डिडिसीबाट दैनिक १ करोडको दूध खरिद - Naya Patrika

नेपाल पत्रकार महासंघको आज सम्पन्न निर्वाचनको मतगणना सुरु भएको छ । उम्मेदवार प्रतिनिधिहरुको रोहवरमा मतपेटिका खोलिएको छ । प्रदेश केन्द्रीय सदस्यहरु र पदाधिकारी तथा सदस्यहरुको मतगणना बेग्लाबेग्लै भइरहेको छ । कूल…
पूरा पढ्नुहोस् »

उहाँ हाँ (उषाकला राई) खोटाङबाट प्रतिनिधित्व गर्नुहुन्छ भने म सिन्धुपाल्चोक । हाम्रो पहिलो भेट ०५४ सालमा भएको थियो । कुनै समय हामीले प्रजातान्त्रिक राष्ट्रिय युवा संघमा सँगै काम गरेका थियौँ…
पूरा पढ्नुहोस् »

सुत्केरी अवस्थामा नवजात शिशुको ध्यान दिनुका साथै आमाले पनि खानपानमा ध्यान पु¥याउनुपर्छ । आमा स्वस्थ भए बच्चा पनि स्वस्थ हुने भएकाले खानपानमा ध्यान दिन जरुरी छ । अरू वेलाको तुलनामा…
पूरा पढ्नुहोस् »

जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्ने आदेश कानुन मन्त्रालयले फर्कायो जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्नेसम्बन्धी आदेश कानुन मन्त्रालयले फर्काइदिएपछि जलविद्युत् प्रवद्र्धकहरूलाई समस्या परेको छ ।…
पूरा पढ्नुहोस् »

दक्षिण एसियाली मुलुकमा वर्षापछिको बाढी–पहिरोका कारण डेढ करोडभन्दा बढी मानिस प्रभावित भएका छन् । अगस्टमा आएको बाढीले दक्षिण एसियाका नेपाल, बंगलादेश र भारतका एक करोड ६० लाख मानिस प्रभावित भएका…
पूरा पढ्नुहोस् »

सुनसरीकाे झुम्कामा जारी प्रथम रामधुनी विद्यालय स्तरीय फुटबल प्रतियोगिताअन्तर्गत सोमबार भएका खेलमा विजयी हुँदै लर्डबुद्ध बोर्डिङ स्कुल, झुम्का र पञ्चायत मावि, प्रिपाहा सेमिफाइनलमा प्रवेश गरेका छन् । पिप्राहा खेल मैदानमा…
पूरा पढ्नुहोस् »

प्रिय बाबुराम दाइ, अस्ति भर्खर तपाईं स्वास्थ्योपचार गरी अहिले निवासमै आराम गर्दै हुनुहुन्छ भन्ने सुनेको छु । तपाईंको शीघ्र पूर्ण स्वास्थ्यलाभको कामना ! पछिल्लोपल्ट तपाईंको पार्टी परिवारमा केही खटपट चलिरहेको…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

नयाँ नेतृत्व चयन गर्ने कार्यसूचीसहित नेपाल पत्रकार महांसघको अधिवेशन हिजोदेखि काठमाडौंमा सुरु भएको छ । झन्डैझन्डै नेपालको प्रजातन्त्रको जस्तै आयु भएको र सुदृढ र शक्तिशाली बन्दै गएको पत्रकारिता जगत्को नेतृत्व…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडौं   |   साउन ०२, २०७४

डिडिसीले दूध खरिद गर्दा तिर्ने रकम सोझै गाउँमा जाने

सरकार स्वामित्वको दुग्ध विकास संस्थान (डिडिसी)ले किसानबाट दैनिक १ करोड रुपैयाँको दूध खरिद गर्दै आएको छ । दूध खरिद गर्दाको सो रकम सोझै गाउँमा पुग्ने संस्थानले जनाएको छ । संस्थानले काठमाडौंमा दैनिक २ लाख लिटरभन्दा बढी दूध आपूर्ति गर्दै आइरहेको र उपत्यकाबाहिर पनि उत्साहजनक कारोबार भइरहेको महाप्रबन्धक गंगा तिमिल्सिनाले जानकारी दिए ।

संस्थानको ४९औँ वार्षिकोत्सव अवसरमा महाप्रबन्धक तिमिल्सिनाले हेटौँडामा दैनिक ४० मेट्रिकटन क्षमताको पशु आहारा उत्पादन कारखाना स्थापना गर्न लागेको जानकारी दिए । कृषकहरूको मागअनुसार गाई–भैँसीको दाना उत्पादन र उपलब्ध गराउने उद्देश्यले कारखाना सञ्चालन गर्न लागिएको उनले बताए ।

विराटनगरस्थित धुलो दूधको क्षमता विस्तारको काम ८० प्रतिशत सकिएको पनि उनले जानकारी दिए । उनले भने, ‘विराटनगरस्थित पाउडर प्लान्टको क्षमता दैनिक ३० हजार लिटरबाट बढाएर ६५ हजार लिटर बनाउने प्रक्रिया अघि बढिरहेको छ, त्यसबाट मिल्क होलिडे समस्या अन्त्यका साथै मखन तथा धुलो दूध आयातलाई प्रतिस्थापन गर्ने लक्ष्य राखिएको छ ।’

दोलखामा संस्थानको ५१ प्रतिशत सेयर लगानी रहेको सार्वजनिक–निजी साझेदारी (पिपिपी) मोडलमा दोलखा डेरी उद्योग पनि सञ्चालन भइरहेको छ । त्यस्तै पोखरामा दुग्ध पदार्थको सहज आपूर्तिका लागि बिक्री केन्द्र स्थापना गरिएको छ । हिमाली क्षेत्रमा उत्पादन हुने याक चिजलाई प्रांगारिक चिजका रूपमा उत्पादन गर्न आवश्यक पूर्वाधार विकास गरिएको संस्थानले जनाएको छ । भूकम्प प्रभावित हिमाली क्षेत्रमा याक चिज केन्द्रहरू स्थापना गरी चिज उत्पादन वृद्धि गर्ने लक्ष्य राखिएको छ ।

संस्थानले बजार विस्तारका लागि धनगढीमा जग्गा खरिद गरी दुग्ध उद्योग स्थापना गर्ने प्रक्रिया पनि थालेको जनाएको छ । पूर्वाञ्चलको कञ्चन चिज उत्पादन उद्योगको क्षमता वृद्धि गर्ने, खुमलटार र पोखरामा दुग्ध पदार्थ उत्पादन केन्द्र स्थापना गर्ने र हुलाकी तथा मध्यपहाडी क्षेत्रमा नयाँ चिस्यान केन्द्र स्थापना गर्ने लक्ष्य राखिएको महाप्रबन्धक तिमिल्सिनाले जाानकारी दिए । उनका अनुसार संस्थानमा दूध संकलन र ढुवानीमा १५ हजारले अप्रत्यक्ष रोजगारी र १ हजार १ सयले प्रत्यक्ष रोजगारी पाइरहेका छन् ।

पोखरा जाने तयारी

पशुपक्षी विकास मन्त्रालयका सचिव युवकध्वज जिसीले पोखरामा डिडिसीले कारोबार विस्तार गर्न लागेको जानकारी दिए । नयाँ मन्त्री आउनासाथ आवश्यक प्रक्रिया अघि बढाइने उनले जानकारी दिए । ‘पोखरामा डिडिसीको कारोबार विस्तार गर्नेसम्बन्धी सबै कागजी प्रक्रिया अन्तिम चरणमा पुगेको छ,’ उनले भने, ‘नयाँ मन्त्री आएपछि यससम्बन्धी प्रक्रिया अघि बढाइनेछ ।’ पोखरामा डिडिसीलाई जान नदिन त्यहाँका दुग्ध व्यवसायीले भने लबिङ गरिरहेको बताइएको छ । त्यस्तै उनले दूधको मूल्य नबढ्ने गरी किसानले पाउने रकम वृद्धि गर्न लागिएको पनि जानकारी दिए । उनले डिडिसी, निजी क्षेत्र, किसान र सहकारी मिलेर मात्रै दूधमा आत्मनिर्भर योजना सफल हुने बताए ।