राष्ट्रपतिको भारत भ्रमण - Naya Patrika
© 2017 Naya Prakasan Pvt. Ltd.

भारतसँगको सन्धि–सम्झौता पुनरावलोकन गर्न प्रधानमन्त्रीलाई सुझाब – प्रधानमन्त्री शेरबहादुर देउवाको आसन्न भारत भ्रमणमा राष्ट्रहितविपरीत सन्धि–सम्झौता हुनसक्ने भन्दै सांसदहरूले खबरदारी गरेका छन् । संसद्को उद्योग वाणिज्य तथा उपभोक्ता हित संरक्षण समितिले…
पूरा पढ्नुहोस् »

संविधान संशोधन र आसन्न निर्वाचनका विषयमा प्रधानमन्त्री शेरबहादुर देउवाको आह्वानमा पटकपटक वार्ता र छलफल भयो । पहिला कांग्रेस, एमाले र माओवादीबीच लामो छलफल भयो भने तत्पश्चात प्रमूख दलका नेताहरुसहित राजपा…
पूरा पढ्नुहोस् »

अभिनेत्री सन्नी लियोनका फ्यान भारतमा निकै छन् । अभिनेत्रीका साथै आइटम गर्लका रूपमा पनि पहिचान बनाएकी सन्नी जहाँ जान्छिन्, त्यहाँ उनलाई हेर्न दर्शकहरूको भिड लाग्ने गर्छ । सन्नी हालै एउटा…
पूरा पढ्नुहोस् »

अनुहारमा पोतो र कोठी निम्तिएर हैरान भएकाहरू रातारात सफा गर्न अनेक लेजर प्रविधि अपनाउँछन् । हतारमा सफा गर्ने नाममा यस्तो गलत बाटो नरोज्न स्किन प्रोफेसनल पभी गुरुङको सुझाब छ :…
पूरा पढ्नुहोस् »

  लस याम्र्बसमा भ्यानले सर्वसाधारणलाई आक्रमण गर्न थालेपछि मानिस नजिकैका क्याफे तथा पसलभित्र लुकेर ज्यान जोगाएका थिए । नायिका लैला रौउअसले आक्रमणबाट बच्न एउटा रेस्टुरेन्टको फ्रिजभित्र लुक्नुपरेको बताएकी छिन् ।…
पूरा पढ्नुहोस् »

टेस्ट करिअरको चौथो दोहोरो शतक पूरा गर्न इंग्लिस ब्याट्सम्यान  एलेस्टर कुकले ३ सय ३९ बलको सामना गरे  ओपनर एलेस्टर कुकले चौथोपटक टेस्टमा दोहोरो शतक प्रहार गरेपछि शुक्रबार इंग्ल्यान्डले वेस्ट इन्डिजविरुद्धको…
पूरा पढ्नुहोस् »

पृष्ठभूमि बुद्धशासनको विस्तारका लागि जम्बुुद्वीपभित्रका विभिन्न राजाले बुद्धलाई यथेष्ट सघाएका थिए । बुद्ध परिनिर्वाणको तीन सय वर्ष बितिसक्दासम्म पनि उनको शासनलाई सघाउने राजा प्रशस्त मात्रामा देख्नमा आएका थिए । यसबीच…
पूरा पढ्नुहोस् »

मनीषा कोइराला अर्थात् विरोधाभाषपूर्ण जीवनकी पात्र । कोइराला परिवार नेपालको राजनीतिक खानदान हो, तर त्यही खानदानकी छोरी मनीषाले आफ्नो जीवन राजनीतिमा होइन, फिल्ममा उतारिन् । सामन्यतया चेलीहरूलाई सानो हुँदा माइतीमा…
पूरा पढ्नुहोस् »

यसपालि नेपालको तराईका कैलालीदेखि झापासम्मका जिल्ला एकैपटक बाढी र डुबानको चपेटामा परे । यस्तो कमै हुन्थ्यो । पूर्वी नेपालमा पानी पर्दा पश्चिमतिर पर्दैनथ्यो । मध्य भागमा बाढी आउँदा पूर्व र…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख ०५, २०७४

राष्ट्रपति विद्यादेवी भण्डारी सोमबारदेखि भारतको राजकीय भ्रमणमा छिन् । गत वर्ष कात्तिकमा गणतन्त्र नेपालको द्वितीय राष्ट्रपतिमा निर्वाचित भएपछि भण्डारीको यो पहिलो विदेश भ्रमण हो । नेपालका सरकार तथा राष्ट्रप्रमुखले पहिलो औपचारिक भ्रमण भारतबाट गर्ने परम्पराले फेरि पनि निरन्तरता पाएको छ । गत वर्ष वैशाखका लागि तय भएको भारत भ्रमण अन्तिम समयमा आएर ओली नेतृत्वको तत्कालीन सरकार गिराउन भारतले भूमिका खेलेको भन्दै नेपालका तर्फबाट अचानक रद्द गरिएको थियो । नेपालले जारी गरेको संविधानलाई असफल बनाउन भारतले नेपालविरुद्ध नाकाबन्दी लगाएपछिका राजनीतिक घटनाक्रममा दुई देशबीच जेजस्तो तनाव थियो, त्यसको उच्च अभिव्यक्तिका रूपमा भ्रमण रद्द भएको मानिएको थियो । त्यसयता प्रधानमन्त्री पुष्पकमल दाहाल प्रचण्डले गत सेप्टेम्बरमा दिल्लीको भ्रमण गरेका र भारतीय राष्ट्रपति प्रणव मुखर्जीले गत नोभेम्बरमा नेपाल भ्रमण गरेकाले सम्बन्ध सामान्यीकरण भएको मानिएको छ । यसै क्रममा यसपालि राष्ट्रपति भण्डारीको भारत भ्रमण हुँदै छ ।

गणतन्त्र नेपालका राष्ट्रपतिको भूमिका सेरेमोनियल खालको हुने भएकाले यो भ्रमणले आफैँमा भारतसँगका सम्बन्धमा खास प्रभाव पार्ने अवश्य होइन । यसअघि पनि तत्कालीन राष्ट्रपति डा. रामवरण यादवले भारतको पटक–पटक भ्रमण गरेका थिए । यस प्रकारको भ्रमणको महत्व भने दुई देशका जनताबीचको सांस्कृतिक सम्बन्धलाई जीवन्त राख्न प्रयोग हुन्छ । एकप्रकारले यस्ता भ्रमण दुई देशका सरकार र जनताबीच सद्भाव र विश्वास वृद्धि गर्ने नियमित प्रक्रिया नै हुन् ।

यता आएर नेपाल र भारतबीचको सम्बन्ध अझै पनि आशंका र अविश्वासका धमिला रेखामा हिँडिरहेको देखिन्छ । नेपालमा जारी राजनीतिक प्रक्रियामा भारतका दृष्टिकोण अस्पष्ट नै छन् । नेपालमा जारी संविधान र त्यसलाई कार्यान्वयन गर्ने क्रममा रहेका केही असहमति र विरोधलाई आधार बनाएर भारतले नेपाली जनतामाथि थोपरेको नाकाबन्दीको तीतो अझै पनि नेपाली जिभ्रोमा कायमै छ । यसैवेला नेपाल गणतन्त्र स्थापनापछिको पहिलो स्थानीय तह निर्वाचनको संघारमा छ । हाम्रो स्थानीय तह निर्वाचन एसियामै पहिलो स्थानीय तहको सरकारका रूपमा हुन लागेको उन्नत लोकतान्त्रिक अभ्यासका रूपमा रहेको छ । यसलाई सफल बनाउन र संविधानमा रहेका असमझदारी हटाउँदै असन्तुष्ट पक्षलाई सामेल गर्नेतिर सरकार र सत्तारुढ दलहरूले प्रयास गरिरहेको भए पनि त्यसले सफलता पाइसकेको छैन ।

अस्ति (आइतबार) देखि मधेसवादी दलहरूले आन्दोलन घोषणा गरेर स्थानीय तहको निर्वाचन हुन नदिने बताएपछि दिल्लीको दृष्टिकोण के हो भन्ने जान्ने उत्सुकता नेपालमा जागेको छ । खासगरी मधेसकेन्द्रित दलले गरिरहेको आन्दोलनमा भारतीय सहयोग र सहानुभूति रहेको सन्दर्भमा यसपटकको आन्दोलनलाई भारतले कसरी हेर्छ भन्ने जिज्ञासा उठ्नु स्वाभाविक हो । राष्ट्रपति भण्डारीको भारत भ्रमणका वेला हुने द्विपक्षीय भेटघाट र संवादका क्रममा भारतीयहरूले औपचारिक लोलोपोतो या गुलियो कुरा मात्र गर्नेछन् या नेपालमा उठिरहेको प्रश्नको जवाफ पनि दिनेछन्, त्यो भने हेर्न बाँकी नै छ । यस्तो वेलामा भइरहेको राष्ट्रपति भण्डारीको भ्रमणले द्विपक्षीय सम्बन्धमा रहेको यो धमिलोलाई पखाल्न सहयोग गर्यो भने यसलाई उपलब्धिमूलक नै मान्नु पर्नेछ । यता राष्ट्रपतिको भ्रमणका वेला जाने र फर्कने दिन सरकारले सार्वजनिक बिदा दिएर गम्भीर आलोचनाको घेरामा भ्रमणलाई धकेलिदिएको छ । वास्तवमा यो सामन्ती ढस्साको निरन्तरताले लोकतन्त्रलाई कमजोर मात्र बनाउ“छ भन्ने सत्ताधारीहरूले कहिले बुझ्लान् खै ?