लोडसेडिङ अन्त्य र आर्थिक विकास - Naya Patrika
© 2017 Naya Prakasan Pvt. Ltd.

नवनिर्वाचित जनप्रतिनिधिले मानोमानी गर्न थालेको भन्दै रजवाराबासीले वडा कार्यालयमा तालाबन्दी गरेका छन् ।  गौमुखी गाउँपालिका–३ का वडा अध्यक्षले मनोमानी ढंगले कर्मचारी नियुक्त गरेको, संविधानले नागरिकलाई प्रदान गरेको सूचनाको हकको प्रयोगको…
पूरा पढ्नुहोस् »

बलिउड अभिनेत्री दीपिका पादुकोण र रणवीर सिंहको प्रेमकहानीबारे सबैलाई थाहै छ । उनीहरू लामो समयदेखि प्रेममा छन् । तर, यसबारे दुवैजनाले खुलेर भने कहिल्यै बोलेका छैनन् । ‘रिल’ लाइफमा दर्शकले…
पूरा पढ्नुहोस् »

दसैँले हामीहरूको घर–आँगन टेकिसकेको छ । यो वेलामा सहरबाट गाउँ जानेहरूको भिड हुन्छ । गाउँमा आफ्ना आफन्त, पाहुना आएका हुन्छन् । विभिन्न प्रकारका फलफूल, बजारमा पाइने मिठाईहरू लैजाने चलन छ…
पूरा पढ्नुहोस् »

मुलुक संघीयतामा गइसकेको परिस्थितिमा यसको कार्यान्वयनका लागि राजस्व परिचालन अत्यन्तै महत्वपूर्ण हुन्छ । त्यसमा पनि आत्मनिर्भर अर्थतन्त्र निर्माणका लागि आन्तरिक राजस्व परिचालन अझ महत्वपूर्ण हुन्छ । संघीयता कार्यान्वयन गर्दै जाँदा…
पूरा पढ्नुहोस् »

वासिंटन/अमेरिकी बमवर्षक र युद्धक विमान उत्तर कोरियाली सामुद्रिक सीमाको आकाशमा शक्ति प्रदर्शन गरिरहेका छन् । अमेरिकी क्षेत्र गुआम र जापानको ओकिनावाबाट कोरियाली आकाशमाथि ती विमान उडेका हुन् । अमेरिकी राष्ट्रपति…
पूरा पढ्नुहोस् »

आठौँ लिगलिगे दौड २०७४ को उपाधि नेपाल आर्मीका खगेन्द्र रानाभाटले जितेका छन् । चेपेघाटदेखि लिगलिगकोट सम्मको निर्धारित दुरी १ घण्टा दुइ मिनेटमा पार गर्दै डोटी घर भएका रानाभाटले उपाधि जितेका…
पूरा पढ्नुहोस् »

चीन सरकारको केन्द्रीय तथ्यांक निकाय नेसनल ब्युरो अफ स्टाटिस्टिक्सका अनुसार सन् २०१७ को पहिलो पाँचमहिने अवधिमा रोबोट उत्पादन गत वर्ष सोही अवधिको तुलनामा करिब ५० दशमलव ४ प्रतिशतले वृद्धि भएको…
पूरा पढ्नुहोस् »

प्रस्तुतिः अच्युत पुरी एसिया प्यासिफिक ट्राभल एसोसिएसन (पाटा) अन्तर्राष्ट्रियको वार्षिक कार्यक्रमअनुसार यस वर्ष पाटा ट्राभल मार्टको आयोजना गर्ने अवसर मकाउले पायो । एसिया प्यासिफिक क्षेत्रका ६० भन्दा बढी मुलुकका पर्यटनसँग…
पूरा पढ्नुहोस् »

स्थानीय तहको अन्तिम चरणको परिणाम आइरहेकै वेला दलहरू आउने मंसिरमा हुने प्रतिनिधिसभा र प्रदेशसभा सदस्यका लागि उम्मेदवार छनोटको गृहकार्यमा जुटेका छन् । आउने २९ असोजमा समानुपातिकतर्फका दुवै तहका उम्मेदवारको नाम…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

शिव अधिकारी   |   जेठ ०३, २०७४

जुन रुखबाट जति मिठो फल लिन सकिन्छ त्यसैले बढी झटारो खप्नुपर्छ । त्यसैगरी जो समाजको जानकार हो, उसैले बढी कचिंगल व्यहोर्नुपर्छ । हो, विद्वान्हरूको प्रवचन मान्छेले सुनिरहेका हुन्छन् । त्यस्ता महापुरुषलाई भ्याई–नभ्याई धेरै ठाउँमा पुग्नु पनि पर्छ । फेरि राम्रो काम गरेर कसैले केही समाजलाई दियो भने समाज फेरि त्यतिले पुगेन, खोइ अरू भनेर सोधिरहने मात्र होइन, दर्बिलो आश लिएर प्रतीक्षारत हुन्छ । यो सामाजिक चरित्र हो । 

आज यस्तै भएको छ । सधैँ अन्धकार जस्तै भएको देशको अवस्थालाई प्रचण्डको नेतृत्वमा सरकार बनेपछि ऊर्जामन्त्री जनार्दन शर्माबाट कुलमानजस्तो सिपालु र इमानदार पेसाकर्मीको उचित कदर भयो । यसरी राम्रो मान्छेलाई सही ठाउँमा जिम्मेवारी दिँदा जनताले पाउने सुविधाको अब बयान गरिरहनुपर्दैन । उनले जनताका लागि गरेको कामबाट प्रशंसित भइरहेको विषय खासगरी पुराना सत्तासीनलाई मन परेको छैन । किनभने उनीहरू भनिरहेका थिए सन् २०२२ सम्म कुनै हालतमा नेपालमा लोडसेडिङ हटाउन सकिँदैन । कुलमानभन्दा पहिले प्राधिकरणको नेतृत्वमा रहेका मुकेश काफ्लेले त भनिरहेका थिए— माघदेखि जेठसम्म लोडसेडिङमुक्त गराउन सके म यो देशमै बस्दिनँ । अब खोजी गर्नु छ, उनी कहाँ छन् र के पौरख गरिरहेका छन् ?

जनतालाई उज्यालो दिन रातदिन काम गरिरहेका कुलमान घिसिङ दीर्घकालीन समाधान गरेर देशलाई यो संकटबाट मुक्त गर्न अनेकौँ प्रयत्नमा छन् । यसैअनुसार सरकारले विद्युत् कम खपत हुने लिड बल्ब सस्तो मूल्यमा उपलब्ध गराएर जनतालाई बेच्न उनले भारतीय ऊर्जा मन्त्रालयअन्तर्गतको कम्पनीबाट दुई करोड थान एलडी (लाइट इमिटिङ डिओड) बल्ब खरिद गर्न प्राधिकरणलाई अधिकार दिने निर्णय गरेअनुसार उनले सो बल्ब खरिद प्रक्रिया अगाडि बढाएका हुन् । यो निर्णय बाहिर आउनेबित्तिकै लिड बल्बका व्यापारी र एजेन्टले तीन सय रुपैयाँमा बेचिरहेको बल्ब अब एक सय ४० रुपैयाँभन्दा कममा बिक्री गर्नुपर्ने अथवा उनीहरूको व्यापार नै समाप्त हुने भएपछिको बखेडा झिकेर कुलमानलाई भ्रष्टाचारको आरोप लगाइएकोमा शंका छैन ।

अहिले जनताले कुलमानलाई विद्युत् प्राधिकरणको जिम्मेवारी दिने ऊर्जामन्त्री जनार्दन शर्माका साथै प्रचण्ड नेतृत्वको सरकारलाई समग्र रूपमा धन्यवाद दिएका छन् । किनभने, देशले लोडसेडिङ जस्तो बिकराल समस्याबाट मुक्ति पाउन सकेकाले पछिल्ला दिनमा आर्थिक विकासका कार्य सुचारु भएका छन् । गत वर्षको आर्थिक वृद्धिदर ०.७ प्रतिशतबाट अहिले अहिले ७ प्रतिशत पुगेको छ । कुल गार्हस्थ उत्पादन अहिले २५ खर्ब ९९ अर्ब २३ करोड रुपैयाँ पुगेको छ । गत वर्ष यो उत्पादन रकम २२ खर्ब ४७ अर्ब ४२ करोड रुपैयाँ थियो । यसरी एक वर्षको निरन्तर विद्युत् आपूर्ति, कृषि व्यवसायीकरणमा इजरायली प्रविधिलगायतको प्रयोग, पर्यटक आगमनमा भएको वृद्धि, साना व्यवसायीको उत्साहजनक प्रतिस्पर्धाले मुलुकको आर्थिक विकासमा ठूलो परिवर्तन आएको तथ्यांक विभागले जनाएको छ ।

बैंक तथा वित्तीय संस्थानको व्यवस्थापनमा केही सुधार भएर नै हुनुपर्छ गत वर्षको तुलनामा यस वर्ष लगानी १५.२ प्रतिशतले बढेको छ । यसरी एक खर्ब ९३ अर्ब ६७ करोड लगानी पुगेको छ भने गत वर्ष यो एक खर्ब ६८ अर्ब १८ करोड मात्र थियो । यसैगरी वस्तु निर्यातमा पनि यस वर्ष १२.८ प्रतिशतले वृद्धि भएको छ । यसरी आयातमुखी अर्थतन्त्र हुँदाहुँदै पनि ४८ अर्ब २२ करोडको निर्यात हुनु सकारात्मक हो । गत वर्ष यसै अवधिमा निर्यात २४.९ प्रतिशतले घटेको थियो । यसैगरी वस्तु आयातमा ४४.२ प्रतिशतले बढेर ६ खर्ब २८ अर्ब ५६ करोड हुनु सकारात्मक त होइन, तापनि आयातको भरमा आपूर्ति धान्नुपर्ने अर्थतन्त्र भएको मुलुकमा आर्थिक परिचालन प्रक्रिया सहज हु“दा नै रोजगारी र अन्य सुविधा वृद्धि हुँदै जाने भएकाले पनि यसलाई सकारात्मक मान्नुपर्छ ।

यी सबै आर्थिक सुधारमा वर्तमान सरकारको कार्यक्रम नै प्रमुख कारण बनेको छ । गत वर्षको सरकारले उत्तरतिरको धाक देखाउँदै दक्षिणतिर औँला ठड्याउने गरेको कारण जनताले ज्यादै बिकराल नाकाबन्दीको मार खप्नुपरेको थियो । केपी ओलीको चुट्किलामा मजा लिनेहरूले उनलाई राष्ट्रवादी पनि भनिटोपलेकै हुन् । घरघरमा ग्यास पाइपबाटै दिने, तेल प्रशोधन केन्द्र नेपालमै बनाउने, अन्तरिक्ष अध्ययन केन्द्र खोल्ने, पानी जहाज किन्ने जस्ता हावादारी कार्यक्रमको हल्ला पि“mजाउने ओलीले आफूहरूलाई कति सुख दिए, जनताले नै जान्ने विषय हो । प्रचण्ड सरकारमा आउनेबित्तिकै बत्ती बाल्न पाउनु जनताले नसोचेको उपलब्धि बन्न पुगेको हो ।

यो सरकारको सक्रियतासँगै चीनका राष्ट्रपति जी पिङले राखेको वान वेल्ट वान रोडको प्रस्तावमा नेपालले हस्ताक्षर गरेको छ । यस कार्यक्रमअन्तर्गत दक्षिण एसियालाई जोड्ने रेलमार्गको सेतु नेपाल बन्नेछ । अब सिगात्सेसम्म आइपुगेको रेलमार्ग केरुङ हुँदै काठमाडौं, पोखरा र लुम्बिनीसम्म विस्तार हुनेछ । उपप्रधान तथा अर्थमन्त्री कृष्णबहादुर महरा ओबर शिखर सम्मेलनमा भाग लिएर यसको सुनिश्चितता गराइसकेका छन् । यसबाट पनि आर्थिक विकासको नयाँ आयामको थालनीलाई बल दिने काम भइरहेको छ । यसैगरी फास्ट ट्रयाक निर्माण, अहिलेको हिमाल सिमेन्ट रहेको जमिनमा सुक्खा बन्दरगाह निर्माण जस्ता कामबाट नेपालमा अकल्पनीय विकासको सुरुवात भएको र आगामी पाँच वर्षमै प्रतिव्यक्ति आय पाँच हजार डलरसम्म हुन सक्छ भन्ने अर्थविद्हरूको भनाइसमेत आउनु सकारात्मक हो ।

फेरि प्रचण्डको सरकारलाई भ्रष्टाचारी भन्ने हो भने कसैले आरोप नै लगाउन नपाउने गरी लोडसेडिङ गरेर मात्र पनि यसअघि सत्तारुढ दलहरूले जस्तै अर्बौं भ्रष्टाचार गर्न सक्ने ठाउँ थियो । कुलमानले पनि बल्ब किनेर कमाउनुपर्दैनथ्यो । उनले दुई घन्टा मात्र लोडसेडिङ गरिदिएको भए त्यसैबाट मनग्य कमाउन सक्ने थिए । यो उनी आफैँ भनिरहेका पनि छन् । यसरी इमानदारपूर्वक काम गरिरहँदा पनि आरोपित हुनुपर्दा मनमा बिझ्छ नै । त्यसैले दुःख र पीडाको क्षतिपूर्तिका लागि त्यो आरोप लगाउने नै तयार हुनुपर्छ । कुलमान रोए, तर हामी भन्छाँै तिमी बहादुर सिपाही हौ रुनुपर्दैन । इमानदारलाई भ्रष्टाचारी बनाएर कमाउन पल्केकाहरूलाई प्रफुल्लित भएरै जवाफ दिनुपर्छ कुलमानजी, जनता तिम्रा साथमा छन् । निर्धक्क काम गर ।