सामाजिक भेदभावविरुद्ध जुटौँ - Naya Patrika

नेपाल पत्रकार महासंघको आज सम्पन्न निर्वाचनको मतगणना सुरु भएको छ । उम्मेदवार प्रतिनिधिहरुको रोहवरमा मतपेटिका खोलिएको छ । प्रदेश केन्द्रीय सदस्यहरु र पदाधिकारी तथा सदस्यहरुको मतगणना बेग्लाबेग्लै भइरहेको छ । कूल…
पूरा पढ्नुहोस् »

उहाँ हाँ (उषाकला राई) खोटाङबाट प्रतिनिधित्व गर्नुहुन्छ भने म सिन्धुपाल्चोक । हाम्रो पहिलो भेट ०५४ सालमा भएको थियो । कुनै समय हामीले प्रजातान्त्रिक राष्ट्रिय युवा संघमा सँगै काम गरेका थियौँ…
पूरा पढ्नुहोस् »

सुत्केरी अवस्थामा नवजात शिशुको ध्यान दिनुका साथै आमाले पनि खानपानमा ध्यान पु¥याउनुपर्छ । आमा स्वस्थ भए बच्चा पनि स्वस्थ हुने भएकाले खानपानमा ध्यान दिन जरुरी छ । अरू वेलाको तुलनामा…
पूरा पढ्नुहोस् »

जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्ने आदेश कानुन मन्त्रालयले फर्कायो जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्नेसम्बन्धी आदेश कानुन मन्त्रालयले फर्काइदिएपछि जलविद्युत् प्रवद्र्धकहरूलाई समस्या परेको छ ।…
पूरा पढ्नुहोस् »

दक्षिण एसियाली मुलुकमा वर्षापछिको बाढी–पहिरोका कारण डेढ करोडभन्दा बढी मानिस प्रभावित भएका छन् । अगस्टमा आएको बाढीले दक्षिण एसियाका नेपाल, बंगलादेश र भारतका एक करोड ६० लाख मानिस प्रभावित भएका…
पूरा पढ्नुहोस् »

सुनसरीकाे झुम्कामा जारी प्रथम रामधुनी विद्यालय स्तरीय फुटबल प्रतियोगिताअन्तर्गत सोमबार भएका खेलमा विजयी हुँदै लर्डबुद्ध बोर्डिङ स्कुल, झुम्का र पञ्चायत मावि, प्रिपाहा सेमिफाइनलमा प्रवेश गरेका छन् । पिप्राहा खेल मैदानमा…
पूरा पढ्नुहोस् »

प्रिय बाबुराम दाइ, अस्ति भर्खर तपाईं स्वास्थ्योपचार गरी अहिले निवासमै आराम गर्दै हुनुहुन्छ भन्ने सुनेको छु । तपाईंको शीघ्र पूर्ण स्वास्थ्यलाभको कामना ! पछिल्लोपल्ट तपाईंको पार्टी परिवारमा केही खटपट चलिरहेको…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

नयाँ नेतृत्व चयन गर्ने कार्यसूचीसहित नेपाल पत्रकार महांसघको अधिवेशन हिजोदेखि काठमाडौंमा सुरु भएको छ । झन्डैझन्डै नेपालको प्रजातन्त्रको जस्तै आयु भएको र सुदृढ र शक्तिशाली बन्दै गएको पत्रकारिता जगत्को नेतृत्व…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   असार २८, २०७४

हामी भन्ने गर्छौं, आजको २१औँ शताब्दी विज्ञान र प्रविधिको युग हो । ढुंगेयुग हुँदै अघि बढेको मानव सभ्यताले अन्तरिक्ष युगसमेत पार गरिसकेको छ । शिक्षा र सञ्चारको क्षेत्रमा भएको क्रान्तिकारी परिवर्तन र सुधारले हाम्रो समाज धेरै विषयमा सभ्य र सुसंस्कृत पनि बन्दै गएको छ । तर, अझै पनि कतिपय यस्ता समस्या छन्, जसले वेलाबखत मानव सभ्यतालाई नै गिज्याइरहेका छन् । यस्ता सामाजिक विकृति र विसंगतिमध्ये मानव सभ्यतामाथि नै कलंकको टीका लगाइरहेको छुवाछुत तथा जातीय भेदभावले अझै पनि हाम्रो समाजलाई वेलाबखत नराम्ररी सताइरहेको छ ।

यसै क्रममा गुल्मीको मुसिकोट नगरपालिका–४, बडागाउँ, हलोगाडेका ४२ वर्षीय कर्णबहादुर विकमाथि निर्घात कुटपिट भएको समाचार प्रकाशित भएको छ । उनको भनाइअनुसार उनलाई होटेलमा आफूले खाएका जुठा भाँडा आफैँ नमाझेको निहुँमा होटेल सञ्चालिका शोभा कार्की र उनका छोराले कुटपिट गरेका हुन् । यद्यपि, पीडित विकले अन्यत्रैबाट रक्सी पिएर आई होहल्ला गरेको र सम्झाउँदासमेत नटेरेको हुनाले सामान्य रूपमा धकेलेको तर कुटपिट नगरिएको भनेर आरोपीले स्पष्टीकरण दिइसकेका छन् । घटना प्रहरीमा दर्ता भइसकेको हुनाले प्रहरीको छानबिनपछि नै यथार्थ बाहिर आउला । र, छानबिनपछि जो दोषी देखिए पनि तिनलाई कडाभन्दा कडा कारबाही गर्न पछि पर्नु हुँदैन ।

व्यापार गर्ने उद्देश्यले होटेल सञ्चालन गर्ने तर दलित समुदायका ग्राहक आएमा उनीहरूबाट सेवा लिएबापत पैसाचाहिँ लिने तर उनीहरूले प्रयोग गरेका भाँडाचाहिँ उनीहरू स्वयंले माझ्नुपर्ने यो कुनै हालतमा सुहाउने ‘नियम’ होइन । होटेल खोलेर बसिसकेपछि हरेक ग्राहकमाथि समान व्यवहार गर्नुपर्छ । यदि कसैले त्यहीँ खाना खाँदा निश्चित जात भएकैले भाँडा माझ्नु नपर्ने र कसैले चाहिँ निश्चित जात भएकैले पैसा तिरेर पनि भाँडा माझ्नुपर्ने चलन जातीय विभेदको पराकाष्ठा हो । यसलाई तत्काल सबैले सच्याउनुपर्छ । अब त स्थानीय तहको निर्वाचनपछि स्थानीय सरकार गठन भइसकेको छ । अब यस्ता सामाजिक कलंक अन्त्य गर्न स्थानीय सरकारका निर्वाचित पदाधिकारीले पनि विशेष पहल गर्नुपर्छ । झन् संवैधानिक व्यवस्थाका कारण स्थानीय तहमा दलित समुदायको राम्रै प्रतिनिधित्व पनि भएको छ । यस्ता छुवाछुतजन्य विभेदको कलंक मेट्न दलित अगुवाकर्मी, निर्वाचित स्थानीय तहका पदाधिकारी तथा राजनीतिक दलका नेता तथा कार्यकर्ता सबै एकजुट भएर लाग्नुको विकल्प छैन ।

केही दिनअघि दैलेखको एउटा छाउगोठमा बसेकी किशोरीको सर्पदंशबाट ज्यान गएको समाचार पनि आएको थियो । कतै छाउपडीको समस्या, कतै छुवाछुतको समस्या त कतै बोक्सीको आरोपमा हुने कुटपिटलगायत समस्या, हाम्रो समाज सभ्य र सुसंस्कृत हुँदै जानुपर्नेमा झनै उल्टो बाटोतिर हिँडिरहेको उदाहरण हुन् यी । पछिल्लो समयमा हाम्रो समाजमा चेतनाको स्तर बढ्दै गएको पनि छ । गाउँघरका मानिसले समेत देशविदेश घुमेर अनेकौँ परिवर्तनलाई प्रत्यक्षतः अनुभूत गर्ने अवसर पनि पाइरहेका छन् । रेडियो, टेलिभिजन, मोबाइल, इन्टरनेट, पत्रपत्रिकाजस्ता सञ्चारका अनेक साधन गाउँगाउँसम्म पुगेका छन् । तैपनि, समाजमा यस्ता सामाजिक कलंक अझै रहिरहनुको अर्थ हाम्रा सोच र परम्परागत संस्कारमा कत्ति पनि परिवर्तन हुन नसकेको संकेत हो । अब, राज्य संयन्त्रदेखि स्थानीय तहका निर्वाचित प्रतिनिधि, राजनीतिक दल, विद्यार्थी, शिक्षक, शिक्षिका, स्वास्थ्य कार्यकर्ता, एनजिओ, आइएनजिओ, निजामती कर्मचारी सबै यस्ता सामाजिक विकृतिविरुद्ध एकजुट भई लड्नुपर्ने समय आएको छ । यसबाट कोही पनि पछि नहटौँ । सामाजिक भेदभावजन्य विकृतिविरुद्ध आजैदेखि जुटौँ ।