ताइवानको संसदमा हंगामा : प्रधानमन्त्रीमाथि आक्रमण - Naya Patrika
© 2017 Naya Prakasan Pvt. Ltd.

तिहार, बत्तीको चाड । उज्यालोको चाड । सँगसँगै मिठो–मसिनो खानपिन गरिने चाड । साथीभाइसँग रमाइलो गर्ने र बिहानदेखि साँझसम्म तास खेलेर दिन बिताउने चाड । गाउँघरवरपर देउसी–भैलो खेलेर मनाइने चाड…
पूरा पढ्नुहोस् »

चीनका राष्ट्रपति सी जिनपिङले चीन समाजवादसहितको नयाँ युगमा प्रवेश गरेको बताएका छन् । चीनको सत्तारुढ कम्युनिस्ट पार्टीको महाधिवेशनलाई राजधानी बेइजिङको ग्रेट हल अफ दि पिपुलमा बुधबार सम्बोधन गर्दै उनले सो…
पूरा पढ्नुहोस् »

डिफेन्डर राफेयल भरानले आत्मघाती गोल गरेपछि मंगलबार साविक विजेता रियल म्याड्रिड युरोपियन च्याम्पियन्स लिग फुटबल प्रतियोगितामा टोटनह्यामसँग १–१ को बराबरीमा रोकिएको छ । समूह एचको तेस्रो खेल बराबरीमा रोकेपछि रियललाई…
पूरा पढ्नुहोस् »

प्रधानमन्त्रीज्यूले प्रचण्डजीलाई सरकार छाड्न आग्रह गरेपछि माओवादी केन्द्रका मन्त्रीले ‘क्याबिनेट’ छाड्ने निर्णय गरे । त्यसअनुसार उनीहरूले राजीनामाको वक्तव्य पनि तयार गरे । तर, त्यहीबीच अचानक माओवादीका मन्त्रीले प्रधानमन्त्रीले निर्वाचन सार्ने…
पूरा पढ्नुहोस् »

रामेश श्रेष्ठ, गायक तथा रचनाकार पञ्चायती सामन्ती सत्ताबाट हाम्रो भलाइ नहुने भएपछि यसलाई भत्काउन यो गीत रायन र मैले गायौँ । यसले युग परिवर्तनका लागि ठूलो भूमिका खेल्यो । एउटा…
पूरा पढ्नुहोस् »

रानीपोखरीको निर्माणमा लापरबाही गर्नु हाम्रो पहिचान मेटाउने षड्यन्त्र हो । यस्ता पुरातात्विक संरचनाले हाम्रो पहिचान बोकेका हुन्छन् । तिनको संरक्षण गरौँ । कुनै देशको पहिचान केले खुल्छ ? यसका अनेक…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

एजेन्सी, ताइपेई   |   साउन ०२, २०७४

ताइवानको संसद्मा सांसदहरूबीच हात हालाहाल भएको छ । सरकारले ल्याएको पूर्वाधार परियोजनाबारे सदनमा विवाद चर्केपछि सत्तापक्ष र विपक्षी सांसदबीच हंगामा मच्चिएको हो । सुरुमा विपक्षी सांसदहरूले सत्ता पक्षका सांसदलाई सदनभित्र मुक्का प्रहार गरका थिए । झडपपछि सांसद बैठक तत्काल स्थगित गरिएको थियो ।

बहस चर्केपछि हात चल्यो

सो परियोजनाबारे दुई दिनदेखि सदनमा बहस भएको थियो । बहस चर्किएपछि विपक्षी सांसदले हात छोडेका थिए । विवाद बढेपछि विपक्षी सांसदहरूले सत्ता पक्षका सांसदहरूलाई धेकेलेर पानीका बेलुन, कलम र कुर्सी प्रहार गरेका थिए । त्यसअघि महिला सांसदहरूले ठेलमठेल गरेर आफ्नो टेबुलमा रहेका पानीका बोतल प्रहार गरेका थिए । झडप हुँदा सदनको गतिविधिबारे टेलिभिजनबाट प्रत्यक्ष प्रसारण भइरहेको थियो । विपक्षी सांसदले माइक तोडफोड गर्नुका साथै महत्वपूर्ण कागजपत्र च्यातिदिएका छन् ।

अशोभनीय झडप

विवाद चर्किएपछि सभामुखले बारम्बार शान्त हुन सांसदहरूको ध्यानाकर्षण गराएका थिए । तर, आक्रोशित सांसदहरू सभामुखको ध्यानाकर्षणको बेवास्ता गर्दै तोडफोडमा उत्रिएका थिए । झडपबारे सार्वजनिक गरिएको भिडियोमा एकजना सांसद कुर्सीलाई टाउकोमा राखेर अर्का व्यक्तिलाई प्रहार गर्न खोजेका देखिन्छन् । तर, उनले कुर्सी फाल्नुअघि अर्का सांसदले कुर्सी खोसेको देखिन्छ । आफ्ना सांसदहरूमाथि हमला भएपछि केही सांसदले आक्रमणबाट जोगाउने असफल प्रयास गरेका थिए । आक्रमणमा आधा दर्जन सांसदहरू घाइते भएका छन् । उनीहरूको संसद्भित्रकै क्लिनिकमा उपचार भइरहेको छ ।

प्रधानमन्त्रीमाथि समेत आक्रमण

प्रमुख विपक्षी कुओमिनेटिङ पार्टीको विरोधको सरकारले संसद्मा सुधार योजना पेस गरेको थियो । सत्तासीन डेमोक्र्याटिक प्रोगेसिभ पार्टी (डिपिपी)का सांसदहरूले त्यसको समर्थनमा आ–आफ्नो मन्तव्य दिएका थिए । सो योजनाको विरोधमा यसअघि बिहीबार विपक्षी सांसदहरूले प्रधानमन्त्री लिन चुनआनलाई पानी भरिएको बेलुनले सदनभित्रै हिर्काएका थिए । बेलुन छलेर अर्को छेउमा पुगेका प्रधानमन्त्रीलाई आक्रोशित सांसदहरूलेहातपातको प्रयाससमेत गरेका थिए । प्रधानमन्त्रीलाई जोगाउन मर्यादापालकलाई पनि धौधौ परेको थियो ।

राष्ट्रपतिको लोकप्रियता घट्यो

सत्तारूढ डिपिपी समर्थित राष्ट्रपति साई इङ बेनको पहलमा सो पूर्वाधार योजना सदनमा पेस गरिएको थियो । पूर्वाधार योजनामा रेललाइन विस्तार, हरित ऊर्जा केन्द्र स्थापना र बाढी नियन्त्रयणका उपाय उल्लेख छन् । १३ अर्ब ८० करोडको सो महŒवाकांक्षी योजनाको विपक्षी पार्टीले चर्को आलोचना गरेको छ । आगामी वर्ष हुने क्षेत्रीय निर्वाचनलाई प्रभाव पार्ने उद्देश्यले सरकारले हतारमा योजना ल्याएको विपक्षीले आरोप लगाएको छ ।

यसैबीच, पछिल्लो समयमा ताइवानकी राष्ट्रपतिको लोकप्रियता खस्किएको छ । गत वर्ष उनीमाथि झन्डै ७० प्रतिशत ताइवानीको समर्थन रहेकोमा अहिले मुस्किलले ४० प्रतिशतले मात्र समर्थन जनाएको विभिन्न सर्वेक्षणले देखाएको छ । सदनभित्रैको झडपलाई राष्ट्रपतिले अशोभनीय भनी टिप्पणी गरेकी छिन् । दोषीलाई कारबाही गर्नसमेत उनले सरकालाई निर्देशन दिएकी छिन् । सभामुखले घटनाबारे स्वतन्त्र छानबिन गरिने बताएका छन् । यसैबीच, डिपिपी समर्थित सांसदहरूले एक प्रेस विज्ञप्ति जारी गर्दै आफ्ना सांसदहरूमाथि आक्रमण गर्ने सांसदलाई कारबाही गर्न सभामुखसमक्ष माग गरेका छन् ।