तालमेल : न ताल न मेल - Naya Patrika
© 2017 Naya Prakasan Pvt. Ltd.

तिहार, बत्तीको चाड । उज्यालोको चाड । सँगसँगै मिठो–मसिनो खानपिन गरिने चाड । साथीभाइसँग रमाइलो गर्ने र बिहानदेखि साँझसम्म तास खेलेर दिन बिताउने चाड । गाउँघरवरपर देउसी–भैलो खेलेर मनाइने चाड…
पूरा पढ्नुहोस् »

चीनका राष्ट्रपति सी जिनपिङले चीन समाजवादसहितको नयाँ युगमा प्रवेश गरेको बताएका छन् । चीनको सत्तारुढ कम्युनिस्ट पार्टीको महाधिवेशनलाई राजधानी बेइजिङको ग्रेट हल अफ दि पिपुलमा बुधबार सम्बोधन गर्दै उनले सो…
पूरा पढ्नुहोस् »

डिफेन्डर राफेयल भरानले आत्मघाती गोल गरेपछि मंगलबार साविक विजेता रियल म्याड्रिड युरोपियन च्याम्पियन्स लिग फुटबल प्रतियोगितामा टोटनह्यामसँग १–१ को बराबरीमा रोकिएको छ । समूह एचको तेस्रो खेल बराबरीमा रोकेपछि रियललाई…
पूरा पढ्नुहोस् »

प्रधानमन्त्रीज्यूले प्रचण्डजीलाई सरकार छाड्न आग्रह गरेपछि माओवादी केन्द्रका मन्त्रीले ‘क्याबिनेट’ छाड्ने निर्णय गरे । त्यसअनुसार उनीहरूले राजीनामाको वक्तव्य पनि तयार गरे । तर, त्यहीबीच अचानक माओवादीका मन्त्रीले प्रधानमन्त्रीले निर्वाचन सार्ने…
पूरा पढ्नुहोस् »

रामेश श्रेष्ठ, गायक तथा रचनाकार पञ्चायती सामन्ती सत्ताबाट हाम्रो भलाइ नहुने भएपछि यसलाई भत्काउन यो गीत रायन र मैले गायौँ । यसले युग परिवर्तनका लागि ठूलो भूमिका खेल्यो । एउटा…
पूरा पढ्नुहोस् »

रानीपोखरीको निर्माणमा लापरबाही गर्नु हाम्रो पहिचान मेटाउने षड्यन्त्र हो । यस्ता पुरातात्विक संरचनाले हाम्रो पहिचान बोकेका हुन्छन् । तिनको संरक्षण गरौँ । कुनै देशको पहिचान केले खुल्छ ? यसका अनेक…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   जेठ ०५, २०७४

राजनीति क्रान्तिका वेला जति आदर्शयुक्त र एउटा सुन्दर कार्यजस्तो देखिन्छ, त्यति नै सत्ताका लागि हुने संघर्षका वेला करेलाको स्वादझैँ तीतो देखिने गर्छ । राजनीति गर्ने व्यक्ति या दलको मुख्य अभीष्ट सत्ता हासिल गर्नु हुने भएकाले उनीहरू अनेक खालका हतकण्डा प्रयोग गर्छन्, खेल र झेल गर्छन् । विचार परिवर्तन गरेर, दल परिवर्तन गरेर शक्ति आर्जन गर्नेहरू पनि हुन्छन् । त्यसको सबैभन्दा झरिलो उदाहरण फ्रान्सका तत्कालीन समाजवादी राष्ट्रपति फ्रास्वाँ मितेराँ पनि हुन्, जो पहिले कम्युनिस्ट थिए र पछि समाजवादी बनेर लामो समय राष्ट्रपति बने । यता तेस्रो विश्वका देशमा त शक्ति आर्जनका लागि दलबदल गर्ने या दलहरूबीच गठजोड गर्ने या दल विभाजन गर्ने अनेक प्रपञ्च गरिन्छन्, भैरहन्छन् । नेपाल पनि त्यसबाट अछुतो रहने सम्भावनै भएन । यसै क्रममा यसपालिको स्थानीय तहको निर्वाचनमा यहाँका सबै दल सबैसँग मिल्ने अचम्मको अवस्था देखा पर्यो । जहाँ आफू कमजोर छ, त्यहाँ अर्कोसँग मिलिहाल्ने । मिल्नका लागि सिद्धान्त, विचार या तत्कालीन राजनीतिक हित होइन, केवल निर्वाचन जित्ने प्रयोजन मात्र देखिने गरी पनि यस्तो तालमेल भएको पाइयो । यसको प्रभाव नेपालको भावी राजनीतिमा केकस्तो पर्ने हो, प्रस्ट भएको छैन तर तत्कालका लागि भने यसले एकप्रकारको हास्यरस पैदा गरेको छ । यता दलहरूले जहाँजहाँ केन्द्रबाट तालमेल थोपरे, त्यहाँ भने स्थानीय कार्यकर्ता या मतदाताले समेत आदेशलाई अस्वीकार गर्दै आफ्नै विवेक प्रयोग गरेको पाइयो । कतिसम्म भने ललितपुरमा त उम्मेदवारै नभएको निर्वाचन चिह्नले बहुमत पाउने स्थितिसमेत देखियो।

यसबीच तालमेलका अनेक परिणाम देखिए । जुनजुन दलले तालमेल गराएर उठाए, त्यहाँ तिनै दल पनि इमानदार देखिएनन् र कतै जनताले यस्तो तालमेललाई अस्वीकार गरे । काठमाडौंमा एमालेले मेयर र राप्रपाले उपमेयरको उम्मेदवार तालमेल गरेर उठाएका थिए, तर मत आउने वेला एमालेका मेयरले ल्याएकोभन्दा आधा मत पनि राप्रपाका उपमेयरलाई दिइएन । म्याग्दीको बेनी नगरपालिकामा एमालेका मेयरले पराजय व्यहोरे तर उनीसँग तालमेल गरेर उठेका राप्रपाका उम्मेदवार उपमेयर भए । त्यस्तो दिक्कलाग्दो दृश्य तनहुँको व्यास नगरपालिकामा पनि देखियो, जहाँ एमालेका मेयर र माओवादीका उपमेयरले ल्याएको मत अन्तर हैरान पार्ने खालको छ ।

देशमा सबैभन्दा बढी चर्चाको तालमेल भने भरतपुर महानगरपालिकामा भएको छ । कांग्रेसका तर्फबाट मेयरका उम्मेदवार बनेका दिनेश कोइरालालाई फिर्ता गर्न लगाएर माओवादीकी उम्मेदवार रेणु दहाललाई समर्थन गरेको कांग्रेसले मतदाता र कार्यकर्ताबाट तीव्र आलोचना र असहयोगको सामना गर्नुपर्यो । तालमेललाई सार्थक बनाउन सभापति देउवाले निकै प्रयास गर्दा पनि अहिले आइरहेको मतको प्रवृत्ति हेर्दा कार्यकर्ता या मतदाताले नेताको आदेश मान्न अनिच्छा देखाएको देखिन्छ । दिन त उनीहरूको ठूलो हिस्साले मेयरमा रेणुलाई मत दिएको परिणामले देखाउँछ, तर सबैले नदिएको पनि प्रस्ट देखिन्छ । यी सबै परिणाम हेर्दा निर्वाचनमा स्थानीय कार्यकर्ता र मतदाताकै तहमा हुने छलफल र समझदारीले तालमेल गरेको ठाउँमा बाहेक दलहरूले थोपर्ने तालमेल ताल न मेलको बनेर दुवै पक्षलाई उल्लु बनाउने खेल भएको देखिएको छ । आउने दिनमा यस्ता लफडाबाट दलहरूले पाठ सिकून् ।