साढे सात खर्बको व्यापारघाटा - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

कृष्ण रिजाल, काठमाडौं   |   असार ०२, २०७४

नेपालले ६१ अर्बको निर्यात गर्दा ८ खर्ब ७ अर्बको आयात, व्यापारघाटा उच्च हुँदा चालू खाता घाटा

निर्यातको तुलनामा आयात वृद्धिदर उच्च हुँदा नेपालको व्यापारघाटा झन्–झन् बढ्दै गएको छ । चालू आर्थिक वर्षको १० महिनामा नेपालले ७ खर्ब ४६ अर्ब १८ करोड रुपैयाँबराबरको व्यापारघाटा व्यहोरेको छ । यो अघिल्लो वर्षको सोही अवधिको तुलनामा ३५ दशमलव ४ प्रतिशतले बढी हो ।

समीक्षा अवधिमा नेपालको कुल वैदेशिक व्यापार ३०.७ प्रतिशतले बढेर ८ खर्ब ६८ अर्ब ३२ करोड पुगेको छ । कुल वैदेशिक व्यापारमा निर्यातको हिस्सा ७ प्रतिशतमा मात्रै खुम्चिएको छ । यस अवधिमा मुलुकको निर्यात–आयातको अनुपात १ः१३.२ प्रतिशत पुगेको छ । अर्थात्, नेपालले १ रुपैयाँको निर्यात गर्दा १३.२ रुपैयाँको आयात गरिरहेको व्यापार तथा निकासी प्रवद्र्धन केन्द्रको तथ्यांक छ । खासगरी निर्यातको वृद्धि न्यून हुनु र आयातको वृद्धि उच्च हुँदा व्यापारघाटा अत्यधिक भएको केन्द्रले जनाएको छ ।

निर्यातको तुलनामा आयात वृद्धिदर उच्च
सरकारले व्यापारघाटा न्यूनीकरणका लागि रणनीतिक कार्ययोजना अघि बढाइरहेका वेला निर्यातको तुलनामा आयातको वृद्धिदर भने उच्च देखिएको छ । चालू आवको १० महिनामा नेपालको निर्यात ७.७ प्रतिशतले बढ्दा आयात भने ३२.८ प्रतिशतले बढेको हो । यस अवधिमा नेपालले कुल ८ खर्ब ७ अर्ब २५ करोड रुपैयाँ बराबरको आयात गरेको छ । तर, निर्यात भने ६१ अर्ब ७ करोड रुपैयाँमा मात्रै सीमित भएको छ । खासगरी, खपतसँगै आन्तरिक उत्पादन बढ्न नसक्दा मुलुकको निर्यातको तुलनामा आयात वृद्धिदर उच्च भएको सरोकारवाला बताउँछन् ।

मुख्य वस्तुकै निर्यात घट्यो
समीक्षा अवधिमा नेपालका मुख्य वस्तुकै निर्यात घटेको छ । व्यापार तथा निकासी प्रवद्र्धन केन्द्रका अनुसार गलैँचा, तयारी पोसाक, अलैँची, छाला वस्तु, अदुवा, आयुर्वेदिक औषधि, मञ्जन, कपडा, पस्मिना, हस्तकला, जुत्ता, हातेकागजतलगायत मुख्य वस्तुकै निर्यात घटेको हो । समीक्षा अवधिमा गलैँचाको निर्यात ७.८ प्रतिशतले घटी ६ अर्ब १७ करोडमा झरेको छ । त्यस्तै, तयारी पोसाकको निर्यात ९.५ प्रतिशतले ह्रास आई ४ अर्ब ३४ करोड रुपैयाँमा झरेको हो ।

अधिकांश वस्तुको आयात बढ्यो
समीक्षा अवधिमा नेपालमा आयात हुने मुख्य ३५ वस्तुमध्ये अधिकांशको आयात बढेको छ । केन्द्रअनुसार यस अवधिमा फलाम तथा स्टिल र तिनका उत्पादनहरूको आयात ३८.८ प्रतिशतले, पेट्रोलियम पदार्थको ९९.३ प्रतिशतले, यातायातका साधन र तिनका पार्टपुर्जाको ४४.४ प्रतिशतले र इलेक्ट्रिक र इलेक्ट्रोनिक सामग्रीहरूको आयात २२.६ प्रतिशतले बढेको हो । त्यस्तै, मेसिनरी तथा पार्टस्को आयात ५८.९ प्रतिशतले, पोलिथिन ग्रेन्युल्समा ६.२ प्रतिशतले, कच्चा पाम आयल ७८.७ प्रतिशतले, दूरसञ्चारका सामग्रीको ३८.६ प्रतिशतले र रसायनको आयात ४.५ प्रतिशतले बढेको हो ।

चालू खाता घाटामा
वस्तु आयात उच्च दरमा बढेको तथा रेमिट्यान्स आप्रवाह न्यून हुँदा मुलुकको चालू खाता घाटामा गएको छ । अघिल्लो वर्षको दश महिनामा १ खर्ब ३४ अर्ब ३० करोडले बचतमा रहेको चालू खाता समीक्षा अवधिमा ७ अर्ब ५७ करोडले घाटामा गएको राष्ट्र बैंकको तथ्यांक छ । यस अवधिमा रेमिट्यान्सको वृद्धिदर ५.२ प्रतिशत मात्रै छ, यो दर अघिल्लो वर्षको सोही अवधिको वृद्धिदरको तुलनामा आधा कम हो । राष्ट्र बैंकका अनुसार यो १० महिनामा विदेशमा रहेका नेपालीले ५ खर्ब ६६ अर्ब ९७ करोड रुपैयाँ नेपाल पठाएका छन् । यस अवधिका खुद ट्रान्सफर आय १०.३ प्रतिशतले बढेर ६ खर्ब ९२ अर्ब ७६ करोड पुगेको छ । यो अघिल्लो आवको सोही अवधिको तुलनामा ११.८ प्रतिशतले बढी हो । त्यस्तै, शोधनान्तर बचत १ खर्ब रुपैयाँभन्दा बढीले घटेको छ । अघिल्लो वर्षको १० महिनासम्ममा १ खर्ब ६६ अर्ब ८३ करोड बचतमा रहेको समग्र शोधनान्तर समीक्षा अवधिमा ५३ अर्ब ८४ करोडको बचतमा ओर्लिएको हो ।