बिमस्टेक बैठकमा महासंघ अध्यक्ष राणाको सम्बोधन - Naya Patrika
© 2017 Naya Prakasan Pvt. Ltd.

एक वर्षमा ३२ सिनियर प्रहरी अधिकृतसहित दुई हजार तीन सय ८१ प्रहरी कारबाहीमा परेका छन् । अघिल्लो वर्षभन्दा झन्डै दोब्बर प्रहरी कारबाहीमा परेका हुन् । प्रहरी प्रधान कार्यालयका अनुसार आर्थिक…
पूरा पढ्नुहोस् »

नेपाल पत्रकार महासङ्घमा गोविन्द आचार्य नेतृत्वको प्यानल निर्वाचित भएको छ । गोविन्द आचार्यले ७३२ मत प्राप्त गरेका छन् । उनका निकटतम प्रतिद्वन्द्वी तीर्थ कोइरालाले ६२७ मत प्राप्त गरे । आचार्य…
पूरा पढ्नुहोस् »

अभिनेता एवं निर्देशक रमेश बुढाथोकी विगत साढे तीन दशकदेखि कलाकारितामा अनवरत छन् । ०३७ सालदेखि आफ्नै लेखन, निर्देशन र अभिनयमा नाटक मञ्चन सुरु गरेका उनले त्यसपछि थुप्रै नाटक गरे ।…
पूरा पढ्नुहोस् »

धन कमाउने सपना पालेर विदेश गएका उनी रित्तो हात घर फर्किए । विदेशबाट फर्किएपछि के गर्ने भन्दै अलमलमा परेका उनलाई सैलुन व्यावसाय गर्ने सोच आयो बानपा—२ का २७ वर्षका राजन…
पूरा पढ्नुहोस् »

अमेरिकी राष्ट्रपति डोनाल्ड ट्रम्पले अफगानिस्तानमा फेरि युद्ध गर्ने घोषणा गरेका छन् । यसअघि अफगानिस्तानमा रहेका सैनिकहरुको संख्यामा कटौती गर्ने आफ्नो घोषणा विपरित राष्ट्रपति ट्रम्पले कुनै पनि बेला युद्ध शुरु गर्ने चेतावनी…
पूरा पढ्नुहोस् »

माल्दिभ्समाथि सानदार जित हात पार्दै नेपाल साफ यू–१५ च्याम्पियनसिपको सेमिफाइनलमा प्रवेश गरेको छ । नेपालले सोमबार एन्फा कम्प्लेक्स सातदोबाटोमा भएको खेलमा माल्दिभ्सलाई ६–० को फराकिलो अन्तरले पराजित गरेर अन्तिम चारमा…
पूरा पढ्नुहोस् »

उत्तर कोरियाको गुआममा आक्रमण गर्ने धम्की र उसका तर्फबाट बारम्बार गरिँदै आएको क्षेप्यास्त्र परीक्षणसँगै चलिरहेको वाक्युद्धलाई लिएर विश्लेषकले चेतावनी दिएका छन् कि यस्तो संवेदनशील समयमा संयुक्त सैनिक अभ्यास गर्नु आगोमा…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

झन्डै नौ महिनाअघि वर्तमान गठबन्धनका तर्फबाट संसद्मा प्रस्तुत गरिएको र बीचबीचमा परिमार्जनसहित अघि बढाइएको नेपालको संविधानमा दोस्रो संशोधन गरियोस् भन्ने प्रस्ताव आवश्यक समर्थन प्राप्त गर्न नसकेपछि सोमबारको संसद् बैठकबाट अस्वीकृत…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन २८, २०७४

एकीकृत क्षेत्रीय व्यापार गर्न  राजनीतिक प्रतिबद्धता आवश्यक –

नेपाल उद्योग वाणिज्य महासंघकी अध्यक्ष भवानी राणाले ‘बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)’को सदस्य राष्ट्रहरूबीच एकीकृत क्षेत्रीय व्यापारलाई प्राथमिकता दिनुपर्ने बताएकी छन् । काठमाडौंमा जारी बिमस्टेकको १५औँ मन्त्रीस्तरीय बैठकलाई सम्बोधन गर्दै उनले यस क्षेत्रमा स्वतन्त्र व्यापारका लागि सबै राष्ट्रका सरकारले राजनीतिक प्रतिबद्धता गर्नुपर्ने बताएकी हुन् ।

सन् २००४ मा बिमस्टेक सदस्य राष्ट्रहरूबीच स्वतन्त्र व्यापार सम्झौता भएको थियो । उक्त सम्झौताले व्यापार उदारीकरणमा मूर्तरूप पाउन नसकेको भन्दै अध्यक्ष राणाले एकीकृत क्षेत्रीय व्यापारका लागि जतिसक्दो छिटो राजनीतिक प्रतिबद्धतासहित उक्त सम्झौता कार्यान्वयनका लागि आग्रह गरेकी हुन् । ‘अन्तरक्षेत्रीय व्यापारको करिब ७ प्रतिशत मात्र हिस्सा रहेको बिमस्टेकमा एक–दुई राष्ट्रबीच मात्र क्षेत्रीय व्यापार सञ्जाल जोडिएको छ,’ उनले भनिन्, ‘सदस्य राष्ट्रहरूबीच न्यून सम्पर्र्क, कर तथा गैरकर अवरोधहरू र व्यापार सहजीकरणका कमजोर मापनहरू नै यस क्षेत्रका मुख्य कमजोरी हुन्, जसलाई हामीले सच्याउनुपर्नेछ ।’

अल्पविकसितलाई प्राथमिकता
स्वतन्त्र व्यापार सम्झौता मात्रले आर्थिक सहयोग र आर्थिक एकीकरणको प्रत्याभूति दिन नसक्ने बताउँदै अध्यक्ष राणाले यस्ता मञ्चहरूलाई सफल पार्न नेपालजस्ता अल्पविकसित राष्ट्रहरूको चासोलाई विशेष प्राथमिकता दिनैपर्नेमा जोड दिइन् ।

बिमस्टेक किन प्रभावकारी भएन ?
नेपाललगायत भारत, भुटान, बंगलादेश, श्रीलंका, थाइल्यान्ड र म्यानमार सदस्य राष्ट्रहरू रहेको बिमस्टेकको १५औँ मन्त्रीस्तरीय बैठक बिहीबारदेखि काठमाडौंमा सुरु भएको हो । बिमस्टेकका सदस्य राष्ट्रहरूका विदेशमन्त्रीहरूसहित उच्च सरकारी अधिकारीको सहभागिता रहेको उक्त बैठकलाई नेपाली निजी क्षेत्रका तर्फबाट सम्बोधन गर्दै महासंघ अध्यक्ष राणाले बिमस्टेक जनताको अपेक्षाअनुसार प्रभावकारी हुन नसकेको बताइन् । ‘सन् १९९७ मा गठित बिमस्टेक यस क्षेत्रका जनताको अपेक्षाअनुसार अगाडि बढ्न सकेको छैन,’ उनले भनिन्, ‘काठमाडौं बैठक बिमस्टेकलाई विनाकुनै विलम्ब सशक्त ढंगबाट अगाडि बढाउन महत्वपूर्ण निर्णयहरू गर्न सफल हुने अपेक्षा गरेका छौँ।’

आर्थिक मुद्दालाई केन्द्रमा राख्न सुझाब
आसियान र इयूले प्राप्त गरेको आर्थिक सफलताबाट पाठ सिक्दै बिमस्टेकलाई पनि आर्थिक मुद्दालाई मुख्य रूपमा जोड दिई अघि बढाउन उनले सुझाब दिइन् । उनले यस क्षेत्रको सशक्त मञ्चका रूपमा अगाडि बढाउँदै जनताको समृद्धिमा लाग्न सदस्य सरकारहरूसमक्ष आग्रह गरिन् । उनले यस क्षेत्रको आर्थिक विकासका लागि रेल, सडक, समुद्र, वायु र प्रविधिमार्फत आपसी सम्पर्क विस्तारमा विशेष जोड दिनसमेत आग्रह गरिन् ।

बिमस्टेक उवासंघ गठनको प्रस्ताव
सोही अवसरमा अध्यक्ष राणाले बिमस्टेक उद्योग वाणिज्य संघ गठनका लागि प्रस्तावसमेत गरिन् । ‘यस क्षेत्रमा रहेको प्रचुर आर्थिक विकासको सम्भावनालाई यथार्थतामा रूपान्तरण गरी क्षेत्रीय आर्थिक विकासलाई तीव्र रूपमा अगाडि लैजान यस क्षेत्रका निजी क्षेत्रहरूबीचको सहकार्य पनि आवश्यक छ,’ उनले भनिन्, ‘व्यावसायिक सम्बन्ध एवं सञ्जाल विस्तारबाट मात्रै क्षेत्रीय समृद्धि सम्भव भएकाले बिमस्टेक उद्योग वाणिज्य संघ गठन गर्न आवश्यक छ ।’ सोही संघबाट गरी यस क्षेत्रको व्यापार तथा लगानी अभिवृद्धि गरी अगाडि बढ्नुपर्ने उनको भनाइ थियो ।