प्रदेश ६ मा स्थानीय कालोपत्रे सडक १९ किमि मात्र - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

जीवन बस्नेत, काठमाडौँ   |   जेठ ०३, २०७४

प्रदेश नम्बर ६ मा स्थानीय सडक मात्रै होइन, रणनीतिक सडकको अवस्था पनि अत्यन्त कमजोर

संघीय संरचनामा कालोपत्रे भएको स्थानीय सडक सञ्जालमा प्रदेश नम्बर ६ सबैभन्दा पछाडि देखिएको छ । संघीय मामिला तथा स्थानीय विकास मन्त्रालयले सार्वजनिक गरेको पछिल्लो तथ्यांकअनुसार यस प्रदेशमा कुल १९ किलोमिटर स्थानीय सडक मात्र कालोपत्रे भएका छन् । यस प्रदेशमा कुल स्थानीय सडकको लम्बाइ ३ हजार ५ सय ६५ किलोमिटर छ । उक्त प्रदेशको कुल सडकको तुलनामा कालोपत्रे सडकको लम्बाइ शून्य दशमलव ७५ प्रतिशत हो । त्यस्तै, ग्राभेल सडकको लम्बाइ पनि ६ दशमलव १४ प्रतिशत मात्र रहेको छ । धुले सडक भने सबैभन्दा बढी ९२ दशमलव ९१ प्रतिशत रहेको छ ।

प्रदेश ३ सबभन्दा अगाडि

तथ्यांकले प्रदेश ३ मा सबैभन्दा बढी स्थानीय सडक सञ्जाल रहेको देखाएको छ । यस प्रदेशमा कुल १४ हजार ४ सय ७९ किलोमिटर सडक सञ्जाल रहेको छ । त्यसमध्ये ५ सय ७६ किलोमिटर सडक कालोपत्रे रहेको छ । धुले सडक भने ११ हजार ३२८ किलोमिटर रहेको छ । यो देशभरको कुल स्थानीय धुले सडकको २६ दशमलव ४६ प्रतिशत हो ।

प्रदेश २ र ७ मा बराबर कालोपत्रे

प्रदेश २ र ७ मा स्थानीय कालोपत्रे सडक सञ्जाल बराबर देखिएको छ । यी दुवै प्रदेशमा ८२ किलोमिटर सडक कालोपत्रे छन् । ग्राभेल सडकमा भने प्रदेश ७ भन्दा २ अगाडि छ । प्रदेश २ मा ग्राभेल सडकको लम्बाइ २ हजार ७ सय ८० किलोमिटर रहेको छ । जबकि प्रदेश ७ मा ९ सय २ किलोमिटर सडक ग्राभेल छ । यो प्रदेश २ को भन्दा तीन गुणा बढी देखिन्छ । त्यस्तै, समग्रमा स्थानीय सडक सञ्जालमा प्रदेश ४ चौथो स्थानमा रहेको छ । तर, कालोपत्रे सडकमा भने यो दोस्रो स्थानमा रहेको छ । यो प्रदेशमा ५ सय ३१ किलोमिटर सडक कालोपत्रे छ ।

रणनीतिक सडकमा पनि प्रदेश ६ पछाडि

प्रदेश ६ रणनीतिक सडक सञ्जालमा पनि अन्यको तुलनामा पछि छ । यस प्रदेशमा अहिलेसम्म कुल ४ सय ७० दशमलव ४७ किलोमिटर मात्र कालोपत्रे सडक छ । जबकि, यस प्रदेशमा कुल रणनीतिक सडक १ हजार १३२ दशमलव ३ किलोमिटर छ । कुल सडकमध्ये ५६ दशमलव २७ प्रतिशत धुले सडक छ । जुन ६३७ किलोमिटर हो । ग्राभेल सडक पनि जम्मा २४ किलोमिटर मात्र रहेको भौतिक पूर्वाधार तथा यातायात मन्त्रालयले सार्वजनिक गरेको तथ्यांकमा उल्लेख छ ।

त्यस्तै, प्रदेश ३ रणनीतिक सडकमा सबभन्दा अगाडि छ । यस प्रदेशमा २ हजार ३८० किलोमिटर रणनीतिक सडक रहेकोमा १ हजार ५११ किलोमिटर कालोपत्रे छ । त्यस्तै, ३०२ ग्राभेल र ५६५ धुले सडक रहेको छ । कालोपत्रे धेरै हुनेमा प्रदेश ५ दोस्रो स्थानमा रहेको छ । यस प्रदेशमा १ हजार २४१ किलोमिटर सडक कालोपत्रे रहेको छ । त्यस्तै, ३३५ ग्राभेल र ७१० धुले सडक रहेको छ ।

यस्तै, प्रदेश १ कुल २ हजार २४७ सडकमध्ये ९७८ कालोपत्रे, ३७८ ग्राभेल र ८९० धुले सडक रहेको छ । प्रदेश २ मा कुल १ हजार ३५३ सडक रहेको छ । त्यसमध्ये कालोपत्रे ७३० ग्राभेल ४५१ र धुले १७१ रहेको अद्यावधिक सडक तथ्यांकमा उल्लेख छ । प्रदेश ४ मा भने सबैभन्दा बढी धुले सडक रहेको छ । यस प्रदेशमा कुल १ हजार ६६६ किलोमिटर सडकमध्ये धुले सडक १ हजार ५ किलोमिटर रहेको छ । त्यस्तै कालोपत्रे ५८८ र ग्राभेल ७३ किलोमिटर छ । प्रदेश ७ मा भने कुल १ हजार ४०५ किलोमिटर सडकमध्ये कालोपत्रे ८४८, ग्राभेल १६२ र धुले ३९५ रणनीतिक सडक छ ।