स्थानीय निर्वाचनमा कलाकर्मीका योजना - Naya Patrika

नेपाल पत्रकार महासंघको आज सम्पन्न निर्वाचनको मतगणना सुरु भएको छ । उम्मेदवार प्रतिनिधिहरुको रोहवरमा मतपेटिका खोलिएको छ । प्रदेश केन्द्रीय सदस्यहरु र पदाधिकारी तथा सदस्यहरुको मतगणना बेग्लाबेग्लै भइरहेको छ । कूल…
पूरा पढ्नुहोस् »

उहाँ हाँ (उषाकला राई) खोटाङबाट प्रतिनिधित्व गर्नुहुन्छ भने म सिन्धुपाल्चोक । हाम्रो पहिलो भेट ०५४ सालमा भएको थियो । कुनै समय हामीले प्रजातान्त्रिक राष्ट्रिय युवा संघमा सँगै काम गरेका थियौँ…
पूरा पढ्नुहोस् »

सुत्केरी अवस्थामा नवजात शिशुको ध्यान दिनुका साथै आमाले पनि खानपानमा ध्यान पु¥याउनुपर्छ । आमा स्वस्थ भए बच्चा पनि स्वस्थ हुने भएकाले खानपानमा ध्यान दिन जरुरी छ । अरू वेलाको तुलनामा…
पूरा पढ्नुहोस् »

जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्ने आदेश कानुन मन्त्रालयले फर्कायो जलविद्युत् आयोजनाले डिपिआरमा उल्लेख भएबमोजिमको जग्गामा हदबन्दी नलाग्नेसम्बन्धी आदेश कानुन मन्त्रालयले फर्काइदिएपछि जलविद्युत् प्रवद्र्धकहरूलाई समस्या परेको छ ।…
पूरा पढ्नुहोस् »

दक्षिण एसियाली मुलुकमा वर्षापछिको बाढी–पहिरोका कारण डेढ करोडभन्दा बढी मानिस प्रभावित भएका छन् । अगस्टमा आएको बाढीले दक्षिण एसियाका नेपाल, बंगलादेश र भारतका एक करोड ६० लाख मानिस प्रभावित भएका…
पूरा पढ्नुहोस् »

सुनसरीकाे झुम्कामा जारी प्रथम रामधुनी विद्यालय स्तरीय फुटबल प्रतियोगिताअन्तर्गत सोमबार भएका खेलमा विजयी हुँदै लर्डबुद्ध बोर्डिङ स्कुल, झुम्का र पञ्चायत मावि, प्रिपाहा सेमिफाइनलमा प्रवेश गरेका छन् । पिप्राहा खेल मैदानमा…
पूरा पढ्नुहोस् »

प्रिय बाबुराम दाइ, अस्ति भर्खर तपाईं स्वास्थ्योपचार गरी अहिले निवासमै आराम गर्दै हुनुहुन्छ भन्ने सुनेको छु । तपाईंको शीघ्र पूर्ण स्वास्थ्यलाभको कामना ! पछिल्लोपल्ट तपाईंको पार्टी परिवारमा केही खटपट चलिरहेको…
पूरा पढ्नुहोस् »

राम तामाङ राजधानीको व्यस्त र भिडमभिड क्षेत्र असन, इन्द्रचोक, ज्याठा र भोटाहिटीवरपर ठेला चलाउँछन् । उनका दिनहरू ठेलामा सामान ओसारेरै बित्छन् । परिवार पाल्ने र आफ्नो पढाइ खर्च थेग्ने उनको…
पूरा पढ्नुहोस् »

नयाँ नेतृत्व चयन गर्ने कार्यसूचीसहित नेपाल पत्रकार महांसघको अधिवेशन हिजोदेखि काठमाडौंमा सुरु भएको छ । झन्डैझन्डै नेपालको प्रजातन्त्रको जस्तै आयु भएको र सुदृढ र शक्तिशाली बन्दै गएको पत्रकारिता जगत्को नेतृत्व…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख २७, २०७४

पहिलो चरणको स्थानीय निर्वाचनको मिति नजिकिँदै छ । प्रचारप्रसारमा राजनीतिक क्रियाकलाप बाक्लिएका छन् । केही सेलेब्रिटी पार्टीका तर्फबाट उम्मेदवार नै बनेका छन् भने कतिपय सेलेब्रिटी आफूअनुकूल पार्टीका झन्डा बोकेर भोट माग्न व्यस्त देखिन्छन् । तर, धेरै सेलेब्रिटी छन्, जो पार्टीका कार्यकर्ता नभएर सचेत नागरिकको हैसियतमा भोट खसाल्न आतुर छन् । नयाँ पत्रिकाका रामजी ज्ञवालीले केही सेलेब्रिटीसँग स्थानीय निर्वाचनमा कस्तो योजना छ भनेर प्रश्न गरेका छन् । उनीहरूले जवाफ दिएका छन् :

दीपकराज गिरी
निर्माता/कलाकार
अहिले चलचित्रको छायांकनमा व्यस्त छु । स्थानीय निकायको निर्वाचनले ठिकै–ठिकै छोएको छ भन्नुप¥यो । मैले विगतका निर्वाचनमा जहिल्यै एउटा पार्टीगत धारमा भोट हाल्दै आएकै हुँ अर्थात् एकछापे । अब भने मेरो सोच बदलिएको छ । यो निर्वाचनमा पुरानो ‘ट्रेन्ड’ बदलेर भोट हाल्दै छु । किनभने, मजस्ता एकछापे भोटरका कारण नेताहरू बेइमान भए भन्ने मेरो मूल्यांकन हो । जे गरे पनि भोट हालिहाल्छन् भनेर आधार पाएपछि नेता र पार्टी बिग्रिँदा रहेछन् । यसपालि म पार्टी हेरेर होइन, व्यक्ति हेरेर भोट हाल्ने योजनामा छु । राम्रा उम्मेदवार जुनकुनै पार्टी या स्वतन्त्र पनि पर्न सक्छन् । चन्द्रागिरी नगरपालिकाको भोटर लिस्टमा मेरो नाम छ । यसपटक म जसलाई भोट दिन्छु, उसले म र समाजलाई धोका नदेओस् भन्ने नै मुख्य चाहना हुनेछ ।

पूजा शर्मा
अभिनेत्री
‘म यस्तो गीत गाउँछु’ फिल्मको तयारीमै व्यस्त छु । तर, पनि सचेत नागरिकका नाताले स्थानीय निर्वाचनमा उम्मेदवार रोजेर भोट त हाल्नैपर्छ । आफ्ना प्रतिनिधि छान्न जीवनमै पहिलोपटक आएको अवसर पनि हो । मेरो नाम ललितपुर महानगरपालिकामा छ । भोट कसलाई हाल्छु त भन्दिनँ, गोपनीयताको कुरा पनि हो नि ! तर, हाम्रोभन्दा राम्रो मान्छेलाई जिताउने नै मेरो उद्देश्य छ ।

सन्तोष सेन
निर्माता
दुई दशकपछि स्थानीय निकायको निर्वाचन हुन लाग्नु सबै नेपालीका लागिझैँ मेरा लागि पनि खुसीको कुरा हो । मेरो भोटर लिस्टिङ स्याङ्जामा छ । निर्वाचनमा स्याङ्जा गएर भोट हाल्ने योजना छ । उम्मेदवार छान्दा काम गर्ने क्षमता छ÷छैन भन्ने नै पहिलो नम्बरमा सोच्नेछु । काम गर्न रहर गर्ने उम्मेदवार जिताउन नै स्याङ्जा जान लागेको हुँ ।

दिनेश राउत
निर्देशक
अहिलेसम्म कुनै पनि निर्वाचनमा भोट खसालेको छैन । नेतालाई भोट हालेर जिताउनुपर्छ भन्ने इच्छा ममा कहिल्यै जागेन । यसपालि पनि भोट हाल्ने कुनै योजना छैन । आखिर भोट किन हाल्ने ? राजनीति गर्नेहरूले जनताका लागि केही राम्रो काम गरेर देखाएको भए पो उनीहरूप्रति आकर्षण बढ्छ । मेरो त रुचि भनेकै फिल्म हो । जेठ १२ देखि रिलिज हुन लागेको ‘पर्व’को तयारीमै व्यस्त हुन्छु ।

सञ्चिता लुइँटेल
अभिनेत्री
म त स्थानीय निकायको निर्वाचनमा भोट हाल्न आतुर छु । निर्वाचन हुनु भनेको त सकारात्मक कुरा हो नि ! लामो समयपछि स्थानीय निकायको निर्वाचन हुँदै छ, अवसर पनि आएको हो नि ! बानेश्वर बत्तीसपुतलीको भोटर लिस्टमा नाम छ, यहीँबाट सहभागी हुने हो । भोटका लागि पार्टी–सार्टी हेरिँदैन, राम्रो व्यक्तिलाई दिने हो । केही गर्न सक्ने आँट भएको उम्मेदवार नै मेरो रोजाइमा पर्छन् । कसलाई भोट दिने भनेर म त निश्चित भइसकेको छु । र, जसलाई भोट दिन्छु, उसले जित्छ भन्नेमा पनि ढुक्क छु ।

हेमराज विसी
निर्देशक
निर्वाचनमा भोट त हाल्नैपर्छ । भोट हाल्न म त सुर्खेत पुग्नुपर्छ । निर्वाचनको एक–दुई दिनअघि काठमाडौंबाट सुर्खेत जानेछु । कसलाई भोट हाल्ने भनेर त भन्न सक्दिनँ, तर त्यो क्षेत्रमा जसले राम्रो काम गर्दै आएको छ, उही उम्मेदवारलाई जिताउन भोट खर्च गर्नेछु । पार्टीभन्दा पनि उम्मेदवार छानेर भोट दिनेछु ।

प्रदीप खड्का
अभिनेता
स्थानीय निर्वाचनमा भोट हाल्ने योजना अहिलेसम्म बनाएको छैन । सायद, भोट हाल्दिनँ होला । मलाई लाग्छ, अहिलेसम्म नेपाली जनताले भोटिङ गरेर पाप गरिरहेका छन् । यो पापको भागिदार म हुन चाहन्नँ । जनताले हाम्रा बाबुबाजेका पालादेखि अहिलेसम्म भोट हालिरहेका छन्, तर नेताले चाहिँ देश र जनताका लागि के गरे त ? जनताले सधैँ भोट दिएर माथि पुर्याउने अनि उनीहरू भ्रष्टाचार गरेर भुँडी भर्ने ? यदि, उम्मेदवारलाई भोट हाल्नुपर्ने कुनै स्पष्ट आधार देखाउन कसैले सक्छ भने म भोट हाल्न तयार छु ।

मञ्जु पौडेल
गायिका
स्थानीय निकायको निर्वाचन तातिरहेको छ, टेलिभिजन र सामाजिक सञ्जालमा देखिरहेको छु । तर, आफूलाई आफ्नै कामको व्यस्तता छ । दिनभर रेकर्डिङ स्टुडियोमै व्यस्त भइन्छ । व्यक्तिगत रूपमा मलाई खासै चुनाव लागेको छैन । भोट हाल्ने हो भने म गुल्मी पुग्नुपर्छ । तर, भोल्ट हाल्ने÷नहाल्ने भन्ने नै निश्चित छैन । यो बीचमा विदेश हुन सक्ने सम्भावना पनि छ । नेपालमै भएँ भनेचाहिँ भोट हाल्न जाने सम्भावना छ । तर, कसलाई भोट दिने भन्ने निर्णय भने गरिसकेको छैन ।

सन्ध्या केसी
अभिनेत्री
स्थानीय निकायको निर्वाचन महत्वपूर्ण हो भन्ने मेरो बुझाइ छ । निर्वाचनमा हामी जस्ता उम्मेदवारलाई जिताउँछौँ, गाउँ, समाज र टोलको विकास उस्तै गतिमा अगाडि बढ्छ । यसकारण म भोट हाल्ने योजनामा छु । काठमाडौं महानगरपालिका–३५ कोटेश्वरमा मेरो नामावली छ । पार्टी र झन्डा हेरेर होइन, उम्मेदवार हेरेर भोट हाल्छु । यस्तो व्यक्तिले जितोस्, जसले केही गर्ने आँट राखोस् ।

जितु नेपाल
हास्यकलाकार
निर्वाचन हुने कुराले खुसी लागेको छ । तर, मलाई भने निर्वाचन लागिसकेको छैन । श्रमजीवीलाई अहिल्यैदेखि निर्वाचन लागे त सबै काम खत्तम भइहाल्छ नि ! काठमाडौं–३२ जडीबुटीबाट भोट दिँदै छु । अहिलेसम्म कसलाई दिने भन्ने निर्णय भइसकेको छैन । हामी नेपाली जहिल्यै भोट दिन्छौँ, तर पछि केही गरेन भन्दै उही उम्मेदवारलाई गाली गर्छौं । त्यसकारण म त ३० गते रातिसम्म सोच्छु अनि ३१ गते भोट दिन्छु ।

आकांक्षा बस्याल
गायिका
निर्वाचनमा भोट खसाल्न पाल्पा पुग्नुपर्छ । तर, जान्छु/जान्नँ निश्चित छैन । नजिकिँदै गरेको परीक्षाका कारण मैले पाल्पाको यात्रा निश्चित गर्न सकेको छैन । त्यसो त हाम्रोमा दोस्रो चरणमा निर्वाचन हुने हो । एक मनले सोच्दा खासमा मलाई भोट हाल्न खासै उत्साह छैन । अर्को मनले सोच्दा धेरैपछि आएको अवसर नछाडौँ कि भन्ने पनि लाग्छ । यदि पाल्पा गएँ भने भोट खेर नजाने गरी उम्मेदवार रोज्नेछु ।

पूजना प्रधान
अभिनेत्री
भोट दिने कि नदिने अन्योलमै छु । एउटा मनले भोट दिनुपर्छजस्तो पनि लाग्छ, अर्को मनले नदिऊँ कि भन्ने पनि हुन्छ । भोट हाल्नका लागि लमजुङ पुग्नुपर्छ । गाउँका सबैले भोट त दिनुपर्छ भन्छन् । सबैको सुझाबका कारण पनि लमजुङ गएर भोट हाल्नुपर्छ कि भन्ने मन बलियो हुँदै छ । खासमा पार्टी र नेताले हाम्रो भोटको सदुपयोग नगर्ने भएकाले मन परेको हो । आजसम्मको अवस्थाले यस्तै देखाउँछ नि ! यदि यसपटक भोट दिए“ भने त सयपटक सोचेर सही व्यक्ति नै रोज्नेछु ।

कृष्ण काफ्ले
गायक
विगतका कुनै पनि निर्वाचनमा भोट हालेको अनुभव छैन । नेपालको राजनीतिक गति नै सही लाग्दैन । त्यसैले पनि भोटप्रति खासै रुचि छैन । नेताहरूले राम्रो काम गरेर देखाएको भए न भोट हालौँ भन्ने लाग्थ्यो होला । म त नेताहरू नसुध्रिएसम्म भोट नै नहाल्ने निर्णयमा पुगेको छु।

सुर्दशन थापा
निर्देशक
चुनावी माहोलले छोएको छैन, कामको व्यस्तताका कारण । तर, भोटचाहिँ हाल्नुपर्छ भन्ने सोच छ । तर, कसलाई भोट दिने भन्ने यकिनचाहिँ भएको छैन । काठमाडौंको शंखरापुर नगरपालिकाबाट भोट हाल्नुपर्छ । केही दिनमै घरसल्लाह गरेर भोट कसलाई दिने भन्नेमा निर्णय लिइनेछ । स्थानीय निकायमा भोट हाल्ने पहिलो अवसर भएकाले पनि छुटाउँदिनँ ।

नवीन पौडेल
गायक
स्थानीय निकायको निर्वाचनमा भोट हाल्न पाउनुलाई मैले अवसरका रूपमा लिएको छु । तर, कामको व्यस्तताका कारण गाउँ गएर भोट हाल्न समय मिल्छ/मिल्दैन अझै निश्चित भइसकेको छैन । निर्वाचनमा सही मान्छेलाई भोट दिनुपर्छ भन्ने मेरो धारणा हो । आमनेपालीले यही धारणा राखे राजनीतिक गति पनि सही हुन सक्थ्यो ।