सेबोनको निर्देशनविपरीत सफ्टवेयर किन्दै नेप्से - Naya Patrika
© 2017 Naya Prakasan Pvt. Ltd.

भारतसँगको सन्धि–सम्झौता पुनरावलोकन गर्न प्रधानमन्त्रीलाई सुझाब – प्रधानमन्त्री शेरबहादुर देउवाको आसन्न भारत भ्रमणमा राष्ट्रहितविपरीत सन्धि–सम्झौता हुनसक्ने भन्दै सांसदहरूले खबरदारी गरेका छन् । संसद्को उद्योग वाणिज्य तथा उपभोक्ता हित संरक्षण समितिले…
पूरा पढ्नुहोस् »

संविधान संशोधन र आसन्न निर्वाचनका विषयमा प्रधानमन्त्री शेरबहादुर देउवाको आह्वानमा पटकपटक वार्ता र छलफल भयो । पहिला कांग्रेस, एमाले र माओवादीबीच लामो छलफल भयो भने तत्पश्चात प्रमूख दलका नेताहरुसहित राजपा…
पूरा पढ्नुहोस् »

अभिनेत्री सन्नी लियोनका फ्यान भारतमा निकै छन् । अभिनेत्रीका साथै आइटम गर्लका रूपमा पनि पहिचान बनाएकी सन्नी जहाँ जान्छिन्, त्यहाँ उनलाई हेर्न दर्शकहरूको भिड लाग्ने गर्छ । सन्नी हालै एउटा…
पूरा पढ्नुहोस् »

सरकारले प्राथमिक स्वास्थ्य केन्द्रका लागि आवश्यक पर्ने उपकरण वितरण सुरु गरेको छ । देशभर रहेका १५ वेड क्षमताका १ सय २० प्राथमिक स्वास्थ्य केन्द्रमा चिकित्सकलाई उपचारमा आवश्यक पर्ने उपकरण वितरण…
पूरा पढ्नुहोस् »

  लस याम्र्बसमा भ्यानले सर्वसाधारणलाई आक्रमण गर्न थालेपछि मानिस नजिकैका क्याफे तथा पसलभित्र लुकेर ज्यान जोगाएका थिए । नायिका लैला रौउअसले आक्रमणबाट बच्न एउटा रेस्टुरेन्टको फ्रिजभित्र लुक्नुपरेको बताएकी छिन् ।…
पूरा पढ्नुहोस् »

टेस्ट करिअरको चौथो दोहोरो शतक पूरा गर्न इंग्लिस ब्याट्सम्यान  एलेस्टर कुकले ३ सय ३९ बलको सामना गरे  ओपनर एलेस्टर कुकले चौथोपटक टेस्टमा दोहोरो शतक प्रहार गरेपछि शुक्रबार इंग्ल्यान्डले वेस्ट इन्डिजविरुद्धको…
पूरा पढ्नुहोस् »

पृष्ठभूमि बुद्धशासनको विस्तारका लागि जम्बुुद्वीपभित्रका विभिन्न राजाले बुद्धलाई यथेष्ट सघाएका थिए । बुद्ध परिनिर्वाणको तीन सय वर्ष बितिसक्दासम्म पनि उनको शासनलाई सघाउने राजा प्रशस्त मात्रामा देख्नमा आएका थिए । यसबीच…
पूरा पढ्नुहोस् »

मनीषा कोइराला अर्थात् विरोधाभाषपूर्ण जीवनकी पात्र । कोइराला परिवार नेपालको राजनीतिक खानदान हो, तर त्यही खानदानकी छोरी मनीषाले आफ्नो जीवन राजनीतिमा होइन, फिल्ममा उतारिन् । सामन्यतया चेलीहरूलाई सानो हुँदा माइतीमा…
पूरा पढ्नुहोस् »

यसपालि नेपालको तराईका कैलालीदेखि झापासम्मका जिल्ला एकैपटक बाढी र डुबानको चपेटामा परे । यस्तो कमै हुन्थ्यो । पूर्वी नेपालमा पानी पर्दा पश्चिमतिर पर्दैनथ्यो । मध्य भागमा बाढी आउँदा पूर्व र…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

विनय बञ्जारा, काठमाडौं   |   बैशाख ०८, २०७४

नियामक निकाय नेपाल धितोपत्र बोर्डको निर्देशनविपरीत नेपाल स्टक एक्सचेन्ज (नेप्से) ले सफ्टवेयर खरिद प्रक्रियालाई अघि बढाएको छ । नेप्सेले स्वदेशी सफ्टवेयर निर्माता योमरी कम्पनी (वाइको) सँग अनलाइन ट्रेडिङ सिस्टम (स्वचालित कारोबार प्रणाली) खरिदको प्रक्रिया अघि बढाएको हो । यसबारे वाइकोले नेप्सेलाई डेमो (खाका) समेत प्रस्तुत गरिसकेको छ । धितोपत्र बोर्डले अन्तर्राष्ट्रिय रूपमा प्रतिस्पर्धी र पहिले नै परीक्षण भइसकेको प्रणाली भित्राउन निर्देशन दिए पनि नेप्सेले त्यसविपरीत स्वदेशी कम्पनीसँग सफ्टवेयर खरिद प्रक्रिया अघि बढाएको हो ।

प्रणालीको खाका प्रस्तुत
स्वचालित अनलाइन कारोबार प्रणाली निर्माण गरिरहेको वाइकोले बुधबार प्रस्तावित प्रणालीको खाका प्रस्तुत गरेको नेप्सेले वक्तव्यमार्फत जानकारी दिएको छ । बुधबार आयोजित एक कार्यक्रममा वाइकोका तर्फबाट प्रणाली विकास व्यवस्थापक प्रदीप पद्मपाणीसहितको प्राविधिक टोलीले प्रस्तावित कारोबार प्रणालीबारेको खाका (डेमोन्स्ट्रेसन) प्रस्तुति दिएको नेप्सेद्वारा जारी वक्तव्यमा उल्लेख छ । ‘वाइकोको प्राविधिक टोलीले कारोबार प्रणालीका विविध पक्षबारे नेप्सेका पदाधिकारी, उच्च व्यवस्थापन तथा कर्मचारीसमक्ष प्रस्तुति गरेको हो,’ वक्तव्यमा भनिएको छ । उक्त प्राविधिक टोलीले नेप्सेमा हुने अनलाइन कारोबार, राफसाफ तथा फछ्र्योट, सुपरिवेक्षण तथा अनुगमन, जोखिम व्यवस्थापनलगायत प्रस्तावित प्रणालीमा रहेका विशेषताको प्रस्तुति दिएको थियो । स्वचालित अनलाइन कारोबार प्रणाली निर्माण, स्थापना तथा सञ्चालनका विभिन्न चरणमा गरिने कार्य हार्डवयर तथा सफ्टवेयरका बारेमा पनि टोलीले नेप्सेलाई जानकारी गराएको वक्तव्यमा भनिएको छ ।

जनवरीसम्म जडान हुने
नेप्से र वाइकोबीच गत फागुन अन्तिममा भएको सम्झौताअनुसार १४ महिनाभित्र सफ्टवेयर जडान गरिसक्ने उल्लेख थियो । नेप्से स्रोतका अनुसार वाइको कम्पनी आफैँले सफ्टवेयर बनाउनेभन्दा अरू निर्मातासँग खरिद गर्ने सम्भावना देखिएको छ । ‘तर, उनीहरूले सिस्टम कोड नै दिन्छु भनेका छन्,’ स्रोतले भन्यो, ‘विदेशी ठूला निर्माताले यस्तो कोड दिँदैनन् ।’ उक्त प्रणाली खरिद गर्नका नेप्से र वाइकोबीच करिब १९ करोड रुपैयाँको सम्झौता भएको छ ।

नेप्से र बोर्डको द्वन्द्वमा अदालतको फैसला
नेप्सेले स्वदेशी कम्पनीबीच प्रतिस्पर्धा गराएर कारोबार प्रणाली खरिद गर्न लागेपछि धितोपत्र बोर्डले अन्तर्राष्ट्रिय रूपमा स्वीकार्य, प्रतिस्पर्धी र परीक्षण भइसकेको प्रणाली खरिद गर्न निर्देशन दिएको थियो । त्यसपछि नेप्से सफ्टवेयर खरिद प्रक्रिया रोकेर बस्यो । निर्णय नभएपछि छनोटमा परेको वाइको कम्पनीले ललितपुर जिल्ला अदालतमा नेप्से र सेबोनलाई विपक्षी बनाएर मुद्दा दायर गर्यो । अदालतले वाइकोको विपक्षमा फैसला गर्यो । त्यसपछि कम्पनीले तत्कालीन पुनरावेदन (हालको उच्च) अदालत पाटनमा पुनरावेदन दियो । पुनरावेदन अदालतले जिल्ला अदालतको फैसलालाई बदर गर्दै वाइकोसँग सम्झौता अघि बढाउन नेप्सेलाई आदेश दियो । अदालतको फैसलापछि नेप्सेले वाइकोसँग सम्झौता गरेर सफ्टवेयर खरिद प्रक्रिया अघि बढाएको थियो ।

यस्तो छ सेबोनको भनाइ
संसारभरका संस्थागत लगानीकर्ता भित्राउन प्रयास गरिरहेको सन्दर्भमा नेपाली सेयर बजारप्रति विश्वास जगाउन विश्वव्यापी परीक्षण भएको प्रणाली लागू गर्न नेप्सेलाई आग्रह गरेको, तर उसले अटेर गरेको सेबोनका एक उच्च अधिकारीले बताए । नेप्सेका अधिकारीहरू भने बोर्डको निर्देशनअनुसारको प्रणाली ल्याउँदा अनावश्यक ठूलो वित्तीय भार व्यहोर्नुपर्ने बताउँछन् । ‘क्रसबोर्डर लिस्टिङ (सीमापार अर्थात् धेरै राष्ट्रमा सूचीकरण) भएको प्रणाली ल्याउन बोर्डले भनेको छ,’ नेप्सेका ती अधिकारीले भने, ‘त्यसका लागि ७० देखि ८० करोड रुपैयाँ खर्च गर्नुपर्छ ।’