नेपालले जापानमा अभ्यास गर्ने - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

शशीधर भण्डारी/नयाँ पत्रिका प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन २७, २०७४

एएफसी एसियन कप छनोटअन्तर्गत समूह डीमा ताजकिस्तानविरुद्ध प्रतिस्पर्धा गर्नुअघि नेपालले जापानमा पाँच अभ्यास खेल खेल्ने

एएफसी एसियन कप छनोटको तयारीका लागि नेपाली राष्ट्रिय फुटबल टोली शुक्रबार जापान प्रस्थान गर्दै छ । १० दिनको जापान बसाइ क्रममा नेपाली टोलीले स्थानीय क्लब तथा विश्वविद्यालयको टोलीविरुद्ध अभ्यास खेलमा सहभागिता जनाउनेछ । नेपाली टोलीका प्रमुख प्रशिक्षक ग्योतोकु कोजीले जापानमा खेलाडीहरूलाई प्रशिक्षण र अभ्यास गराउने वाचा पूरा भएको बताएका छन् । ‘नेपालमा आएलगत्तै मैले खेलाडीहरूलाई जापानमा अभ्यास गराउने वाचा गरेको थिएँ र जापान फुटबल फेडेरेसनसँग गरेको वाचा पूरा भएको छ,’ बिहीबार एन्फा कम्प्लेक्समा बिदाइ समारोहमा प्रशिक्षक कोजीले भने ।

पाँच अभ्यास खेल
जापानमा रहँदा नेपालले पाँच अभ्यास खेल खेल्नेछ । त्यसका लागि खेलाडीहरूले जापानको जे लिगको प्रशिक्षण तथा खेलको अवलोकन गर्ने प्रशिक्षक कोजीले जानकारी दिएका छन् । ‘दश दिन लामो भ्रमणमा खेलाडीहरूले विश्वप्रसिद्ध जे लिगको पनि अवलोकन र उनीहरूको प्रशिक्षण शैलीसमेत हेर्न मौका पाउनेछन्,’ कोजीले भने, ‘खेलाडीहरूले उनीहरूसँग पनि प्रशिक्षण गर्नेछन् ।’ खेलाडीहरूले जापानमा प्राप्त अनुभव ताजकिस्तानविरुद्ध देखाउने विश्वास उनले लिए । २० भदौमा एसियन कप छनोटअन्तर्गत नेपालले घरेलु मैदानमा ताजकिस्तानसँग खेल्दै छ ।

कोसँग अभ्यास खेल ?
नेपाली टोलीले जापानको विश्वविद्यालय, क्लब, उमेर समूहका टोलीसँग प्रतिस्पर्धा गर्नेछ । यसैगरी, नेपालले ओसाका यू–२३ सँग मैत्रीपूर्ण खेल खेल्नेछ । नेपालले ३२ साउनदेखि लगातार चार अभ्यास खेल खेल्ने प्रशिक्षक कोजीले जनाए । नेपालले ३२ साउनमा क्वान्सी विश्वविद्यालय, १ भदौमा अमिट्सी स्पोर्टस् क्लब, २ भदौमा हनान विश्वविद्यालय र ३ भदौमा भिसेल कोबेविरुद्ध खेल्ने अखिल नेपाल फुटबल संघ (एन्फा) ले जनाएको छ ।

नेपालको एक अंक
एएफसी एसिय कप छनोट चरणको समूह एफमा फिलिपिन्स ४ अंकका साथ शीर्ष स्थानमा छ । ४ अंक जोडेको यमन दोस्रो स्थानमा छ । नेपालले १ अंक मात्र जोडेको छ । नेपाल अंकतालिकाको तेस्रो स्थानमा छ । ताजकिस्तानले अंक बटुल्न सकेको छैन । नेपालले दुई खेलमध्ये एकमा बराबरी नतिजा निकालेको थियो ।

अभ्यासले फाइदा पुग्ने
नेपाली राष्ट्रिय टोलीका कप्तान अनिल गुरुङले जापानी क्लब र विश्वविद्यालयसँगको अभ्यास खेलबाट धेरै फाइदा पुग्ने बताएका छन् । मुख्य प्रतियोगिताअघि खेलाडीले राम्रो टोलीसँग अभ्यास खेल खेल्न पाउँदा नतिजा राम्रो आउने बताए । ‘ठूलो प्रतियोतिगाअघि स्तरीय मैत्रीपूर्ण वा अभ्यास खेलमा सहभागिता जनाउँदा त्यसबाट खेलाडीले धेरै फाइदा लिन सक्छन्,’ कप्तान गुरुङले भने, ‘मलाई आशा छ अभ्यास खेलपछि हामीले ताजकिस्तानविरुद्ध खेलमा राम्रो नतिजा निकाल्नेछौँ ।’ अघिल्लोपटकको छनोट खेलअघि नेपालले दक्षिण एसियन तथा अरेबियन मुलुकका राष्ट्रसँग अभ्यास गरेको थियो ।
१० दिन मौका
एन्फाका अध्यक्ष नरेन्द्र श्रेष्ठले नेपाली टोलीले जापानमा १० दिनको अभ्यास गर्न अवसर पाउँदा आफूलाई खुसी लागेको बताएका छन् । अध्यक्ष श्रेष्ठले जापानमा दश दिन अभ्यास र प्रशिक्षणपछि ताजकिस्तानविरुद्ध प्रतिस्पर्धामा सहयोग हुने जनाए । यसैगरी, नेपालका लागि जापानी राजदूत मासासी ओगावाले जाइकाको विभिन्न कार्यक्रमअनुसारै नेपाली टोलीले जापानमा प्रशिक्षण र अभ्यास गर्न मौका मिलेको जानकारी दिएका छन् । राजदूत मासासीले नेपाली खेलाडीले जापानमा राम्रो प्रदर्शन गर्न शुभकामना दिए । राष्ट्रिय खेलकुद परिषद्का सदस्यसचिव केशवकुमार विष्टले वैदेशिक प्रशिक्षण र अभ्यासपछि खेलाडीहरूको मनोबल उच्च हुने जनाए ।

नेपाली टोली
गोलरक्षक
विकेश कुथू, विशाल श्रेष्ठ,
एलान न्यौपाने
डिफेन्डर
विराज महर्जन, अनन्त तामाङ, विमल बस्नेत, देवेन्द्र तामाङ, जितेन्द्र कार्की, कमल श्रेष्ठ, राजेन्द्र रवाल, दिनेश राजवंशी, मानबहादुर तामाङ
मिडफिल्डर
विक्रम लामा, हेमन गुरुङ, विशाल राई, सुजल श्रेष्ठ, अञ्जन विष्ट, हमन्त थापामगर, सुनील बल
फरवार्ड
अनिल गुरुङ, भरत खवास, विमल घर्ती मगर, नवयुग श्रेष्ठ,
सुमन लामा