अन्तर्घात गर्नेलाई झापामा धमाधम कारबाही - Naya Patrika
© 2017 Naya Prakasan Pvt. Ltd.

राजेश हमाल, अभिनेता प्रायः दसैँमा म देशबाहिर नै हुन्छु । दिदीबहिनी अमेरिकामा भएकाले यसपालि पनि उतै जाने योजना बनाएको छु । टीकाको दिन मेरो आमाको श्राद्ध पर्छ । त्यसैले म…
पूरा पढ्नुहोस् »

मेष स्वास्थ्य: खानपानका कारण केही पेटको समस्याले सताउनेछ । शरीरमा आलस्यताले सताउला । पिरो एवं चिल्लो पदार्थ खानपानमा कम गरे उपयोगी रहला । रोजगारी: बाधा अड्चनका बीच वैदेशिक रोजगारीका काम…
पूरा पढ्नुहोस् »

काठमाडौं उपत्यकामा दसैँका लागि खसी, बोका र च्याङ्ग्रा आयात तिब्र भएको छ । व्यवसायीले कलंकीमा खसी बजार नै संचालन गरेका छन् । त्यहाँ खसी, बोका खरिद गर्ने र बिक्री गर्नेको…
पूरा पढ्नुहोस् »

लक्ष्मी काफ्ले/नयाँ पत्रिका झापामा यस सिजनको पहिलो गोल्डकप शिवसताक्षी नगरपालिकाको दुधेमा सुरु भएको छ । दूधे युथ क्लबले आयोजना गरेको पहिलो संस्करणको दुधे गोल्डकप बुधबारबाट सुरु भएको हो । विजया…
पूरा पढ्नुहोस् »

कांग्रेस सभापति शेरबहादुर देउवा प्रधानमन्त्री छन् । संसद्को सबैभन्दा ठूलो दलको सभापति भएपछि संसदीय गणित मिलाएर उनी प्रधानमन्त्री हुनु स्वाभाविक पनि हो । संसदीय या उदारवादी लोकतन्त्र पनि अरू अर्धलोकतन्त्र…
पूरा पढ्नुहोस् »

पछिल्लो अभ्युदयको वर्ष २००७ लाई मानिएको छ । त्यो वर्ष सैनिक सामन्तवादको नेतृत्व गरिरहेको राणाशाहीतन्त्र समाप्त भएको थियो । त्यसपछि २०१५ मा पहिलो आमनिर्वाचन, जनप्रतिनिधिको रूपमा सर्वसाधारणबाट प्रधानमन्त्रीको बहाल भयो…
पूरा पढ्नुहोस् »

जम्मा २९ दिन पदावधि रहेका प्रतिनिधिसभा संसद्का सदस्य जानुअघि फेरि अर्को कर्तुतमा सामेल भएका छन् । यसपटक उनीहरूले निर्वाचनलाई सीधै प्रभावित गर्ने गरी सरकारले व्यवस्था गरेको सांसद विकास कोषबाट ५०…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

लक्ष्मी काफ्ले, झापा   |   साउन ०१, २०७४

स्थानीय तहको निर्वाचनमा अन्तर्घात गरेको भन्दै झापाका राजनीतिक दलले आफ्ना कार्यकर्तालाई धमाधम कारबाही गर्न थालेका छन् । एमाले र कांग्रेसले कारबाही थालेका हुन् । १५ स्थानीय तहमध्ये एउटामा पनि जित हात नपारेको माओवादी केन्द्रले भने अहिलेसम्म अन्तर्घात र कारबाहीबारे बोलेको छैन । तीन स्थानमा जित हात पारेर झापामा तेस्रो शक्ति बनेको राप्रपा भने सन्तुष्ट देखिएको छ ।

कांग्रेसको भद्रपुर नगर समितिले स्थानीय निर्वाचनमा नगरको नेतृत्वलाई हराउन भूमिका खेलेको भन्दै नौजना क्रियाशील सदस्यलाई पार्टीबाट निष्काशन गरेको छ । निर्वाचनमा पार्टीका आधिकारिक उम्मेदवारलाई हराएर अन्य पार्टीलाई फाइदा पु¥याउने काममा प्रत्यक्ष लागेका बागी उम्मेदवार तथा तिनका समर्थक गरी नौजनालाई पार्टीको विधानअनुसार कारबाही गरेको हो ।

भद्रपुर–१ का कुलप्रसाद संग्रौला, अरुणकुमार उप्रेती, उकिन्द्र खरेल र सरोज संग्रौलालाई साधारण सदस्यसमेत नरहने गरी निकालिएको भद्रपुर नगर समितिले जनाएको छ । यसैगरी, भद्र पुर–४ का मनोज केसी, भद्रपुर–७ का दुर्जनसिंह राजवंशी, जगदीश काफ्ले, हरिप्रसाद निरौला पनि निष्काशनमा परेका छन् ।

भद्रपुर–८ की कुन्तीदेवी राईलगायतले पार्टीको हितविपरीत बागी उम्मेदवार बनेर आधिकारिक उम्मेदवारलाई हराउन भूमिका खेलेकाले पार्टीबाट निकालिएको नगर उपसभापति ज्ञानबहादुर चौहानले जानकारी दिए । स्थानीय तहको निर्वाचनमा कांग्रेसले नेता कृष्णप्रसाद सिटौलाका विश्वासपात्र गणेश पोखरेललाई भद्रपुरको मेयरको उम्मेदवार बनाएको थियो । पोखरेल कांग्रेस भद्रपुर नगर समितिका सभापतिसमेत हुन् । भद्रपुर कांग्रेस नेता सिटौलाको गृहनगर हो । सिटौलाले एकलौटी ढंगले पोखरेललाई उम्मेदवार बनाएको भन्दै निर्वाचनअघि नै कांग्रेस कार्यकर्ताले विरोध गरेका थिए ।

पोखरेल एमालेका उम्मेदवार जीवनकुमार श्रेष्ठसँग भारी मतले पराजित भएका थिए । कांग्रेसकी उपमेयरकी उम्मेदवार तारा भुर्तेल पनि एमालेकी चन्द्रा श्रेष्ठसँग फराकिलो मतान्तरले पराजित भएकी थिइन् । त्यति मात्र होइन, कांग्रेसले भद्रपुरका अधिकांश वडामा पनि पराजय बेहोरेको थियो । नेता सिटौलाको घर रहेको भद्रपुर–१० मा पनि कांग्रेस पराजित भयो । १० वटा वडा रहेको भद्रपुरको सातवटा वडामा एमाले विजयी भएको थियो । दमकमा भने कांग्रेसले कसैलाई कारबाही नगरेको नगर सभापति रोशन विष्टले स्पष्ट पारेका छन् ।

एमाले झापामा हलचल
पार्टी अध्यक्ष केपी ओलीको गृहजिल्लासमेत रहेको झापामा एमालेले पनि सोचेअनुरूपको नतिजा निकाल्न नसकेपछि घात–अन्तर्घातको चर्चा उत्तिकै छ । केही दिनअघि झापा आएका ओलीले पनि सधैँ जितिरहेको स्थानमा एमालेले हार्नुको कारण सोध्दै कार्यकर्तामाझ आक्रोश पोखेका थिए ।

एमाले झापाले स्थानीय तह निर्वाचनको संघारमा पार्टीका केही संगठित सदस्यले अनुशासन उल्लंघन गरेको ठहर गर्दै पार्टीको साधारण सदस्यबाट समेत हटाएको छ ।

निर्वाचनमा उम्मेदवारी नपाएको लगायतका विभिन्न बहानामा पार्टीको निर्णयप्रतिकूल हुने गरी कतिपय कार्यकर्ताले स्वतन्त्र उम्मेदवारी दिएको र कतिपयले अन्य पार्टीको नाममा उम्मेदवारी दर्ता गराएकाले उनीहरूलाई अनुशासनको कारबाही गरिएको कार्यालय सचिव शिव ढुंगेलले जानकारी दिए ।

निष्काशनको कारबाहीमा पर्नेमा बिर्तामोड–५ का भोलानाथ उप्रेतीलगायत छन् । २५ वर्षसम्म एमालेमा क्रियाशील उनी मालेबाट बिर्तामोडको उपमेयरको उम्मेदवार बनेका थिए । सय मत प्राप्त गरेका उनको जमानत नै जफत भयो ।

त्यस्तै, बिर्तामोड–५ कै देवराज तामाङ, बिर्तामोड–४ का दीपक मिश्र, बिर्तामोड–८ का कृष्ण श्रेष्ठ, हल्दिबारी गाउँपालिका–३ का टंक भट्टराई र वडा नम्बर ५ का राजकुमार राई तथा दमक–३ का तेजस्वी थेबेसमेत निष्काशित भएका छन् । झापामा एमालेका जिल्ला अध्यक्ष र सचिव नै पराजित भएपछि एमाले वृत्तमा हलचल मच्चिएको छ । अध्यक्ष ओलीले छानबिन गर्न निर्देशन दिएपछि एमालेले झापामा अझै केही कार्यकर्तालाई कारबाही गर्ने बुझिएको छ । ‘पार्टी केन्द्रले हामीलाई १५ दिनभित्रमा प्रतिवेदन पठाउन निर्देशन दिएको छ । चाँडै बैठक बसेर जिल्लाका नगर तथा गाउँ कमिटीलाई चुनावको समीक्षासहितको प्रतिवेदन माग्छौँ,’ एमाले झापाका सचिव मदन अधिकारीले नयाँ पत्रिकासित भने, ‘त्यसपछि प्रतिवेदन तयार पारेर केन्द्रमा पठाउनेछौँ ।’