एक सातापछि मुसिकोट र चौरजहारीको बजेट - Naya Patrika
© 2017 Naya Prakasan Pvt. Ltd.

  बनेपा–७ स्थित बसपार्कमा गौतम भोजनालय नामको होटल सञ्चालन गर्दै आएका दाहाल परिवारको सहस्यमय मृत्यु भएपछि उन्पन्न विवाद समाधान भएको छ । बनेपा नगरपालिका–२ का वडा अध्यक्ष हरिशरण घिमिरेसहित दुई…
पूरा पढ्नुहोस् »

अस्वस्थ भई अस्पताल भर्ना भएका बुवा पूर्वराजा ज्ञानेन्द्र शाह निवास फर्किने क्रममा उनलाई लिन पूर्वयुवराज पारस नर्भिक इन्टरनेशनल हस्पिटल पुगेका थिए । सार्वजनिक जीवनमा त्यति नदेखिने पारस लामो कपालमा देखा…
पूरा पढ्नुहोस् »

अभिनेत्री सन्नी लियोन आमा बनेकी छिन् । सन्नी र डेनियल वेबरको जीवनमा एक बच्चीको आगमन भएको हो । केही दिनअघि मात्रै सन्नीले आमा बन्ने इच्छा सार्वजनिक गरेकी थिइन् । उनमा…
पूरा पढ्नुहोस् »

पछिल्लो समय काठमाडौंलगायत विभिन्न सहर धुलाम्मे छन् । पुराना सवारीसाधनले पनि वायु प्रदूषण गरिरहेका छन् । धुलोबाट नाक, छालामा एलर्जी हुने, रुघा लाग्ने, फोक्सोसम्बन्धी विभिन्न समस्या हुने गर्छन् । धुलोबाट…
पूरा पढ्नुहोस् »

दुई महिना यता लमजुङमा लोडसेडिङ बढ्न थालेको छ । जिल्लामा निर्माण सम्पन्न जलविद्युत आयोजनाहरुबाट बढी विद्युत उत्पादन हुँदा लोडसेडिङ बढेको हो । बढी उत्पादन भएकै कारण लमजुङका जनताले अघोषित लोडसेडिङको…
पूरा पढ्नुहोस् »

सीमा विवाद सावधानीपूर्वक अवलोकन गरिरहेको अमेरिकी विदेश मन्त्रालयका प्रवक्ताको भनाइ अमेरिकाले चीन र भारतबीचको सीमा विवादप्रति गहिरो चासो देखाएको छ । चीन, भारत र भुटानको सीमामा रहेको दोकलामबारे नयाँदिल्ली र…
पूरा पढ्नुहोस् »

चार वर्षको सम्झौता बाँकी रहेकाले ब्राजिलियन स्ट्राइकर नेमार बिक्रीमा नराखेको बार्सिलोनाका अध्यक्ष जोसेपले स्पष्ट पारे पेरिस सेन्ट जर्मन (पिएसजी)को कीर्तिमानी प्रस्ताव नकार्दै बार्सिलोनाले ब्राजिलियन स्ट्राइकर नेमारलाई प्रशिक्षणमा समावेश गरेको छ…
पूरा पढ्नुहोस् »

जीवनका आखिरी दशक (सन् १८७३–१८८३)मा कार्ल माक्र्स आर्थिक दृष्टिले निश्चिन्त भएका थिए । लन्डन प्रवासका प्रारम्भिक वर्षका दारुण दारिद्रय रहेको थिएन । पिताको देहान्तपछि फ्रेडरिक एंगेल्स फुक्का भएर माक्र्स र…
पूरा पढ्नुहोस् »

नेपाल कम्युनिस्ट पार्टी (नेकपा)का संस्थापक महासचिव हुन्, पुष्पलाल श्रेष्ठ । उनको निधन भएको ३९ वर्ष पूरा भइसकेको छ । अन्तर्राष्ट्रिय कम्युनिस्ट घोषणापत्रलाई नेपाली भाषामा अनुवाद गर्दै पार्टी सञ्चालनसम्बन्धी नीति र…
पूरा पढ्नुहोस् »

५५ वर्ष पहिले सीमायुद्ध लडेका हाम्रा दुई छिमेकी देश चीन र भारत फेरि एकपटक आमने–सामने उभिएका छन् । भारत, भुटान र चीनको सीमानजिक चीन र भुटानबीच रहेको विवादित भूमिमा चिनियाँ…
पूरा पढ्नुहोस् »

नयाँ पत्रिकाको न्युजरुममा अहिले सामाजिक अभियन्ता महावीर पुन उपस्थित छन् । उनीसँग उनको अभियान र नेपालमा प्रविधिको विकासका विषयमा अन्तरक्रिया भइरहेको छ । महावीर पुनसँगको अविस्मरणीय अन्तरक्रिया प्रत्यक्ष हेर्नका लागि…
पूरा पढ्नुहोस् »

मनीष खड्का, रुकुम   |   साउन ०१, २०७४

रुकुमको मुसिकोट र चौरजहारी नगरपालिकाको प्रथम नगरसभाले बजेट पारित गरेको छ । बजेटसँगै नीति तथा कार्यक्रम पनि पारित भएको छ । तोकिएको समयभन्दा एक साता ढिलो गरी दुई नगरपालिकाले बजेट ल्याएका हुन् । असार २५ गते नीति तथा कार्यक्रमसहित बजेट ल्याउनुपर्ने भए पनि तयारी नपुगेका कारण ढिलाइ भएको जनप्रतिनिधिहरूले बताएका छन् ।

मुसिकोटको बजेट ३९ करोड
शनिबार सम्पन्न सभाले आर्थिक वर्ष ०७४-७५ का लागि ३९ करोड २७ लाखको विनियोजित बजेट पारित गरेको छ । ९८ लाख ५३ हजार आन्तरिक राजस्व, २३ करोड २२ लाख ५६ हजार समानीकरण अनुदान, १३ करोड ८ लाख ८५ हजार ससर्त अनुदान र एक करोड ९७ लाख ६ हजार अन्य स्रोतबाट गरी ३९ करोड २७ लाख बजेट विभिन्न शीर्षकमा विनियोजन गरिएको हो । सबैभन्दा बढी सामाजिक विकासतर्फ १४ करोड ७० लाख बजेट विनियोजन गरिएको छ । त्यसपछि, पूर्वाधार विकासतर्फ १४ करोड १६ लाख ४८ हजार, संस्थागत विकास, सेवा प्रवाह र सुशासनतर्फ ६ करोड ५६ लाख ९४ हजार, वातावरण तथा विपद् व्यवस्थापनतर्फ एक करोड ३८ लाख र आर्थिक विकासतर्फ एक करोड १७ लाख बजेट छुट्याइएको छ । मेयर देवीलाल गौतमले प्रस्तुत गरेको नीति तथा कार्यक्रम र बजेट पारित भएको हो ।

सामाजिक विकास र भौतिक पूर्वाधार प्राथमिकतामा
नगरसभाबाट सडक तथा भौतिक निर्माणअन्तर्गत सहिद स्मृति चक्रपथ निर्माणकार्यलाई यसै वर्षबाट सुरु गर्ने, नयाँ सडक निर्माण गर्नुपर्ने ठाउँलाई सूचीकृत गर्ने तथा आगामी तीन वर्षभित्र सबै टोल र बस्तीमा सडक पुर्याउने योजना पारित भएको छ ।

यस्तै, निर्माण भएका सडकलाई स्तरोन्नति गर्ने, सडकलाई बाह्रै महिना चल्ने बनाइनुका साथै हरित र वातावरणमैत्री बनाउने योजना पनि नगरपालिकाको छ । खानेपानी तथा सरसफाइतर्फ एक घर, एक धाराको कार्यक्रमलाई अभियानका रूपमा अगाडि बढाउने, लिफ्ट खानेपानी योजनामार्फत डाँडाकाँडामा रहेका बस्तीमा पानीको पहुँच पुर्याउने, पूर्ण सरसफाइयुक्त नगर बनाउने जस्ता योजना पारित भएको गौतमले बताए ।

चौरजहारीको बजेट ६० करोड
नगरसभाले आर्थिक वर्ष ०७४-७५ का लागि ६० करोड बजेट विनियोजन गरेको छ । केन्द्र र नगरपालिकाको गरी ३४ करोड ४८ लाख ३० हजार दुई सय ८६ रुपैयाँ, विभिन्न संघसंस्थाबाट तीन करोड एक लाख दुई हजार सात सय १४ रुपैयाँ, नयाँ सहरी विकास कार्यक्रमको १२ करोड ८७ लाख ९० हजार गरी ६० करोड ३७ लाख २३ हजार बजेट विनियोजन गरिएको हो ।

उक्त बजेट समानीकरण शीर्षकमा २१ करोड १३ लाख ४६ हजार, ससर्त शीर्षकमा ११ करोड ६० लाख ७३ हजार र चालूतर्फ ६ करोड छुट्याइएको छ । सडकमा चार करोड ८६ लाख, खानेपानीमा दुई करोड २८ लाख ९१ हजार, सिँचाइमा ३९ लाख, शिक्षामा दुई करोड ४६ लाख ५० हजार, विद्युत्मा एक करोड २५ लाख, कृषिमा ४० लाख, तटबन्ध निर्माणमा ५० लाख, पर्यटनमा २६ लाख र म्याचिङ फन्डमा एक करोड ५४ लाख ५१ हजार दुई सय ९० रुपैयाँ विनियोजन गरिएको मेयर विशाल शर्माले जानकारी दिए ।

योजनामा प्राथमिकता,  तर बजेट न्यून
नगरसभाले कृषिलाई विशेष प्राथमिकता दिने गरी योजना निर्माण गरेको छ । कृषि अनुसन्धान केन्द्र, कृषि सडक र कृषि प्रयोगशालाको निर्माण गर्ने योजना नगरसभाले पारित गरेको हो । तर, त्यसका लागि जम्मा ४० लाख मात्र बजेट विनियोजन गरिएको छ ।

आगामी असोजभित्र एम्बुलेन्स खरिद गर्ने, केन्द्रीय प्रसारण लाइन विस्तार गर्ने, ल्यान्डफिल साइड बनाउने, वैज्ञानिक तरिकाले कर संकलन गर्ने, कोटजहारीमा शव पोस्टमार्टमको सेवा सुविधासहितको अस्पताल निर्माण गर्ने, नगरपालिकाभित्रका सबै कच्ची सडकलाई ग्राबेल गर्ने तथा ग्राबेल भइसकेका सडकलाई पिच गर्ने, सडकआसपास वृक्षरोपण गर्ने, सार्वजनिक शौचालय निर्माण र धार्मिक क्षेत्रको संरक्षण गर्नेजस्ता नीति पारित भएको छ ।