गोरखामै पुनर्निर्माण सुस्त - Naya Patrika
© 2017 Naya Prakasan Pvt. Ltd.
अपडेट

०५३ सालमा खाद्यान्न अभावका कारण सिडिओसँग चामल पाऊँ भनेर बिन्ती बिसाउन पुगेकी कमलकुमारी शाहीलाई तत्कालीन सिडिओ लीलानिधि कोइरालाले टेरेनन् । सिडिओसँगको विवादपछि प्रशासन कार्यालयले उनको झुप्रोसमेत उठिवास लगाउने असफल प्रयास…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

राष्ट्रपति सि जिनपिङको पाँच वर्षको शासनकालमा चीन सम्पन्न र बढी शक्तिशाली भएको छ । तर, यस प्रगतिबाट आमचिनियाँको जनजीवनमा कति प्रभाव परेको छ ? चीनको सबैभन्दा शक्तिशाली निर्णयकर्ता आगामी साता…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

नेपालमा सुनचाँदीलाई ‘नगदसरहको सम्पत्ति’का रूपमा लिइन्छ । पहेँलो र सेतो धातुलाई ‘सुरक्षित लगानी’का रूपमा पनि लिइने गरिएको छ । त्यसैले यसको व्यवसाय क्रमिक रूपमा बढ्दै गइरहेको छ । अझ नेपालजस्तो…
पूरा पढ्नुहोस् »

०५३ सालमा खाद्यान्न अभावका कारण सिडिओसँग चामल पाऊँ भनेर बिन्ती बिसाउन पुगेकी कमलकुमारी शाहीलाई तत्कालीन सिडिओ लीलानिधि कोइरालाले टेरेनन् । सिडिओसँगको विवादपछि प्रशासन कार्यालयले उनको झुप्रोसमेत उठिवास लगाउने असफल प्रयास…
पूरा पढ्नुहोस् »

राजनीतिक दलहरूको निर्णय प्रक्रिया, त्यसमा कार्यकर्ताको सहभागिता, व्यवस्थापनलगायत पक्षबाट हेर्‍यो भने नेपाली लोकतन्त्र परिपक्व हुन अझै केही दशक लाग्ने देखिन्छ । आइतबार निर्वाचन आयोगमा समानुपातिकतर्फबाट प्रतिनिधिसभामा उम्मेदवार बन्न चाहनेहरूको सूची…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

हरिराम उप्रेती, गोरखा   |   साउन ०२, २०७४

दुई वर्षअघि गएको भूकम्पको केन्द्र गोरखामा पुनर्निर्माणले गति लिन सकेको छैन । भूकम्पले भत्काएका ६० हजारभन्दा बढी घर पुनर्निर्माणमा ढिलाइ हुँदा स्थानीय अझै पनि टहरोमै बस्न बाध्य छन् । गोरखाका ६० हजार ८ सय १५ लाभग्राहीमध्ये ५४ हजार ५ सय १५ जनाले अनुदान सम्झौता गरेका छन् । त्यसमध्ये सात हजार ५९ लाभग्राहीको मात्रै दोस्रो किस्ता रकम सिफारिस भएको भवन डिभिजन कार्यालय गोरखाले जनाएको छ । तेस्रो किस्ता रकम दिन भवन डिभिजन कार्यालयले ३०८ जनाको नाम सिफारिस गरे पनि हालसम्म रकम निकासा हुन सकेको छैन । ‘तेस्रो किस्ता पनि हामीले सिफारिस गरिसक्यौँ,’ भवन डिभिजन कार्यालयकी इन्जिनियर सुनिता श्रेष्ठले भनिन्, ‘सरकारले ३०८ र गैरसरकारी संस्थाले १ सय ९० जनालाई रकम दिने भनेर सिफारिस गरेको छ ।’ इन्जिनियर श्रेष्ठका अनुसार हालसम्म ९ हजार घर निर्माण भइरहेका छन् । गोरखामा निजी अवास निर्माणका लागि करिब पौने तीन अर्ब निकासा भएको थियो । सो रकममध्ये करिब दुई अर्ब फिर्ता भएको जिल्ला समन्वय समितिका स्थानीय विकास अधिकारी नारायण आचार्यले बताए ।

अनुदान रकम कम भएको गुनासो

सरकारले दिएको तीन लाख अनुदान रकमले घर बनाउन नपुग्ने भूकम्पपीडितले गुनासो गरेका छन् । रकम अभावकै कारण घर बनाउन आँट नगरेको उनीहरूको भनाइ छ । निजी अवास निर्माणका लागि दक्ष कामदारको अभाव, पानीको अभाव र बर्खा लागेपछि निर्माण सामग्री लैजान नसकेको खोप्लाङका नवीन पोखरेलले बताए । ‘कतिपयको घर पूरै भत्किएको छैन, एक तला फालेर त्यहीँ बसेका छन्,’ राष्ट्रिय पुनः निर्माण प्राधिकरणका जिल्ला प्रमुख राजेन्द्र कार्कीले भने, ‘जसोतसो बसिएकै छ, किन ऋण गरी बनाउनुप¥यो भन्नेहरू छन् ।’ सुरुको ५० हजार लगेपछि फिर्ता गर्नुपर्दैन भन्ने मानसिकताका कारण पनि निजी आवास निर्माणमा ढिलाइ भएको उनले बताए ।

प्राविधिक अभाव

भवन डिभिजन कार्यालयका अनुसार पुनः निर्माणमा प्राविधिकको अभाव भएको छ । १ सय २६ इन्जिनियरको दरबन्दी रहेको गोरखामा ८६ जना मात्र इन्जिनियर कार्यरत छन् । यस्तै ६० सबइन्जिनियरको दरबन्दी रहेकोमा ३४ मात्र कार्यरत छन्् । ६० असिस्टेन्ट प्राविधिकको दरबन्दीमध्ये ५४ जना मात्र कार्यरत रहेको कार्यालयले जनाएको छ ।