त्यो घटना बडाहाकिम हेर्न नपाएपछि पढ्न थालेँ - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   बैशाख ०४, २०७४
तारा पोखरेल
अध्यक्ष, नेपाल नर्सिङ एसोसिएसन

नेपाल नर्सिङ एसोसिएसनकी अध्यक्ष तारा पोखरेल, चर्चामा आइरहने पात्र हुन् । पछिल्लोपटक कांग्रेस नेत्री सुजाता कोइरालालाई क्यान्सरको उपचारका लागि सरकारले पैसा दिँदा विरोध गरेर उनी चर्चामा आइन् । खरो स्वभावकी तारा स्याङ्जा जिल्लाको कृष्णगण्डकी गाविसमा जन्मिन्, त्यहीँ हुर्किन् । ०२० सालमा बडाहाकिम हेर्न नपाएपछि उनको पढाइ यात्रा सुरु भयो । पोखरेलले त्यो घटना स्मरण गरिन्:

०२० सालमा हाम्रो गाउँमा बडाहाकिम आए । त्यो वेला अञ्चलाधीशलाई बडाहाकिम भनिन्थ्यो । सबै मान्छे बडाहाकिम हेर्न दौडिए, म पनि पछि–पछि लागेँ । बडाहाकिमलाई हेर्न लाइन लाग्नुपथ्र्यो । म ११ वर्षकी फुच्ची पनि लाइनमै बसेँ । तर, मैले आफ्नो पालोमा बडाहाकिमलाई हेर्न पाइनँ । कारण थियो, नपढेकाले हेर्न नपाउने भन्ने नियम । मजस्तै अनपढ कतिपय छोरीले हेर्न पाएनन् । मलाई निकै नमजा लाग्यो । मनमा इख पलायो । र, जसरी भए पनि पढेर पछि बडाहाकिम हेरिछाड्ने अठोट लिएँ ।

बडाहाकिम भेट्न जाँदा मेरो खल्तीमा एक मोहोर थियो । आमाले ‘केही किनेर खानू’ भनेर दिनुभएको थियो । तर, बडाहाकिम भेट्न नपाएपछि इख बोकेर घर फर्किंदै गर्दा त्यो पैसा अन्यत्र खर्चिन मन लागेन । मैले त्यो पैसाले कापी र कलम किनेँ ।

घरमा आइपुगेपछि सीधै आमा–बालाई भनेँ, ‘म पढ्न जान्छु’ । आमाले त गाली गर्नुभयो । त्यो वेला छोरीचेली पढाउने कुरै हुँदैनथ्यो । कसैका छोरीले पढेका थिएनन् । मलाई पनि आमाले हकार्नुभयो । तर, पढेर बडाहाकिम हेरिछाड्ने अठोट मनमा राखिसकेको थिएँ । मैले घरमा पढ्नका लागि संघर्ष गरेँ । साह्रै नै जिद्धी गरेपछि मलाई स्कुल जाने स्वीकृति मिल्यो ।

गाउँमा बडाहाकिमको आगमनले ममा पीडा र खुसी दुवै एकसाथ मिल्यो । मेरो पढाइको मूल त्यही घटनाले फुटायो । १० वर्ष नाघेका अरूका छोरीलाई बिहे गरेर पठाउन थालिसकेका थिए । तर, म भने स्कुल जान थालेँ । मेरो स्कुल यात्रा देखेर गाउँले हाँस्थे, जिस्क्याउँथे ।
स्कुल जान थालेको दुई महिनामै कक्षा २ मा पुगेँ । किताबको पाठ खरर पढेर सुनाएपछि माथिल्लो कक्षामा जान पाइन्थ्यो । त्यसैले पढाइमा कुनै सम्झौता गरिनँ । मेरो पढाइको उद्देश्य नै बडाहाकिम हेर्नका लागि थियो ।

२ कक्षामा पढ्दापढ्दै हाम्रो परिवार बुटवल बसाइँ स¥यो । अब, बुटवलमा भने पढ्ने केटी साथी धेरै नै भेटेँ । स्कुल पढ्न सहज लागेको महसुस भयो । तर, घरमा दिनदिनै बिहेको कुरा चल्थ्यो । मैले इन्कार गरिरहन्थेँ । बिहे गर्नुप¥यो भने जग्गेबाटै भागिदिन्छु भनेर पनि बुबालाई धम्क्याएँ । मेरो जिद्धी स्वभावबारे बुझ्न बुबा चिना लिएर ज्योतिषीकहाँ पनि पुग्नुभएछ । ज्योतिषीले १६ वर्ष नकटी बिहे गरिदिए मृत्यु हुन सक्ने बताइदिएछन् । अनि, मेरो बिहेको कुरा नै हुन छाड्यो । १६ कटेपछि पनि कोही केटा माग्न आउँदा म मुखमुखै लागेर भड्काइदिन्थेँ ।
बुटवल पढ्दा पनि मलाई बडाहाकिम हेर्न जाने ठूलो रहर थियो । तर, ८ कक्षा पुगेपछि जब साथीहरूको साथ लागेर एनएमए पढ्न नेपालगन्ज गएँ, तब बडाहाकिम हेर्ने रहर सेलाउन थाल्यो । मेरो संघर्ष अर्कोतिर हुनुपर्छ, भन्ने सोचाइ आयो । एनएमए र एसएलसी पास गरेपछि पनि पढाइलाई निरन्तरता दिएँ ।

पाटन नर्सिङ क्याम्पसबाट दुई वर्षे स्टाफ नर्स कोर्स सकाएपछि ०३८ मा बिहे गरेँ । आफ्नो खुट्टामा उभिन सक्छु भन्ने भएपछि मात्रै बिहे गर्ने निर्णय गरेकी हुँ । त्यसपछि त्रिवि शिक्षण अस्पतालबाट नर्सिङमा ब्याचलर गरेँ । यहीबीचमा तीन बच्चा हुर्काएँ र पछि ०५२ मा युनिभर्सिटी नै टप गरेर मास्टर्स सकाएँ । विभिन्न अस्पतालमा सेवा गर्दै आज देशभरका नर्सहरूको नेतृत्वमा रहँदै गर्दा त्यो बडाहाकिम हेर्न नपाएको घटनाले भने घोचिरहन्छ ।

प्रस्तुति : सरला कट्टेल