सेलेब्रिटीसँग कुकुर संवाद : भुवनले गायब पारे अनमोलका कुकुर - Naya Patrika
© 2017 Naya Prakasan Pvt. Ltd.

स्थानीय तह निर्वाचनको पूर्वसन्ध्यामा सरकारले सीमावर्ती क्षेत्रमा सुरक्षा व्यवस्था कडा पारेको छ । निर्वाचन सुरक्षालाई ध्यानमा राखेर भारतसँग जोडिएका सबै सीमा नाका सोमबार बिहानैदेखि बन्द गरिएका छन् । भारतसँग जोडिएका…
पूरा पढ्नुहोस् »

नेपालको विश्वकर्मा समुदायका युवतीहरूको क्षमता र प्रतिभा राष्ट्रिय तथा अन्तर्राष्ट्रिय स्तरमा उजागर गर्ने उद्देश्यले मिस विश्वकर्मा इन्टरनेसनल आयोजना हुने भएको छ । एक वर्षअघि मिस विश्वकर्मा पूर्वाञ्चल आयोजना गरिसकेको मोनाली…
पूरा पढ्नुहोस् »

शरीरको आन्तरिक तथा बाहिरी स्वास्थ्य कायम राख्न योगको भूमिका महत्वपूर्ण हुन्छ । यही कारण पछिल्लो समय सहरीकरण र सेवासुविधाले अल्छी भएका मानिसहरूको योगप्रतिको आकर्षण बढ्दो छ । विभिन्न सेवासुविधाले धेरै…
पूरा पढ्नुहोस् »

संशोधित मापदण्ड कार्यान्वयनमा ल्याएपछि ६ मुलुकमा श्रम सहचारी नियुक्तिको तयारी स्थानीय तह निर्वाचनका कारण स्थगित भएको श्रम सहचारी नियुक्ति प्रक्रिया दोस्रो चरणको निर्वाचनलगत्तै सुरु हुने भएको छ । श्रम तथा…
पूरा पढ्नुहोस् »

भारतको राजधानी नयाँदिल्ली नजिकैको एउटा गाँउलाई अमेरिकी राष्ट्रपति डोनाल्ड ट्रम्पको नाम राखिएको छ । उत्तरी हरियाणा प्रदेशको मेवात जिल्लाको मारोरा गाउँलाई ‘ट्रम्प गाउँ’ नामाकरण गरिएको हो । भारतीय प्रधानमन्त्री नरेन्द्र…
पूरा पढ्नुहोस् »

 भारोत्तोलनका प्रमुख प्रशिक्षक ओलम्पियन सुनीललाल जोशीको ५३ वर्षको उमेरमा निधन भएको छ । जोशीको बाँसबारीस्थित गंगालाल राष्ट्रिय हृदयरोग केन्द्रमा आइतबार निधन भएको हो । सन् १९९६ मा अमेरिकाको अटलान्टामा भएको…
पूरा पढ्नुहोस् »

अरूको बुई चढेर सगरमाथा पुग्ने रहर विकास भनेको आर्थिक विकासलाई मात्रै लिने हो भने यो जनताको समृद्धि वा उकासिएको जीवनस्तर हो । यस्तो समृद्धि ऊ स्वयंले आफ्ना लागि ल्याउने हो…
पूरा पढ्नुहोस् »

राप्रपा नेपाल र राप्रपाबीच एकीकरण भएपछि अध्यक्ष बनेका कमल थापाको कार्यशैलीप्रति असन्तुष्टि जनाउँदै डा. प्रकाशचन्द्र लोहनीले एकीकृत राष्ट्रिय प्रजातन्त्र पार्टी (राष्ट्रवादी) गठन गरी अध्यक्ष बने । झन्डै चार दशक लामो…
पूरा पढ्नुहोस् »

विष्णुबहादुर रावल ९८ वर्षका भए । १४ असारको निर्वाचनमा उनी बझाङको दुर्गाथली गाउँपालिका—३ मा कांग्रेसबाट वडाध्यक्षको निर्वाचनमा उम्मेदवार भएका छन् । यता ९५ वर्षका टेकबहादुर तामाङ ओखलढुंगाको चम्पादेवी गाउ“पालिका सदस्यका…
पूरा पढ्नुहोस् »

दललाई दिइएको निर्वाचन चिन्ह लिएर चिर्वाचनमा सहभागी हुन पाउने पाउनुपर्ने माग राख्दै नयाँ शक्ति पार्टी, नेपाल सहितका व्यवस्थापिका संसद बाहिर रहेका ६६ दलले दलहरुले आइतबार निर्वाचन आयोगमा धर्ना दिएका छन्…
पूरा पढ्नुहोस् »

नयाँ पत्रिका   |   बैशाख ०६, २०७४

राजेशले पाल्नै छाडे, साम्राज्ञीलाई नभई हुन्न

कुकर घरको सुरक्षागार्ड मात्रै होइन, प्रिय साथी पनि हो । त्यसैले त आजकाल घरकै सदस्यका रूपमा स्थान दिएर कुकुर पाल्ने गरिन्छ । आफैँले तालिम दिएर बुझ्झकी बनाएको कुकुरसँग खेल्दै समय बिताउन खुब मज्जा हुन्छ भन्छन्, पाल्नेहरू । तर, घरको रखबारमा खटिने कुकुर कोही नयाँ मान्छे आउँदा कराउने, फोहोर गरिरहने भएकाले कतिपयले भने पाल्न झन्झट पनि मान्छन् । नेपालमा अभिनेता-अभिनेत्रीलाई चाहिँ कुकुर पाल्न कस्तो लाग्छ ? कसले कस्ता कुकुर पालेका छन्, कसले पाल्दैनन् ? नयाँ पत्रिकाका रामजी ज्ञवालीले चर्चित सेलेब्रिटीसँग सोधेका छन्:

अनमोल केसी

पछिल्लो पुस्ताका चलेका अभिनेता अनमोल केसी सानैदेखि कुकुरप्रेमी थिए । बाबु भुवन केसीले उनको खुसीका लागि पनि घरमा कुकुर ल्याइदिए ।

एकैपटक ६ वटा कुकुर ल्याइदिएको स्मरण गर्छन्, अनमोल । तर, पढ्ने सिलसिलामा उनले तीन कुकुर छाडेर होस्टेल बस्नुपर्यो । केही समयपछि घर आउँदा त कुकुर नै देखेनन् ।

‘म होस्टेल बस्दा बुबाले सबै कुकुर साथीभाइलाई गिफ्ट दिनुभएछ,’ अनमोलले सुनाए, ‘होस्टेल जानुअघि गोल्डेन रेट्रिभर जातको कुकुरलाई सधैँ अँगालो मारेर बस्थेँ । आफ्नो खाजा पनि उसैलाई दिन्थेँ । राति पनि मैसँग सुत्थ्यो।’

तर, होस्टेलबाट फर्किंदा घरमा कुकुर नदेखेपछि उनलाई तनाव भयो । ‘खै त कुकुर ?’ उनले बाबुलाई सोधेछन् ।

जब सबै कुकुर साथीभाइलाई दिएको भुवनले सुनाए तब अनमोल निराश भए । ‘कुकुरलाई केही हुँदा म रुने कराउने गर्थें,’ उनले सम्झिए, ‘जर्मन सेफर्ड, गोल्डेन रेट्रिभर, ल्याभेन्डर, जापनिज स्पिट्सलगायत कुकुर थिए ।’

भुवन केसी
त्यसो त भुवन केसीलाई पनि कुकुर औधी मन पर्छ । उनले अनमोलको रहरले मात्रै कुकुर किनेका थिएनन् । आफूलाई पनि कुकुरको हुल नै पाल्ने इच्छा थियो । उनले एकैचोटी ६ वटा कुकुर ल्याएर रेखदेखका लागि एक कर्मचारी पनि राखे । तर, केही वर्षमै एउटा कुकुर मर्यो । यसपछि भने उनलाई दुःख लाग्यो र बाँकी पाँचवटा कुकुर साथीभाइलाई दिए ।

‘कर्मचारीले हेरेर मात्रै पनि नहुने, समय दिनै सकिएन । एक–आपसमा झगडा गरेर मर्लान् भन्ने डर भयो,’ उनले भने, ‘यसैकारण सबै कुकुर अरूलाई जिम्मा लगाए“ ।’

राजेश हमाल
अभिनेता राजेश हमालको घरमा अहिले कुकुर छैन । केही पहिले उनले पनि कुकुर पालेका थिए । किन पाल्न छाडे त उनले ? ‘सुटिङका क्रममा बाहिर जाँदा कुकुरको रेखदेख गर्नै सम्भव भएन, त्यसैले पाल्न छाडेँ,’ राजेशले सुनाए । कुकुरलाई धेरै रेखदेख चाहिने तर, आफ्नो समय नपुग्ने भएकाले कुकुर पाल्न छाडेको उनको भनाइ छ । तर, उनलाई कुकुर मन नपर्ने भने होइन ।

केकी अधिकारी
अभिनेत्री केकी अधिकारी पनि कुकुरलाई करिश्माभन्दा कम मायाँ गर्दिनन् । उनको फेसबुकमा ‘आई मिस यु माई ह्याप्पी’ लेखेर कुकुर बोकेको तस्बिर पोस्ट गरेको देख्न सकिन्छ । तर, केही समयदेखि उनीसँग त्यो प्रिय कुकुर छैन उनी त्यसलाई ‘मिस्ड’ गरिरहेकी छिन् । ‘दुई वर्षको जापनिज स्पिट्स घरबाटै हरायो, ऊ हराएपछिको पीडाले यति धेरै सताएको छ कि अर्को कुकुर ल्याउन सकेकी छैन,’ केकीले सुनाइन्, ‘ह्याप्पी मेरो मामाको छोराले गिफ्ट दिएको कुकुर थियो ।’ अब केही समयपछि घरमा नयाँ कुकुर भित्राउने योजनामा केकी छिन् । उनलाई कुकुर घरकै सदस्यका रूपमा पाल्न मन लाग्छ ।

माला लिम्बू
अभिनेत्री तथा मोडल माला लिम्बू आफ्नो कुकुरसँग टाढा हुँदा खुसी मान्दिनन् । उनले कुकुरको नाम राखेकी छिन्, मार्सी । बारबाहिर निस्किँदा मार्सी पुच्छर हल्लाउँदै गेटसम्म छाड्न आउँछ र घर फर्किंदा पनि खुसी हुँदै उफ्रिन्छ । मार्सीसँग आफ्नो सम्बन्ध प्रगाढ रहेको पुष्टि मालाले इन्स्टाग्राममा सार्वजनिक गरिरहेकी हुन्छिन् । सामाजिक सञ्जालमा उनले मार्सीका अनेक तस्बिर राखिरहेकी हुन्छिन् ।

सन् २०१६ मा किनेको जापनिज स्पिट्ज जातको मार्सीसँग मात्रै होइन साथीभाइ र इष्टमित्रकहाँ पालिएका पप्पीसँग पनि तस्बिर खिच्न रुचाउँछिन् माला ।

पूजा शर्मा
अभिनेत्री पूजा शर्माको घरमा त तीनवटा कुकुर छन् । ती कुकुर साना हुँदा आफूसँगै सुत्ने गरेको पूजाले बताइन् । ‘सानो छँदा बल्लु र रोमियो मसँगै सुत्थे, तर अहिले जवान भएर होला मान्दैनन्,’ पूजाले हाँस्दै भनिन्, ‘घरमा कुकुर नभएर सुनसान लाग्छ ।’ आफूलाई प्रेम गर्दै कुकुरहरूले पछ्याउँदा पूजा निकै खुसी हुन्छिन् । भ्याएसम्म कुकुरसँग खेल्न र सँगै घुम्न निकै आनन्द लाग्ने उनले सुनाइन् ।

रेखा थापा
अभिनेत्री रेखा थापालाई भने कुकुर मन पर्दैन । ‘आई डन्ट लाइक डग,’ उनले छोटो प्रतिक्रिया दिइन् । कोही पाहुना घरमा आउँदा कराउने र दिग्दार बनाउने भएकाले कुकुर मन नपरेको उनले सुनाइन् । ‘कुकुरको डर देखाएर मान्छेलाई घरमै आउन बन्देज गरेजस्तो हुन्छ कि जस्तो लाग्छ, त्यसैले पाल्न मन लाग्दैन,’ रेखाले स्पष्ट पारिन् ।

सरोज खनाल
अभिनेता सरोज खनाल भने कुकुर पाल्न रुचाउँदैनन् । घरमा फोहोर गर्ने र पाहुनाले डर मान्ने भएकाले उनी रुचाउँदैनन् । ‘जब घरमा कुकुर भुक्छ, आफन्त र साथीभाइहरू आउन डराउनुहुन्छ,’ खनालले भने, ‘कुकुरको डरले पाउनाहरू घरमा आउन नरोकियून् भनेर पनि पाल्दिनँ ।’

सञ्चिता लुइँटेल
अभिनेत्री सञ्चिता लुइँटेललाई भने कुकुर खुब मन पर्छ । तर, घरमा पालेकी छैनन् । घरमा कुकुर नभए पनि टोलका कुकुरप्रति उनको प्रेम दर्सिन्छ । ती कुकुरलाई सधैँजसो खानेकुरा दिन्छिन् । त्यसैले त हरेकदिन उनको घरको गेटमा कुकुरको भीड लाग्छ । ‘म टोलका कुकुरलाई दैनिकजसो केही न केही खुवाउने गर्छु, तीनको खुसी देख्दा मन नै शान्त हुन्छ,’ सञ्चिताले भनिन् ।

आयुव केसी
पलाँस चलचित्रका अभिनेता आयुव केसी पनि कुकुरप्रेमी छन् । एउटा कुकुर पालेका उनले नाम दिएका छन् ‘पुगु’ । पुगुलाई आफूसँगै सुताउनेदेखि घरबाहिर निस्किँदा सँगै लिएर जाने उनको बानी छ । १५ हजार रुपैयाँ खर्चेर सानेपाबाट ल्याएको यो कुकुर आयुवलाई घरको सदस्यजस्तै लाग्छ । ‘दिउँसो उसलाई घरमा छाडेर काममा निस्किँदा निक्कै याद आउँछ । बेलुका घर फर्किंदा खानेकुरा लगिदिएपछि खुब खुसी हुन्छ,’ आयुवले पुगुबारे सुनाए ।

करिश्मा मानन्धर
अभिनेत्री करिश्मा मानन्धर कुकुरप्रेमी छिन् । उनको घरमा एउटा मात्रै होइन, चारवटा कुकुर छन् । उनले एउटा नेपाली जातको र बाँकी जापनिज स्पिट्स पालेकी छिन् । कुकुर रुचाउनु, अझ धेरै नै कुकुर पाल्न रुचाउनुको कारण के हो त ? प्रश्नमा उनले भनिन्, ‘दिनभर काममा व्यस्त भएर घर फर्किंदा थकान महसुस भइरहेको हुन्छ । तर, गेटभित्र छिर्दै गर्दा जब चारवटै कुकुर फुर्किंदै स्वागत गर्न आइपुग्छन् तब थकाइको दर कम हुन थाल्छ, यसकारण कुकुर पाल्दै आएकी छु ।’

बाहिरबाट घर फर्किंदा कुकुरका लागि सकेसम्म केही न केही खानेकुरा लैजान भुल्दिनन् करिश्मा । तर, कुनै दिन खानेकुरा छुटाउँदा पनि रिसाउँदैनन् उनका कुकुर । कहिलेकाहीँ नयाँ–नयाँ लुगा किनेर लगिदिँदा खुसीले नाच्छन् । ‘कुकुरका हरेक गतिविधिमा म आनन्द मानिरहेकी हुन्छु,’ उनले भनिन्, ‘कुकुर साथमा नभए मलाई एक्लो महसुस हुन्छ ।’

प्रियंका कार्की
कुकुरप्रेमी अभिनेत्री प्रियंका त कुकुरलाई नयाँ–नयाँ कपडा ल्याइदिँदै स्टाइलिस बनाइदिएर थाक्दिनन् । उनले चिहुवावा प्रजातिको सानो कुकुर पालेकी छिन् । दसैँमा टिका लगाइदिनेदेखि उसको जन्मदिन मनाउनेसम्म गर्छिन् प्रियंका । उनले आफ्नो कुकुरको नाम राखेकी छिन्, स्नोई । उनी पनि सम्भव भएसम्म नजिकको यात्रामा स्नोईलाई साथमै लैजान चाहन्छिन् ।

साम्राज्ञीराज्यलक्ष्मी शाह
ड्रिम्स अभिनेत्री साम्राज्ञीराज्यलक्ष्मी शाहसँग फ्रेन्च बुलडग छ । साम्राज्ञीको कुकुरप्रेम रहरलाग्दो देखिन्छ । सकेसम्म कुकुरसँगै रहन चाहन्छिन् उनी । घरबाहिर निस्किँदा पनि बुलडग आफ्नै गाडीमा राख्ने रहर गर्छिन् । साम्राज्ञीले उसैसँग सुतेका, खेलेका र यात्रा गरिरहेका तस्बिर खिचेर पोस्ट गरिरहेकी हुन्छिन् । उनले आफ्नो कुकुरको नाम ‘पोगो’ राखेकी छिन् । कुकुरबाहेक सम्राज्ञीलाई बिरालो पनि मन पर्छ । परेवासँग फोटो खिच्न पनि रुचाउ“छिन् उनी ।