स्थानीय विकास मन्त्रालयमा सामान खरिदमा घोटाला - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

शशीधर भण्डारी/नयाँ पत्रिका प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

पुष्प ढुंगाना, नयाँ पत्रिका   |   साउन २८, २०७४

स्थानीय विकास मन्त्रालयले मसलन्द शीर्षकअन्तर्गतका सामान खरिद गर्दा बजार मूल्यभन्दा धेरै गुना बढी मूल्य तिर्ने गरेको पाइएको छ । तीनवटा फर्महरूबीच प्रतिस्पर्धा गराउनुपर्ने व्यवस्था भए पनि तेब्बर–चौवर बढी मूल्यमा सामान खरिदको बिल बनाएर कमिसन खाने गरेको भेटिएको हो । त्यस्तो अनियमिततामा आन्तरिक व्यवस्था शाखाका कर्मचारीहरूबीच मिलेमतो रहने गरेको छ ।

आन्तरिक व्यवस्थापन शाखाका एक कर्मचारीले भने त्यस्तो कमिसन उपसचिवदेखि सहसचिवसम्म पुग्ने गरेको बताएका छन् । ‘एउटै व्यक्तिले तीनवटा फर्म मिलाएर मनलाग्दी मूल्य राखेको हुन्छ । त्यस्तो महँगो मूल्यसूची स्वीकृत गरेबापत माथि हाकिमहरूको भागमा पनि चिया खर्च पुग्छ,’ नाम उल्लेख नगर्ने सर्तमा ती कर्मचारीले भने ।

चार रुपैयाँ पर्ने फाइल खामलाई २० रुपैयाँ
मन्त्रालयको सो शाखाले बढीमा चार रुपैयाँ पर्ने फाइल खामलाई २० रुपैयाँमा खरिद गर्ने गरेको छ । बजारमा साधारण खामलाई तीन र नेपाली कागजको खाम छपाइसहित चार रुपैयाँमा पाइन्छ । तर, मन्त्रालयले तीनवटा फर्मबीच प्रतिस्पर्धा गराउँदा पनि चौवर मूल्य तिरेको हो ।

यस्तै, बजारमा छपाइसहित सात रुपैयाँमा पाइने नेपाली काजगबाट बनेको साधारण रेकर्ड फाइललाई पनि प्रतिगोटा २० रुपैयाँको दरले खरिद गर्ने गरिएको छ । बागबजारका एक फाइल विक्रेताका अनुसार मन्त्रालयहरूले प्रयोग गर्ने सादा फाइलको मूल्य ६ र त्यसमा छपाइ गर्दा सातदेखि सात रुपैयाँ ५० पैसासम्म पर्छ ।

यसैगरी, बजारमा प्रतिरिम ३ सय ९० देखि ४ सयसम्म पर्ने ‘डबल ए’ फोटोकपी पेपरलाई मन्त्रालयले ५ सय २५ रुपैयाँका दरले खरिद गर्ने गरेको छ । मन्त्रालयले एकैपटक सय थान त्यस्तो काजग खरिद गर्दा होलसेल मूल्यभन्दा करिब दोब्बर मूल्य तिरेको हो ।

मेसिनरी सामानमा अस्वाभाविक लुट
मन्त्रालयले साउनमा तीन थान क्यानल कार्टेज किनेको उल्लेख गरेको छ । मन्त्रालयबाट प्राप्त खरिद आदेशमा क्यानल कम्पनीको प्रिन्टरमा प्रयोग हुने कार्टेजलाई अस्वाभाविक मूल्यमा खरिद गरिएको छ । कार्टेज भनेको प्रिन्टरमा मसी राख्न प्रयोग गरिने मेसिनको एउटा भाग हो । जसलाई मसी सकिएपछि पुनः भर्न सकिन्छ ।

मन्त्रालयले करिब २५ सयदेखि अधिकतम तीन हजार पर्ने त्यस्तो कार्टेजलाई ११ हजारदेखि १५ हजार रुपैयाँसम्म खरिद गरेको छ । फरक–फरक मोडेलका तीन थान कार्टेजमध्ये एउटालाई ११ हजार, एउटालाई १२ हजार र अर्को एक थानलाई १५ हजार रुपैयाँमा खरिद गरेको देखिएको हो ।

बानेश्वरका प्रिन्टर व्यवसायी सुमन फुँयालका अनुसार एउटा कार्टेजलाई अधिकतम मूल्य राख्दा पनि तीन हजारभन्दा बढी पर्दैन । ‘व्यवसायीहरूले १५ सयदेखि नै त्यस्तो सामान प्राप्त गर्न सक्छन् । तर, बजारमा व्यक्ति वा संस्थालाई बिक्री गर्दा अधिकतम मूल्य तीन हजार हो,’ उनले भने । मन्त्रालयले गत महिना १७ वटा विभिन्न यस्ता सामान खरिद गरेकोमा हरेक सामानलाई बजार मूल्यभन्दा धेरै महँगोमा किनिएको छ ।

के भन्छ मन्त्रालय ?
मन्त्रालयमा सचिव दिनेश थपलियाले त्यसबारे आफूलाई कुनै जानकारी नभएको बताएका छन् । खरिदसम्बन्धी अधिकार आफूभन्दा तल प्रत्यायोजन गरेकाले पनि उनीहरूले कसरी खरिद गरिरहेका छन् भन्ने जानकारी नभएको उनले बताए । ‘मैले पहिलोपटक यस्तो सुन्दै छु, तत्काल के भएको हो हेर्छु । साँच्चै त्यस्तो अनियमितता भएको हो भने कारबाही गर्छु,’ सचिव थपलियाले भने ।