एकीकृत हुँदै, शक्ति आर्जन गर्दै - Naya Patrika
© 2017 Naya Prakasan Pvt. Ltd.

तिहार, बत्तीको चाड । उज्यालोको चाड । सँगसँगै मिठो–मसिनो खानपिन गरिने चाड । साथीभाइसँग रमाइलो गर्ने र बिहानदेखि साँझसम्म तास खेलेर दिन बिताउने चाड । गाउँघरवरपर देउसी–भैलो खेलेर मनाइने चाड…
पूरा पढ्नुहोस् »

चीनका राष्ट्रपति सी जिनपिङले चीन समाजवादसहितको नयाँ युगमा प्रवेश गरेको बताएका छन् । चीनको सत्तारुढ कम्युनिस्ट पार्टीको महाधिवेशनलाई राजधानी बेइजिङको ग्रेट हल अफ दि पिपुलमा बुधबार सम्बोधन गर्दै उनले सो…
पूरा पढ्नुहोस् »

डिफेन्डर राफेयल भरानले आत्मघाती गोल गरेपछि मंगलबार साविक विजेता रियल म्याड्रिड युरोपियन च्याम्पियन्स लिग फुटबल प्रतियोगितामा टोटनह्यामसँग १–१ को बराबरीमा रोकिएको छ । समूह एचको तेस्रो खेल बराबरीमा रोकेपछि रियललाई…
पूरा पढ्नुहोस् »

प्रधानमन्त्रीज्यूले प्रचण्डजीलाई सरकार छाड्न आग्रह गरेपछि माओवादी केन्द्रका मन्त्रीले ‘क्याबिनेट’ छाड्ने निर्णय गरे । त्यसअनुसार उनीहरूले राजीनामाको वक्तव्य पनि तयार गरे । तर, त्यहीबीच अचानक माओवादीका मन्त्रीले प्रधानमन्त्रीले निर्वाचन सार्ने…
पूरा पढ्नुहोस् »

रामेश श्रेष्ठ, गायक तथा रचनाकार पञ्चायती सामन्ती सत्ताबाट हाम्रो भलाइ नहुने भएपछि यसलाई भत्काउन यो गीत रायन र मैले गायौँ । यसले युग परिवर्तनका लागि ठूलो भूमिका खेल्यो । एउटा…
पूरा पढ्नुहोस् »

रानीपोखरीको निर्माणमा लापरबाही गर्नु हाम्रो पहिचान मेटाउने षड्यन्त्र हो । यस्ता पुरातात्विक संरचनाले हाम्रो पहिचान बोकेका हुन्छन् । तिनको संरक्षण गरौँ । कुनै देशको पहिचान केले खुल्छ ? यसका अनेक…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख ०८, २०७४

मधेसकेन्द्रित संगठन भएका ६ वटा राजनीतिक दल मिलेर बिहीबार नयाँ पार्टी घोषणा गरेका छन् । महन्थ ठाकुर नेतृत्वको तराई मधेस लोकतान्त्रिक पार्टीसहित राजेन्द्र महतो, महेन्द्र राय यादव, शरत्सिंह भण्डारी, राजकिशोर यादव, अनील झाले नेतृत्व गरेका दलबीच एकीकरणको घोषणा भएको हो । यो एकतासँगै अहिलेको संसदीय गणितमा सबैभन्दा ठूलो मधेसी दल पनि नयाँ दल राष्ट्रिय जनता पार्टी बन्न पुगेको छ । यसको अर्को महत्वपूर्ण पक्ष भनेको पार्टीको नाम नै हो, जसले नयाँ पार्टीलाई मधेसकेन्द्रित दलबाट राष्ट्रिय दलमा रूपान्तरित गरेको छ । हालै राजनीतिक दल सम्बन्धमा संसद्ले पारित गरेको ऐनले राष्ट्रिय दल बन्नका लागि प्रत्यक्षतर्फको एक सिट या तीन प्रतिशत मत अनिवार्य ल्याउनुपर्ने बनाएको सन्दर्भमा पनि यो एकताको विशेष महत्व छ । त्यसभन्दा बढी त राजनीतिक दल र नेतृत्वप्रतिको विश्वास बढाउन पनि यस्तो एकताको जरुरी छ । यस मानेमा मधेसकेन्द्रित दलहरूको एकता स्वागतयोग्य छ । सकारात्मक छ ।

यता केही महिनामा राष्ट्रिय प्रजातन्त्र पार्टीबीच एकता भयो । विजय गच्छदार नेतृत्वको दल र अरू साना दलबीच पनि एकताको प्रक्रिया अघि बढिरहेको छ । हिजो मात्र गच्छदारको दल र गोपाल दहितसमेतको दलबीच एकता भएको छ । नयाँ शक्ति पार्टीमा पनि केही दल मिसिएका छन् । उता संघीय समाजवादी फोरम पनि एकताका लागि प्रयासरत छ । नयाँ शक्ति र संघीय फोरमबीच एकताको प्रयास भइरहेको बताइएको छ । यसरी लामो समयदेखि विभाजनप्रधान रहेका दलहरूको अवस्था अब एकाएक एकताप्रधान देखिन थालेको छ । आसन्न स्थानीय तहसहित संघीय प्रदेश र केन्द्रीय संसद्को निर्वाचन हुन गइरहेको सन्दर्भमा यसप्रकारको एकताले मतदाताको सम्पूर्ण पंक्तिमा पनि सकारात्मक प्रभाव पर्ने निश्चित छ । सँगै यो एकताले आन्दोलनको धम्की दिइरहेका मधेसवादी दलहरू निर्वाचनमा आउन सक्नेतर्फ पनि संकेत गर्छ ।

नेपालमा सबैजसो राजनीतिक दल धेरैपटक विभाजित हुने गरेको इतिहास छ । विभाजन हुनेमा कम्युनिस्ट पार्टीहरू र मधेसवादी दलहरू सबैभन्दा बदनाम छन् । तर, यिनीहरूबीच एकताको प्रयास पनि हुने गरेको छ । मधेसलाई प्रतिनिधित्व गर्ने गरी बनेको पछिल्लो समयको पहिलो दल नेपाल सद्भावना पार्टी नै ०४७ देखि ०६२ सम्म मधेसको प्रतिनिधित्व गर्ने एक मात्र दल थियो । घरिघरी विभाजन भए पनि यसको नाम सद्भावना नै रहन्थ्यो । ०६३ को आन्दोलनपछि बढेको मधेसको राजनीतिक शक्तिलाई प्रयोग गर्न मधेसी जनअधिकार फोरमसहित अनेक दल बने । पहिलो संविधानसभा निर्वाचनमा उल्लेख्य स्थान हासिल गरेका मधेसी दलहरू सत्तामा पुगेपछि भने आन्तरिक र बाह्य धेरै कारणले वेलावेला विभाजित भए । एकजनासम्म सांसद भए पनि विभाजित हुने यी दलको चरित्रले जनतामा परेको नकारात्मक प्रभाव त संविधानसभाको दोस्रो निर्वाचनमा यिनले पाएको मतले नै व्यक्त गर्यो । यसरी जनताबाट दण्डित भइसकेपछि लामो समय नचेतेका दलहरू अहिले निर्वाचनको मुखमा आएपछि एकताबद्ध भएर तीनले आफ्ना प्रतिस्पर्धीलाई झस्काएका मात्र छैनन्, आफ्ना मतदातालाई उत्साहित पनि गरेका छन् । अब एकतासँगै यी दल आन्दोलन र निर्वाचनमा सहभागितालाई सँगै लैजाने राजनीतिक दाउपेचमा लागे भने यिनले शक्ति आर्जन गर्ने निश्चित छ । हाम्रो लोकतन्त्रका लागि यो एकता अवश्य पनि सकारात्मक सन्देश हो ।