मोक्षदालाई दोहोरो सफलता - Naya Patrika
© 2017 Naya Prakasan Pvt. Ltd.

तिहार, बत्तीको चाड । उज्यालोको चाड । सँगसँगै मिठो–मसिनो खानपिन गरिने चाड । साथीभाइसँग रमाइलो गर्ने र बिहानदेखि साँझसम्म तास खेलेर दिन बिताउने चाड । गाउँघरवरपर देउसी–भैलो खेलेर मनाइने चाड…
पूरा पढ्नुहोस् »

चीनका राष्ट्रपति सी जिनपिङले चीन समाजवादसहितको नयाँ युगमा प्रवेश गरेको बताएका छन् । चीनको सत्तारुढ कम्युनिस्ट पार्टीको महाधिवेशनलाई राजधानी बेइजिङको ग्रेट हल अफ दि पिपुलमा बुधबार सम्बोधन गर्दै उनले सो…
पूरा पढ्नुहोस् »

डिफेन्डर राफेयल भरानले आत्मघाती गोल गरेपछि मंगलबार साविक विजेता रियल म्याड्रिड युरोपियन च्याम्पियन्स लिग फुटबल प्रतियोगितामा टोटनह्यामसँग १–१ को बराबरीमा रोकिएको छ । समूह एचको तेस्रो खेल बराबरीमा रोकेपछि रियललाई…
पूरा पढ्नुहोस् »

प्रधानमन्त्रीज्यूले प्रचण्डजीलाई सरकार छाड्न आग्रह गरेपछि माओवादी केन्द्रका मन्त्रीले ‘क्याबिनेट’ छाड्ने निर्णय गरे । त्यसअनुसार उनीहरूले राजीनामाको वक्तव्य पनि तयार गरे । तर, त्यहीबीच अचानक माओवादीका मन्त्रीले प्रधानमन्त्रीले निर्वाचन सार्ने…
पूरा पढ्नुहोस् »

रामेश श्रेष्ठ, गायक तथा रचनाकार पञ्चायती सामन्ती सत्ताबाट हाम्रो भलाइ नहुने भएपछि यसलाई भत्काउन यो गीत रायन र मैले गायौँ । यसले युग परिवर्तनका लागि ठूलो भूमिका खेल्यो । एउटा…
पूरा पढ्नुहोस् »

रानीपोखरीको निर्माणमा लापरबाही गर्नु हाम्रो पहिचान मेटाउने षड्यन्त्र हो । यस्ता पुरातात्विक संरचनाले हाम्रो पहिचान बोकेका हुन्छन् । तिनको संरक्षण गरौँ । कुनै देशको पहिचान केले खुल्छ ? यसका अनेक…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन ०२, २०७४

आदिकवि भानुभक्त आचार्यको २०४औँ जन्म जयन्तीको अवसरमा आयोजित भानुभक्तीय रचनापाठ प्रतियोगितामा कुमारीगालस्थित मोक्षदा स्कुलले दोहोरो सफलता हात पारेको छ । एम्बिसन एकेडेमीद्वारा आयोजित भानुभक्तीय रचनापाठ प्रतियोगितामा मोक्षदाले प्रथम स्थान र भानुभक्त मेमोरियल स्कुलले आयोजना गरेको सोही प्रकृतिको अर्को प्रतियोगितामा द्वितीय स्थान हासिल गरेको हो ।

भानु जयन्तीको अवसरमा मध्यबानेश्वरस्थित एम्बिसन एकेडेमीले भानुभक्तीय रचनापाठ प्रतियोगिता आयोजना ग¥यो । प्रतियोगितामा उपत्यकाभित्रका २४ स्कुलका ४४ छात्रछात्राको सहभागिता थियो । भानु प्रतिष्ठानका अध्यक्ष व्रतराज आचार्यको प्रमुख आतिथ्यमा सम्पन्न प्रतियोगितामा मोक्षदा स्कुलकी आकृति भुजेल प्रथम भएकी थिइन् भने पाठशाला नेपालकी रोजिना हमाल द्वितीय तथा त्रिवेणी पब्लिक स्कुलका सुजन बास्कोटा र सैनिक आवासीय माविकी महिमा कार्कीले संयुक्त रूपमा तृतीय स्थान हासिल गरे । विजयी प्रतियोगीलाई नगद पुरस्कारसहित सम्मान गरिएको थियो ।

सो अवसरमा एकेडेमीका तर्फबाट साहित्यकार दाहाल यज्ञनिधिलाई नगद रु. १० हजारसहितको एम्बिसन विशिष्ट साधक सम्मान प्रदान गरिएको थियो । कार्यक्रममा प्रमुख अतिथि व्रतराज आचार्य, सम्मानित व्यक्तित्व दाहाल यज्ञनिधि, डा. रामप्रसाद ज्ञवाली, लोचन भट्टराई, डा. देवी नेपाल, रूपक अलंकारलगायतका वक्ताले भानुभक्तको योगदानमाथि चर्चा गरेका थिए ।

भानु जयन्तीकै अवसरमा भानु प्रतिष्ठान नेपाल र भानुभक्त मेमोरियल स्कुलले संयुक्त रूपमा भानुभक्तीय रचनापाठ प्रतियोगिता आयोजना ग¥यो । प्राज्ञ विष्णुविभु घिमिरेको प्रमुख आतिथ्यमा सम्पन्न सो कार्यक्रममा नेपाल वेदविद्याश्रम संस्कृत माविका बबिन न्यौपाने, मोक्षदा स्कुलकी तारा लामा, अन्नपूर्ण माविकी मुस्कान खातुन र सहिद शुक्र माविका रूपेश दाहाल क्रमशः प्रथम, द्वितीय, तृतीय र सान्त्वना स्थान प्राप्त गर्न सफल भएका थिए । सो अवसरमा विष्णुविभु घिमिरे, डिपी अर्याल, ऋषभ घिमिरे, नन्दकृष्ण जोशी, रमेश शुभेच्छु, बलराम दाहाल, बमबहादुर मोक्तान, गुणराज काफ्लेलगायतका वक्ताले नेपाली भाषा, साहित्यमा भानुभक्तको योगदानबारे आ–आफ्नो धारणा राखेका थिए ।