उम्मेदवारको योग्यता - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख ०६, २०७४

आगामी ३१ वैशाखमा स्थानीय तहको निर्वाचन हुने गरी मिति घोषणा भएसँगै दलहरू निर्वाचनको तयारीमा लागेका छन् । आफ्ना आन्तरिक संगठनात्मक तयारीका साथसाथै मतदाता रिझाउन थालेका दलहरूले निर्वाचन घोषणापत्र तयारीलाई पनि अन्तिम रूप दिँदै छन् । सबै दल र मतदाताको पनि मुख्य चासो भने निर्वाचनमा खडा हुने उम्मेदवारका सन्दर्भमा छ । कतिपय ठाउँमा कतिपय दलबाट उम्मेदवार तोकिइसकेका छन् भने धेरैजसो ठाउँमा अब एक साताभित्र उम्मेदवार तय भइसक्ने पक्का छ । १६ वैशाखमा निर्वाचनका लागि उम्मेदवारी दर्ता गर्ने कार्यक्रम पहिले नै प्रकाशित भइसकेकाले सोहीअनुसार दलहरूको सक्रियता बढेको हो । स्थानीय तहको निर्वाचन भएकाले पार्टीका केन्द्रीय समितिले निकाल्ने घोषणापत्रको महत्व राजनीतिक तहको मात्र हुन्छ । सबै उम्मेदवारले आआफ्ना तर्फबाट स्थानीय तहमै घोषणापत्र जारी गर्नेछन् । तर, यी घोषणापत्र जे–जस्ता आए पनि अहिलेको चासो भने त्यस्ता प्रतिबद्धता कार्यान्वयन गर्न सक्ने योग्यताका साथसाथै स्थानीय तहको सरकारका दायित्वका रूपमा संविधानले परिकल्पना गरेको जिम्मेवारी पूरा गर्न योग्य उम्मेदवार आउलान् कि नआउलान् भन्नेतिर रहेको छ ।

दलहरूका घोषणापत्र जे–जस्ता आए पनि त्यस्ता प्रतिबद्धता कार्यान्वयन गर्न सक्ने योग्यताका साथै स्थानीय तहको सरकारका दायित्वका रूपमा संविधानले परिकल्पना गरेको जिम्मेवारी पूरा गर्न योग्य उम्मेदवार आउलान् कि नआउलान् ?

अहिले हुन लागेको स्थानीय सरकारको निर्वाचनको अर्थ पहिलेका जस्ता गाउँका मुखिया या प्रधानपञ्च छनोट गरेजस्तो पक्कै होइन । अब गाविस अध्यक्ष या उपाध्यक्ष तथा नगर प्रमुख, उपप्रमुख वा वडाध्यक्ष हुनेले एउटा पेसेवर नेताका रूपमा नियमित कार्यालयमा बसेर सेवा दिनुपर्नेछ । यसैगरी आफ्नो एकाइभित्रका शिक्षा, स्वास्थ्य खानेपानी, भूउपयोग, स्रोत परिचालनसहित समग्र विकासका खाका बनाएर त्यसको कार्यान्वयनको नेतृत्व पनि गर्नुपर्नेछ । अहिले सबैले आर्थिक समृद्धिको नारा दिइरहेका छन् । यस्तो समृद्धिको आधार पनि गाउँ तहबाटै सुरु हुन्छ । अबका स्थानीय सरकारको नेतृत्वले परम्परागत रूपमा झैझगडा मिलाउने र सिफारिस दिने मात्र काम गरेर हुँदैन । बरु आफ्नो क्षेत्रभित्र कसरी सबै नागरिकलाई सहज सेवा उपलब्ध गराउने, सबैलाई रोजगारी कसरी सिर्जना गर्ने, आफ्नो गाउँ छिमेकबाट कसरी गरिबी हटाउने, कसरी आर्थिक अवसर सबैलाई वितरण गर्ने भन्ने कामको नेतृत्व पनि यिनै स्थानीय तहका प्रमुख, उपप्रमुखले गर्ने हो ।

तर, अहिलेसम्म राजनीतिक दलले उठाउन लागेका अनुहार र चर्चामा आएका नाम हेर्दा दलहरूले संविधानले परिकल्पना गरेको स्थानीय तहको सरकारको नेतृत्व गर्ने व्यक्तिभन्दा राजनीतिमा निरन्तर लागेको र सम्बन्धित क्षेत्रको वरिष्ठ कार्यकर्तालाई प्राथमिकतामा राखेर उम्मेदवार छनोट गर्दै गरेको देखिन्छ । कतिपय स्थानमा त निर्वाचन जित्ने नाममा पैसा भएका, गुन्डा परिचालन गर्न या पैसा खर्चेर मतदाता प्रभावित गर्न सक्नेलाई अघि सार्ने गरेको देखिन्छ । यस्तै रह्यो भने आगामी निर्वाचनपछि बन्ने स्थानीय तहको सरकारले आफ्ना लागि संविधानले निर्धारित गरेको जिम्मेवारी पूरा गर्न मुस्किल पर्ने निश्चित छ । अहिले पनि दलहरूले गाउँमा मुखिया छानेजस्तो गरी उम्मेदवार छनोट गरे भने स्थानीय तहको निर्वाचनपछि कर्मचारीको नियन्त्रणमा स्थानीय सरकार जाने या कमजोर नेतृत्वका कारण सरकारी कर्मचारीले समेत काम गर्न नसक्ने अवस्था आउन सक्छ । यस्तो भयो भने स्थानीय जनताले पाँच वर्ष पछि पर्ने गरी दुःख पाउनेछन् । दलहरूले उम्मेदवार छनोट गर्दा यसतर्फ ध्यान दिऊन् ।