प्रधानमन्त्रीले भने-काठमाडौंका खाल्डाखुल्डी १५ दिनभित्र पुर्नुस् - Naya Patrika
© 2017 Naya Prakasan Pvt. Ltd.

तिहार, बत्तीको चाड । उज्यालोको चाड । सँगसँगै मिठो–मसिनो खानपिन गरिने चाड । साथीभाइसँग रमाइलो गर्ने र बिहानदेखि साँझसम्म तास खेलेर दिन बिताउने चाड । गाउँघरवरपर देउसी–भैलो खेलेर मनाइने चाड…
पूरा पढ्नुहोस् »

चीनका राष्ट्रपति सी जिनपिङले चीन समाजवादसहितको नयाँ युगमा प्रवेश गरेको बताएका छन् । चीनको सत्तारुढ कम्युनिस्ट पार्टीको महाधिवेशनलाई राजधानी बेइजिङको ग्रेट हल अफ दि पिपुलमा बुधबार सम्बोधन गर्दै उनले सो…
पूरा पढ्नुहोस् »

डिफेन्डर राफेयल भरानले आत्मघाती गोल गरेपछि मंगलबार साविक विजेता रियल म्याड्रिड युरोपियन च्याम्पियन्स लिग फुटबल प्रतियोगितामा टोटनह्यामसँग १–१ को बराबरीमा रोकिएको छ । समूह एचको तेस्रो खेल बराबरीमा रोकेपछि रियललाई…
पूरा पढ्नुहोस् »

प्रधानमन्त्रीज्यूले प्रचण्डजीलाई सरकार छाड्न आग्रह गरेपछि माओवादी केन्द्रका मन्त्रीले ‘क्याबिनेट’ छाड्ने निर्णय गरे । त्यसअनुसार उनीहरूले राजीनामाको वक्तव्य पनि तयार गरे । तर, त्यहीबीच अचानक माओवादीका मन्त्रीले प्रधानमन्त्रीले निर्वाचन सार्ने…
पूरा पढ्नुहोस् »

रामेश श्रेष्ठ, गायक तथा रचनाकार पञ्चायती सामन्ती सत्ताबाट हाम्रो भलाइ नहुने भएपछि यसलाई भत्काउन यो गीत रायन र मैले गायौँ । यसले युग परिवर्तनका लागि ठूलो भूमिका खेल्यो । एउटा…
पूरा पढ्नुहोस् »

रानीपोखरीको निर्माणमा लापरबाही गर्नु हाम्रो पहिचान मेटाउने षड्यन्त्र हो । यस्ता पुरातात्विक संरचनाले हाम्रो पहिचान बोकेका हुन्छन् । तिनको संरक्षण गरौँ । कुनै देशको पहिचान केले खुल्छ ? यसका अनेक…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन ०२, २०७४

प्रधानमन्त्री शेरबहादुर देउवाले काठमाडौं उपत्यकाभित्रका सडकका खाल्डाखुल्डी १५ दिनभित्रै पुरिसक्न सम्बन्धित मन्त्रालय–निकायलाई निर्देशन दिएका छन् । आइतबार काठमाडौं उपत्यकाको पूर्वाधार विकास सम्बन्धमा सरोकारवाला सबै निकायका प्रतिनिधिलाई सिंहदरबारमा बोलाएका उनले यस्तो निर्देशन दिएका हुन् ।

शुक्रबार अपराह्न काठमाडौंको नेपालटारमा ३ कक्षामा अध्ययनरत विनिता फुयाँलको ढलले बगाएर निधन भएको र सामाखुसीमा स्कुले बालिका सत्या सापकोटा ढलमा बग्दै गर्दा उद्धार गरिएको घटनाप्रति प्रधानमन्त्री देउवाले बैठकमा सबैको ध्यानाकर्षण गराएका थिए ।

बैठकमा प्रधानमन्त्रीले भने, ‘काठमाडौंमा सडक हो कि पोखरी चिन्न नसक्ने भएका छन्, स्कुले विद्यार्थी हिँड्दाहिँड्दै ढलमा पसेका छन् । काठमाडौं उपत्यकाका खाल्डाहरू तत्काल पुर्नुहोस्, त्यसका लागि थप बजेट चाहिए म उपलब्ध गराउँछु ।’ उनले काठमाडौं उपत्यकामा निर्माणाधीन पूर्वाधार आयोजनाबाट उत्पन्न धुलो र हिलोको समस्या समाधानको कार्ययोजना हप्ता दिनभित्र उपलब्ध गराउन पनि सम्बन्धित मन्त्रालय तथा निकायलाई निर्देशन दिएका छन् ।

सहरी विकासमन्त्री प्रभु साहले प्रधानमन्त्रीले भइरहेको कामलाई अझ गति दिन निर्देशन दिएको बताए । कामलाई एकीकृत रूपमा अघि बढाउन र सबै सरोकारवाला निकायबीच समन्वय गरेर काम गर्न निर्देशन दिइएको उनले बताए । उनले भने, ‘प्रधानमन्त्रीले एउटाले काम सक्नेबित्तिकै अर्कोले फेरि सडक भत्काउने र आमनागरिकलाई सास्ती दिने काम अन्त्य गर्न निर्देशन
दिनुभएको हो ।’

विशेष संयन्त्र सक्रिय बनाइने

अन्तर मन्त्रालय–निकाय समन्वय र अनुगमनका लागि प्रधानमन्त्री तथा मन्त्रिपरिषद्को कार्यालयको आर्थिक पूर्वाधार विकास हेर्ने सचिवको संयोजकत्वमा आयोजना कार्यान्वयनसँग सम्बद्ध निकाय–आयोजना प्रमुखहरू सम्मिलित विशेष संयन्त्रलाई सक्रिय तुल्याउने निर्णय पनि बैठकले गरेको छ । संयन्त्रले कम्तीमा महिनाको एकपटक आयोजनाहरूको स्थलगत अनुगमन गर्ने र कार्यस्थलमै यथासम्भव समस्या समाधान गर्न निर्देशन दिनेछ ।

सम्झौताबमोजिम काम गर्न निर्देशन

बैठकले आयोजना कार्यान्वयन गर्दा ‘बिडिङ डकुमेन्ट’ र ‘कन्ट्र्याक डकुमेन्ट’बमोजिम कार्य सम्पन्न गर्न सम्बन्धित मन्त्रालयका सचिवलाई निर्देशन दिएको छ । त्यसको प्रत्याभूति सम्बन्धित मन्त्रालयका सचिवले गर्नुपर्ने बैठकको निर्णयमा उल्लेख छ । सम्बन्धित मन्त्रालयका सचिवले आयोजना समयमा सम्पन्न गर्न र सम्भावित दुर्घटना रोक्न विशेष नेतृत्व लिने र यसका लागि विषयगत मन्त्रालयहरूबाट उच्चस्तरको अनुगमन निरन्तर गर्ने बैठकले निर्णय गरेको छ ।