बार्सिलोनाको जितले रियल दबाबमा - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

एजेन्सी, बार्सिलोना   |   जेठ ०२, २०७४

स्पेनिस ला लिगाको उपाधि भिडन्त रोमाञ्चक बन्दै गएको छ । उपाधि होडमा रहेका बार्सिलोना र रियल म्याड्रिडले लगातार जित निकाल्दै उपाधि जित्ने अभियान बलियो बनाएका छन् । अन्तिम खेल खेल्न बाँकी छँदा बार्सिलोनाले लास पाल्मासलाई ४–१ ले हराएको छ । रियलले पनि बलियो मानिएको सेभिल्लालाई ४–१ ले नै पराजित गरेको छ । लिगमा साबिक विजेता बार्सिलोनाले एक खेल खेल्न बाँकी छ भने रियल म्याड्रिडले दुई खेल खेल्न बाँकी छ ।

सेल्टा भिगोसँगको खेल महत्वपूर्ण
अंकतालिकाको शीर्ष स्थानमा रहेको बार्सिलोनाले ८७ अंक जोडेको छ । दोस्रो स्थानको रियलले पनि ८७ नै अंक बटुलेको छ । यद्यपि, रियलले एक खेल कम खेलेको छ । अन्तिम खेलअघि रियलले सेल्टा भिगोसँग प्रतिस्पर्धा गर्दै छ । सेल्टा भिगोसँग हार अथवा बराबरीमा रोकिएको खण्डमा रियललाई अन्तिम खेलमा जित निकाल्नैपर्ने अवस्था हुन्छ । रियलले सेल्टा भिगोलाई पराजित गरेको अवस्थामा बार्सिलोनाले उपाधि जित्न अन्तिम खेलमा रियलले हार व्यहोर्नुपर्छ । त्यसैले रियललाई सेल्टा भिगोविरुद्धको खेल दबाबपूर्ण हुनेछ भने बार्सिलोनालाई अन्तिम खेल महत्वपूर्ण हुन्छ । २१ मेमा हुने अन्तिम चरणको खेलमा बार्सिलोनाले एइबार तथा रियलले मालगासँग प्रतिस्पर्धा गर्नेछन् ।

जितमा रोनाल्डोको दुई गोल
अंकतालिकाको चौथो स्थानको सेभिल्लालाई पराजित गर्ने क्रममा रियलका स्ट्राइकर क्रिस्टियानो रोनाल्डोले दुई गोल गरे । त्यसअघिको खेलको १०औँ मिनेटमा नाचोले गोल गर्दै रियललाई अग्रता दिलाए । सेभिल्लाका खेलाडीले फल भएको ठानेर खुला छोडेको अवस्थामा नाचोले गोल गरेका थिए । त्यसपछि सेभिल्लाका खेलाडीले विरोध जनाए पनि रेफ्रीले मान्यता दिएनन् ।

२३औँ मिनेटमा रिबाउन्डमा गोल गर्दै रोनाल्डोले रियलको अग्रता दोब्बर पारे । दोस्रो हाफ सुरु भएलगत्तै सेभिल्लाका स्टेभन जोभेटिकले गोल गरेर खेललाई २–१ को अवस्थानमा ल्याए । ७८औँ मिनेटमा रोनाल्डोले लोभलाग्दो फिनिसिङ गरेपछि रियल ३–१ ले अघि बढ्यो । रियलका लागि रोनाल्डोको यो ४०१औँ गोल हो । ८४औँ मिनेटमा प्लेमेकर टोनी क्रुसले अर्काे गोल थपेपछि रियलले ४–१ को जित पक्का गर्यो ।

एट्लेटिको तेस्रो, गिजोन रेलिगेसनमा
ला लिगाअन्तर्गत रियल बेटिससँग १–१ को बराबरीमा रोकिए पनि एट्लेटिको म्याड्रिडले तेस्रो स्थान पक्का गरेको छ । अन्तिम खेलअघि तेस्रो स्थानको एट्लेटिकोले ७५ अंक जोडेको छ । चौथो स्थानको सेभिल्लाले ६९ अंक मात्र बटुलेपछि एट्लेटिकोको तेस्रो स्थान पक्का भएको हो । तेस्रो स्थान पक्का गरेसँगै एट्लेटिको युरोपियन च्याम्पियन्स लिगमा छनोट भएको छ । यता, एइबारसँग १–० ले पराजित भएपछि स्पोर्टिङ गिजोन रेलिगेसनमा परेको छ । गिजोनले अन्तिम खेलअघि ३० अंक जोडेको छ । रेलिगेसन जोनभन्दा एक स्थान माथि रहेको डिर्पार्टिभो ला कुरुनाले भिल्लारियसँग गोलरहित बराबरी खेल्यो । भिल्लारियलसँग अंक खोसेकाले डिपोर्टिभो रेलिगेसनबाट बच्यो । ला लिगामा यसअघि ओसासुना र ग्रानडा रेलिगेसनमा परिसकेका छन् ।

नेमारको  ह्याट्रिक
बार्सिलोनालाई महत्वपूर्ण जित दिलाउने क्रममा ब्राजिलियन फरवार्ड नेमारले ह्याट्रिक गरे । २५औँ मिनेटमा लुइस सुआरेजको पासमा गोल गर्दै नेमारले बार्सिलोनालाई अग्रता दिलाए । सुआरेजले दुई मिनेटपछि गोल गरेर बार्सिलोनाको अग्रता दोब्बर पारेका थिए । पहिलो हाफमा बार्सिलोनाले २–० को अग्रता लिए पनि ६३औँ मिनेटमा लास पाल्मासले गोल फर्कायो । केभिन प्रिन्स बोएटिङको पासमा पेड्रो बिगासले पाल्मासका लागि गोल गरेका थिए । ६७औँ मिनेटमा नेमारले इभान राकिटिकको लामो क्रसमा हेडमार्फत गोल गरेर बार्सिलोनालाई ३–१ को अग्रता दिलाए । ७१औँ मिनेटमा जोर्डी अल्बाले नेमारलाई अर्काे पास मिलाए । पासमा नेमारले गोल गर्दै ह्याट्रिक पूरा गरे ।

जितपछि पछिल्ला चार सिजन लगातार उपाधि जितेको बार्सिलोना फेरि अर्काे उपाधिनजिक पुगेको छ । तर, त्यसका लागि दोस्रो स्थानमा रहेको रियलले बाँकी रहेका दुईमध्ये एक खेलमा हार व्यहोर्नुपर्ने हुन्छ ।