चुनावलाई शान्तिपूर्ण बनाऊ - Naya Patrika
© 2017 Naya Prakasan Pvt. Ltd.

नवनिर्वाचित जनप्रतिनिधिले मानोमानी गर्न थालेको भन्दै रजवाराबासीले वडा कार्यालयमा तालाबन्दी गरेका छन् ।  गौमुखी गाउँपालिका–३ का वडा अध्यक्षले मनोमानी ढंगले कर्मचारी नियुक्त गरेको, संविधानले नागरिकलाई प्रदान गरेको सूचनाको हकको प्रयोगको…
पूरा पढ्नुहोस् »

बलिउड अभिनेत्री दीपिका पादुकोण र रणवीर सिंहको प्रेमकहानीबारे सबैलाई थाहै छ । उनीहरू लामो समयदेखि प्रेममा छन् । तर, यसबारे दुवैजनाले खुलेर भने कहिल्यै बोलेका छैनन् । ‘रिल’ लाइफमा दर्शकले…
पूरा पढ्नुहोस् »

दसैँले हामीहरूको घर–आँगन टेकिसकेको छ । यो वेलामा सहरबाट गाउँ जानेहरूको भिड हुन्छ । गाउँमा आफ्ना आफन्त, पाहुना आएका हुन्छन् । विभिन्न प्रकारका फलफूल, बजारमा पाइने मिठाईहरू लैजाने चलन छ…
पूरा पढ्नुहोस् »

मुलुक संघीयतामा गइसकेको परिस्थितिमा यसको कार्यान्वयनका लागि राजस्व परिचालन अत्यन्तै महत्वपूर्ण हुन्छ । त्यसमा पनि आत्मनिर्भर अर्थतन्त्र निर्माणका लागि आन्तरिक राजस्व परिचालन अझ महत्वपूर्ण हुन्छ । संघीयता कार्यान्वयन गर्दै जाँदा…
पूरा पढ्नुहोस् »

वासिंटन/अमेरिकी बमवर्षक र युद्धक विमान उत्तर कोरियाली सामुद्रिक सीमाको आकाशमा शक्ति प्रदर्शन गरिरहेका छन् । अमेरिकी क्षेत्र गुआम र जापानको ओकिनावाबाट कोरियाली आकाशमाथि ती विमान उडेका हुन् । अमेरिकी राष्ट्रपति…
पूरा पढ्नुहोस् »

आठौँ लिगलिगे दौड २०७४ को उपाधि नेपाल आर्मीका खगेन्द्र रानाभाटले जितेका छन् । चेपेघाटदेखि लिगलिगकोट सम्मको निर्धारित दुरी १ घण्टा दुइ मिनेटमा पार गर्दै डोटी घर भएका रानाभाटले उपाधि जितेका…
पूरा पढ्नुहोस् »

चीन सरकारको केन्द्रीय तथ्यांक निकाय नेसनल ब्युरो अफ स्टाटिस्टिक्सका अनुसार सन् २०१७ को पहिलो पाँचमहिने अवधिमा रोबोट उत्पादन गत वर्ष सोही अवधिको तुलनामा करिब ५० दशमलव ४ प्रतिशतले वृद्धि भएको…
पूरा पढ्नुहोस् »

प्रस्तुतिः अच्युत पुरी एसिया प्यासिफिक ट्राभल एसोसिएसन (पाटा) अन्तर्राष्ट्रियको वार्षिक कार्यक्रमअनुसार यस वर्ष पाटा ट्राभल मार्टको आयोजना गर्ने अवसर मकाउले पायो । एसिया प्यासिफिक क्षेत्रका ६० भन्दा बढी मुलुकका पर्यटनसँग…
पूरा पढ्नुहोस् »

स्थानीय तहको अन्तिम चरणको परिणाम आइरहेकै वेला दलहरू आउने मंसिरमा हुने प्रतिनिधिसभा र प्रदेशसभा सदस्यका लागि उम्मेदवार छनोटको गृहकार्यमा जुटेका छन् । आउने २९ असोजमा समानुपातिकतर्फका दुवै तहका उम्मेदवारको नाम…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख २९, २०७४

स्थानीय तहको निर्वाचन आउन दुई दिन मात्र बाँकी छ । निर्वाचन प्रचार प्रसार गए रातिदेखि नै बन्द भएको छ । अब मतदाता अन्तिम निर्णयको तयारीमा छन् । निर्वाचन प्रचारको दशदिने धपेडीबाट सुस्ताउँदै उमेदवार र तिनका कार्यकर्ता या राजनीतिक दलहरू आ–आफ्ना समर्थकले निर्धक्क मत दिने वातावरण बनोस् भनेर तयारीमा लागेका छन् । निर्वाचन आयोगले पनि निर्वाचनको अन्तिम तयारी गरिरहेको छ । अहिलेसम्मको स्थिति हेर्दा ३१ वैशाखमा हुने मतदान प्रक्रिया शान्तिपूर्ण हुने आशा गर्न सकिन्छ । अहिलेसम्म घटेका घटना हेर्दा विगतका निर्वाचनभन्दा यसपटकको निर्वाचन शान्तिपूर्ण नै रहेको मान्नुपर्ने हुन्छ । हरेक ठूला दलले यो या त्यो ठाउँमा गठबन्धन गरेकाले पनि यस्तो देखिएको हुन सक्छ । साथै, बिस्तारै नेपालका राजनीतिक दल र मतदातामा लोकतान्त्रिक अभ्यासलाई सहज रूपमा लिने संस्कृतिको विकास भएको पनि हुन सक्छ ।

गुन्डागर्दी र दलका कार्यकर्ताको छिटफुट भिडन्तलाई वेलैमा नियन्त्रण गर्न सकिएन भने निर्वाचनमा निर्भयतासाथ मतदान गर्ने अवस्था खल्बलिन सक्छ

तर, निर्वाचनको एक–दुई दिनअघि प्रतिस्पर्धी दलका कार्यकर्ताबीच भएको झडपले भने निर्वाचन शान्तिपूर्ण बनाउन राजनीतिक दल र सुरक्षा निकायले अझै मिहिनेत गर्नैपर्ने देखाउँछ । यसबीच स्याङ्जा, रुकुम, दोलखा, गोर्खालगायतका जिल्लामा विभिन्न दलका कार्यकर्ताबीच भएका झडपका क्रममा एकजनाको मृत्यु भइसकेको छ भने अरू कैयौँ घाइते भएका छन् । निर्वाचन बिथोल्न कस्सिएर लागेको विप्लव समूहका तर्फबाट घटाइएका छिटफुट घटनाले केही त्रासको वातावरण सिर्जना गर्न खोजे पनि त्यो असफल भएको छ । तर, जब प्रतिस्पर्धी दलका कार्यकर्ता भिड्न थाल्छन्, त्यसले चर्को तनाव सिर्जना गर्छ । एक ठाउँमा हुने उत्तेजनात्मक भिडन्तले देशैभरि एक–आपसमा तनाव सिर्जना गर्ने भएकाले यस्तो झडपले एउटा मनोवैज्ञानिक समस्या सिर्जना गर्छ, जसले निर्वाचनका वेला मतदानस्थलमा समेत समस्या उब्जाउन सक्छ ।

नेपालमा निर्वाचनका वेला छिटफुट हिंसा हुने गरेको पञ्चायतकालदेखि नै हो । खासगरी उम्मेदवारले प्रतिपक्षको मनोबल कमजोर बनाउन तथा प्रचार आतंक र भयका माध्यमबाट आफ्नो वर्चस्व देखाउन युवालाई परिचालन गर्दा यस्तो तनाव सिर्जना हुने गरेको छ । पहिले गुन्डा या ‘डन’हरू परिचालित गरिन्थे । सत्तारुढ दलले गुन्डालाई संरक्षण दिएर परिचालन गर्ने चलनै बसेको थियो । पछि दलका युवा संगठनलाई नै यसमा प्रयोग गर्न थालियो । यसरी परिचालित हुने युवा साना हतियार लिएर सित्तैमा पाएको मोटरसाइकल चढेर र नेताले प्रायोजन गर्ने रक्सी पार्टीमा सामेल भएर मात्तिन्छन् र आक्रमणमा उत्रिन्छन् । दोलखामा भएको हत्याकाण्ड सेलाउन नपाउँदै चरिकोटमा पुगेका युवाको एउटा समूहले आतंक फैलाउने खतरा महसुस गर्दै प्रहरीले नियन्त्रणमा लिएको समाचारले कसरी युवालाई गलत काममा प्रयोग गरिँदै छ भन्ने थाहा हुन्छ । यसलाई वेलैमा नियन्त्रण गर्न सकिएन भने निर्वाचनमा अशान्ति हुन सक्ने र निर्भयतासाथ मतदान गर्ने अवस्था खल्बलिन सक्ने सम्भावना छ । यसका लागि राजनीतिक दल र सुरक्षा निकायले संयुक्त प्रयास गर्न आवश्यक छ ।