जग्गा बाँझो राख्नेलाई जरिवाना - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

दीपेन्द्र अधिकारी, चितवन   |   साउन ०१, २०७४

रत्ननगर नगरपालिकाले जग्गा बाँझो राख्नेलाई जरिवाना गर्ने भएको छ । शनिबार सम्पन्न पहिलो नगरसभाले जग्गा बाँझो राख्नेलाई कारबाही गर्ने निर्णय गरेको छ । अब कसैले पनि जग्गा बाँझो राख्न नपाउने नीति पारित गरेको मेयर नारायण वनले बताए । एक बिघा जग्गा बाँझो राख्नेलाई एक हजारका दरले जरिवाना लागाइने मेयर वनले जानकारी दिए ।

नगरभित्रको उत्पादन बढाउन र अव्यवस्थित प्लटिङ रोक्न यसले सघाउने उनको विश्वास छ । १० कठ्ठा बाँझो राख्नेलाई पाँच सय, एक बिघा बाँझो राख्नेलाई एक हजार र दुई बिघा बाँझो राख्नेलाई दुई हजार जरिवाना लगाउने नीति अख्तियार गरिएको छ ।

नगरभित्र जग्गा बाँझो भए÷नभएको अनुगमन गरेर जानकारी गराउन वडाध्यक्ष र सचिवलाई निर्देशनसमेत दिइएको छ । ‘कतिपय ठाउँमा भोकमरीले मान्छे मर्नुपर्ने अवस्था छ,’ वनले भने, ‘हाम्रो नगरमा धेरै बिघा जग्गा बाँझै छ । जग्गा बाँझो राख्नेलाई जरिवान र खेती गर्ने किसानलाई अनुदान दिइनेछ ।’

नगरसभामा विदेशी पर्यटकलाई शुल्क लगाउने प्रस्ताव पनि पेस भएको छ । सौराहाका व्यवसायीहरूसँग सहकार्य गरेर सार्क मुलुकका पर्यटकबाट प्रतिपर्यटक ५० रुपैयाँ र तेस्रो मुलुकबाट आउने पर्यटकबाट प्रतिपर्यटक दुई सय रुपैयाँ शुल्क लिने प्रस्ताव पेस गरिएको हो । व्यवसायीसँग सहकार्य गरी सौराहामा पर्यटन पूर्वाधार बनाउने र पर्यटन शुल्क लगाउने नीति लिइएको मेयर वनले जानकारी दिए ।

आर्थिक वर्ष ०७४-७५ मा पर्यटन शुल्कबाट नगरपालिकाले १० लाख संकलन गर्ने योजना बनाएको छ । नगरसभामा नगरपालिकाले विभिन्न शीर्षकमा लिने करको विषयमा जनप्रतिनिधिहरूबीच रस्साकस्सी भएको छ । इँटाभट्टा, चाउचाउ कम्पनी, मैदामिल, मदिराजन्य वितरक, सुर्तीजन्य वितरकहरूलाई शतप्रतिशत कर वृद्धि गरिएको छ । नगरपालिकाले मेला महोत्सव र कन्सर्ट गर्ने आयोजकबाट पनि कर लिने भएको छ । ‘कमाउनेहरूसँग कर लिएर नगर बनाउने हो,’ वनले भने, ‘नगरलाई समृद्ध बनाउने अभियानमा सहयोग गर्न आग्रह गर्दछु ।’

नगरसभाका उपमेयर विमला दुवाडीले बजेट प्रस्तुत गरेकी छिन् । आर्थिक वर्ष ०७४-७५ का लागि ६८ करोड ३६ लाख ५९ हजार विनियोजन गरिएको छ । कुल बजेटमध्ये आन्तरिक स्रोतबाट सात करोड ११ लाख ८० हजार र बाह्य स्रोतबाट ६१ करोड २४ लाख ७९ हजार आम्दानी गर्ने लक्ष्य राखिएको छ । आन्तरिक स्रोततर्फ जग्गा दर्ता शुल्क, एकीकृत सम्पत्ति कर, नक्सापास दस्तुरबाट र बाह्य स्रोतबाट वित्तीय समानीकरण अनुदान र ससर्त अनुदान तथा समाजिक सुरक्षा कार्यक्रमबाट आम्दानी गर्ने लक्ष्य लिइएको उपमेयर दुवाडीले बताइन् ।