मतगणनाको कन्तबिजोग - Naya Patrika
© 2017 Naya Prakasan Pvt. Ltd.

अस्वस्थ भई अस्पताल भर्ना भएका बुवा पूर्वराजा ज्ञानेन्द्र शाह निवास फर्किने क्रममा उनलाई लिन पूर्वयुवराज पारस नर्भिक इन्टरनेशनल हस्पिटल पुगेका थिए । सार्वजनिक जीवनमा त्यति नदेखिने पारस लामो कपालमा देखा…
पूरा पढ्नुहोस् »

अभिनेत्री सन्नी लियोन आमा बनेकी छिन् । सन्नी र डेनियल वेबरको जीवनमा एक बच्चीको आगमन भएको हो । केही दिनअघि मात्रै सन्नीले आमा बन्ने इच्छा सार्वजनिक गरेकी थिइन् । उनमा…
पूरा पढ्नुहोस् »

पहिला पनि चुँडिएको हात सफलतापूर्वक जोडेको बिर्तामोडस्थित बी एन्ड सी हस्पिटलले छिनेको खुट्टासमेत जोडेको छ । कन्काई नगरपालिकाका ५३ वर्षीय गोपाल विष्टको छिनेको खुट्टा जोडिएको हो । विष्ट गत असार…
पूरा पढ्नुहोस् »

  आधुनिकीकरण र मानिसको क्रयशक्ति बढेसँगै भोजभतेर गर्नेको संख्या पनि बढ्दै गएको छ । कुनै समय सामान्य पूजा गरेर मनाइने जन्मदिन अहिले ठूला भोजभतेरले ओगट्न थालेको छ । व्यावसायिक मात्र…
पूरा पढ्नुहोस् »

भारतीय विदेशमन्त्री सुष्मा स्वराजले देशको रक्षा गर्न भारत हतियारले पूर्ण रूपमा सुसज्जित रहेको बताएकी छिन् । भारत, चीन र भुटानको सीमा डोकलाममा तनाव बढिरहेकै वेला विदेशमन्त्री स्वराजको सो भनाइ आएको…
पूरा पढ्नुहोस् »

चार वर्षको सम्झौता बाँकी रहेकाले ब्राजिलियन स्ट्राइकर नेमार बिक्रीमा नराखेको बार्सिलोनाका अध्यक्ष जोसेपले स्पष्ट पारे पेरिस सेन्ट जर्मन (पिएसजी)को कीर्तिमानी प्रस्ताव नकार्दै बार्सिलोनाले ब्राजिलियन स्ट्राइकर नेमारलाई प्रशिक्षणमा समावेश गरेको छ…
पूरा पढ्नुहोस् »

नियात्राकार दामोदर पुडासैनीको मान्यता गजबको छ । उनी भन्छन्, ‘हजार पुस्तक पढेरभन्दा एउटा यात्रा गरेर, विश्वविद्यालयमा पढेरभन्दा नयाँ ठाउँमा घुमेर नवीन ज्ञान र जीवन दर्शन फेला पार्न सकिन्छ ।’ उनको…
पूरा पढ्नुहोस् »

नेपाल कम्युनिस्ट पार्टी (नेकपा)का संस्थापक महासचिव हुन्, पुष्पलाल श्रेष्ठ । उनको निधन भएको ३९ वर्ष पूरा भइसकेको छ । अन्तर्राष्ट्रिय कम्युनिस्ट घोषणापत्रलाई नेपाली भाषामा अनुवाद गर्दै पार्टी सञ्चालनसम्बन्धी नीति र…
पूरा पढ्नुहोस् »

५५ वर्ष पहिले सीमायुद्ध लडेका हाम्रा दुई छिमेकी देश चीन र भारत फेरि एकपटक आमने–सामने उभिएका छन् । भारत, भुटान र चीनको सीमानजिक चीन र भुटानबीच रहेको विवादित भूमिमा चिनियाँ…
पूरा पढ्नुहोस् »

नयाँ पत्रिकाको न्युजरुममा अहिले सामाजिक अभियन्ता महावीर पुन उपस्थित छन् । उनीसँग उनको अभियान र नेपालमा प्रविधिको विकासका विषयमा अन्तरक्रिया भइरहेको छ । महावीर पुनसँगको अविस्मरणीय अन्तरक्रिया प्रत्यक्ष हेर्नका लागि…
पूरा पढ्नुहोस् »

नयाँ पत्रिका   |   जेठ ०२, २०७४

निर्वाचन आयोगले यसपालि पहिलो चरणको निर्वाचन अपेक्षाकृत शान्त र भव्य तरिकाले सम्पन्न गरायो । अनेक खालका अड्कल र अन्योलबीच छोटो समयमा गरिएको तयारी र निर्वाचनलाई व्यवस्थित गरिएको कुराले आयोग प्रशंसाको पात्रचाहिँ बनेको हो । आयोगका पदाधिकारी, निर्वाचन अधिकृत र मतदान अधिकृतसहित सुरक्षा अंगको सहयोगले नै यो सम्भव बनेको हो । निर्वाचनका लागि अतिआवश्यक पर्ने ऐनसमेत संसद्ले ढिलो दिएको र आयोगले तयारीका लागि मागेको एक सय २० दिनभन्दा कम समय दिइएको भए पनि जेजस्ता साधन स्रोत उपलब्ध छ, त्यसैका आधारमा गरिएको तयारीलाई राम्रो नै मान्नुपर्छ । तर, आयोगको कमजोरी मतगणनाको समयमा आएर भने लथालिंग हुने गरी पोखिएको छ । 

सामान्यतः मतदान सकिएर मतपेटिकाहरू मतगणना केन्द्रमा जम्मा भइसकेपछि तत्काल मतगणना गर्ने प्रचलन हुन्छ । यसअघिका निर्वाचनमा पनि त्यस्तै हुने गरेको हो । यसपालि भने पहिलो त निर्वाचन सकिएर मतपेटिका जम्मा भइसकेपछि तत्काल मतगणना गर्ने तयारी भएको देखिएन । धेरैजसो ठाउँमा त भोलिपल्ट पनि ढिलो गरी मतगणना आरम्भ गरियो । अर्कातर्फ मतगणना कार्य यति ढिलो र सुस्त छ कि गणक, उम्मेदवार र परिणाम जान्न उत्सुक मतदाता निराश र हैरान हुने अवस्था सिर्जना भएको छ । एक दिनमा मुस्किलले दुई हजार मत मात्र गनिएको छ, बढी गनिएको ठाउँमा ।

मतगणना कार्य यति ढिलो र सुस्त छ कि गणक, उम्मेदवार र परिणाम जान्न उत्सुक मतदाता निराश र हैरान हुने अवस्था सिर्जना भएको छ

काठमाडौं महानगरपालिकाको मतगणना यति ढिलो भएको छ कि साधारण जिज्ञासु सय मतको परिणामका आधारमा मतदानको प्रवृत्ति आँकलन गर्न बाध्य भएका छन्, मतगणना आरम्भ भएको घन्टौँपछि पनि । यस्तो देखिन्छ कि यही तालले गन्दै जाँदा धेरै मतदाता भएका महानगरपालिकामा मतगणना सक्न कैयौँ दिन लाग्न सक्छ । यसका लागि निर्वाचन आयोगले जसरी मतपत्रको ढाँचा बनायो र एउटै मतपत्रमा सात मत दिने व्यवस्था गर्यो, त्यो पनि जिम्मेवार छ । यसैगरी, मतगणना गर्ने स्थान साँघुरा र एकपटकमा थोरै ठाउँमा मात्र मत गन्दा पनि यस्तो समस्या आएको देखिन्छ ।

वास्तवमा मतगणना गर्न थोरै मतदाता भएका केन्द्रका लागि कम र बढी मतदाता भएका केन्द्रमा कर्मचारीको संख्या थपेर पनि एकैपटकमा पाँच वा सोभन्दा बढी वडामा मत गन्न सकिने गरी व्यवस्थापन गर्न सम्भव थियो । त्यसो गरेको अवस्थामा एकैपटकमा धेरै मत गनिने र परिणाम आउन पनि फटाफट हुने अवस्था बनाउन सकिन्थ्यो । तर, यस मामिलामा निर्वाचन आयोगले खासै पहिले नै ध्यान दिएको देखिएन । यस्तो लथालिंग अवस्था सिर्जना हुनुमा स्थानीय प्रशासन र निर्वाचन अधिकृतको पनि हात छ । यसैगरी, जिल्ला–जिल्लाका निर्वाचन कार्यालयले पनि यस्तो अवस्था आउन नदिन पहिले नै तयारी अवस्थामा रहनुपथ्र्यो । मतगणनासम्बन्धी व्यवस्थापन तत्काल सहज हुने गरी सुधार गर्नुपर्ने देखिन्छ ।