कर्मचारी सरुवाबारे सामान्य र स्थानीय विकास मन्त्रालयबीच मत बाझियो - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

शशीधर भण्डारी/नयाँ पत्रिका प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन २८, २०७४

स्थानीय तहमा खटिएका कर्मचारीलाई अन्यन्त्र सरुवा गर्ने कि नगर्ने भन्नेमा स्थानीय विकास मन्त्रालय र सामान्य प्रशासन मन्त्रालयबीच मत बाझिएको छ । स्थानीय तहमा रिक्त रहेका कर्मचारी व्यवस्थापन गर्नेबारे स्थानीय र सामान्यबीच भएको छलफलमा फरक–फरक धारणा आएको हो ।

स्थानीयले स्थानीय तहमा बस्नै नचाहेका कर्मचारीलाई राखिरहन नहुने भन्दै सरुवा गरिदिनुपर्ने बताएको छ । स्थानीय विकास मन्त्रालयका सचिव दिनेश थपलियाले काम गर्न सक्दिनँ भन्ने कर्मचारीलाई जबर्जस्ती राखेर स्थानीय तहलाई कमजोर पार्ने काम गर्न नहुने बताए । ‘जान्छु भन्नेलाई प्रोत्साहित गरेर पठाउने हो, जान्न भन्नेलाई जबर्जस्ती पठाएर हुँदैन,’ उनले भने ।

थपलियाले स्थानीय तहमा जान प्रशासन समूहका कर्मचारी तयार नभए अन्य समूहका कर्मचारीलाई पनि पठाइने बताएका छन् । स्थानीय तहमा आवश्यक थप कर्मचारी खटाउनेबारे स्थानीय र सामान्यबीच शुक्रबार छलफल भएको थियो । सचिवस्तरको छलफलमा स्थानीय विकास मन्त्रालयले यस्तो धारणा राखेको हो ।

सरुवा गर्नु हुन्न : सामान्य
सामान्य प्रशासन मन्त्रालयले भने स्थानीय तहमा खटिएका कर्मचारीलाई समायोजनअघि सरुवा गर्न नहुने धारणा राखेको थियो । सचिव मोहनकृष्ण सापकोटाले यो वर्ष कर्मचारी सरुवा गर्दा स्थानीय तहमा खटिएका कर्मचारीलाई सरुवामा प्राथमिकता नदिने बताए । उनले अधिकांश काम स्थानीय तहमा गएकाले त्यहाँ खटिएका कर्मचारीलाई फेरि केन्द्रमा सरुवा गर्न प्राथमिकता नदिने नीति लिने बताए ।

‘कुनै कर्मचारीको स्वास्थ्यमा गम्भीर समस्या परेको स्थितिमा बाहेक स्थानीय तहमा खटिएका कर्मचारीलाई अन्यन्त्र सरुवा गर्न प्राथमिकता नदिने तयारीमा छौँ,’ सचिव सापकोटाले भने । सामान्यले भदौमा निजामती कर्मचारीको अन्तरमन्त्रालय सरुवा गर्दै छ । स्थानीय विकास मन्त्रालयका अनुसार करिब एक सय ८० स्थानीय तहमा कार्यकारी अधिकृतको दरबन्दी रिक्त छ ।