा सातजनाको ज्यान गएको छ । यस्तै, झापा र सिन्धुलीमा ४–४, मोरङ, बाँके र पाँचथरमा मा ३–३ तथा बारा, सर्लाही, दाङ, पाल्पा र बर्दियामा १–१ जनाको मृत्यु भएको छ ।

ठूलो जनधनको क्षति हुँदा पनि बाढीप्रभावित क्षेत्रमा राज्यको प्रभावकारी उपस्थिति नदेखिएको गुनासो पीडितहरूले गरेका छन् । तर, गृह मन्त्रालयले सर्वसाधारणको उद्धार तथा राहतका लागि स्थानीय प्रशासनलाई परिचालन गरेको दावी गरेको छ ।

गृह मन्त्रालयका प्रवक्ता दीपक काफ्लेले सर्वसाधारणको उद्धार तथा राहतमा विशेष ध्यान दिइएको बताए । ‘अहिले मानवीय उद्धारमा खटिएकाले भौतिक क्षति यकिन गर्न सकेका छैनौँ,’ काफ्लेले भने, ‘सरकार सबै साधनस्रोत परिचालन गरी उद्धार तथा राहतमा मात्र केन्द्रित भएको छ ।’

पूर्वी तराईमा सबैभन्दा बढी क्षति
बाढी र डुबानका कारण तराईका जिल्ला सबैभन्दा धेरै मारमा परेका छन् । झापा, मोरङ, सुनसरी, सर्लाही, महोत्तरी, रौतहट, दाङ, बाँके, बर्दियामा ठूलो जनधनको क्षति भएको छ । ती जिल्लामा बाढीपहिरो र डुबानका कारण घर भत्किएकाले धेरैको ज्यान गएको गृह मन्त्रालयले जनाएको छ ।

 

 

बाढीको जोखिम कहाँ–कहाँ ?
जल तथा मौसम विज्ञान विभाग बाढी पूर्वानुमान महाशाखाका अनुसार तराईका साना तथा मझौला खोला र नदीमा बाढीको उच्च जोखिम छ । चुरे भई तराईमा बग्ने कमला, कन्काई नदी, पूर्वी राप्ती, बागमती र पश्चिम बबईमा आइतबार बेलुकासम्म उच्च जोखिम रहेको बाढी पूर्वानुमान महाशाखाका प्रमुख विनोद पराजुलीले बताए ।

 

 

‘उच्च जोखिम भएका नदी र खोलाका तटीय क्षेत्रमा बसोबास गर्ने सर्वसाधारणलाई अग्लो र सुरक्षित स्थानमा बस्न आग्रह गरेको छौँ,’ उनले भने, ‘बाढीको जोखिम कम भएपछि अर्को सूचना जारी गरेपछि मात्र यथावत् ठाउँमा आउन निर्देशन दिएका छौँ ।’ ठूला नदी कोसी र नारायणीको पानीको बहाव पनि बिस्तारै बढ्दै गएको पराजुलीले जानकारी दिए ।