एक रुपैयाँको निर्यात, १३ रुपैयाँको आयात - Naya Patrika
© 2017 Naya Prakasan Pvt. Ltd.
अपडेट

  गच्छदारले २०६४ साल १८ माघमा बालुवाटारमा कांग्रेसका शीर्ष नेताबीच छलफल गर्दा कांग्रेस छोड्नुपरेको यथार्थ सुनाउँदै गर्दा भावुक बन्दै गए । उनी भावुकतामा पुग्दै गर्दा माइकले काम गर्न छोड्यो ।…
पूरा पढ्नुहोस् »

हलिउडका चर्चित निर्माता हार्वे विन्स्टेइनका एकपछि अर्को गर्दै यौनजन्य हिंसाका घटना सार्वजनिक हुने क्रम बढेको छ । न्यूयोर्क टाइम्सले निर्माता हार्वेले यौन शोषण गर्ने गरेको सार्वजनिक गरेपछि यौन उत्पीडनमा परेका…
पूरा पढ्नुहोस् »

आजभोलि धेरैमा मुटुसम्बन्धी रोग देखा पर्ने गरेको छ । चिकित्सकहरू पनि पछिल्लो समय मुटुरोगी बढेको बताउँछन् । उनीहरूका अनुसार हाम्रो दैनिक जीवनशैली र विभिन्न कारणले मुटुसम्बन्धी रोग हुने गरेको छ…
पूरा पढ्नुहोस् »

युरोपेली मुलुक अस्ट्रियामा आइतबार आमनिर्वाचन सम्पन्न भएको छ । मत सर्वेक्षणहरूले युवा नेता सिबास्टियन कुर्जले नेतृत्व गरेको कन्जरभेटिभ पिपुल्स पार्टी (ओभिपी) अग्र स्थानमा आउने प्रक्षेपण गरेका छन् । पिपुल्स पार्टी…
पूरा पढ्नुहोस् »

पहिलो अन्तर्राष्ट्रिय फुटसल प्रतियोगितामा सहभागिता जनाएको नेपाली टोली आइतबार एएफसी छनोट फुटसल च्याम्पियसिपमा उज्वेकिस्तानसँग १४–१ को भारी अन्तरले पराजित भएको छ । इरानमा सञ्चालन भइरहेको प्रतिस्पर्धामा नेपालले पहिलो अन्तर्राष्ट्रिय खेलमै…
पूरा पढ्नुहोस् »

– आसन्न निर्वाचनमार्फत संघीय लोकतान्त्रिक गणतन्त्र नेपालको संविधान ०७२ को कार्यान्वयन गरी सुशासन र भ्रष्टाचारमुक्त प्रशासनको बाटोमा हिँडेर देश र जनताको सेवामा अविराम लाग्यौँ भने अबका दिनमा सबल, सक्षम र…
पूरा पढ्नुहोस् »

अभिनेत्री केकी अधिकारीले म्युजिक भिडियो निर्देशक विशाल भण्डारीलाई निर्देशक लिएर फिल्म निर्माण गर्न लागेकी छिन् । त्यसो त उनी ‘लभ साशा’ फिल्मकी सहनिर्माता पनि हुन् । लभ साशाले व्यावसायिक सफलता…
पूरा पढ्नुहोस् »

उहिले मानिस शक्तिदेखि निकै डराउँथे । पहिले प्रकृतिका रहस्यसँग अपरिचित भएको मान्छेले हरेक समस्याको समाधान पनि अदृश्य शक्तिमा खोजी पस्थ्यो । त्यही भएर नाग देवता, जल देवता, सूर्य देवता, भूमि…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

सविन मिश्र   |   चैत ०८, २०७३

निर्यात–आयात अनुपात १ः१३.२, निर्यात व्यापार अहिलेसम्मकै कमजोर

काठमाडौं/चालू आर्थिक वर्षको पहिलो ७ महिनामा नेपालले निर्यातको तुलनामा १३ गुणा धेरै आयात गरेको छ । साउनदेखि माघ मसान्तसम्ममा नेपालको निर्यात–आयात अनुपात १ः१३.२ पुगेको छ । नेपालले यो अवधिमा एक रुपैयाँको निर्यात गर्दा १३ रुपैयाँ २० पैसाको आयात गरेको छ । नेपालको निर्यात–आयातको यो अनुपात अहिलेसम्मकै कमजोर हो ।

व्यापार तथा निकासी प्रवद्र्धन केन्द्रका अनुसार नेपालले चालू आर्थिक वर्षको पहिलो ७ महिनामा ४२ अर्ब २२ करोड रुपैयाँको निर्यात भएको छ भने ५ खर्ब ५७ अर्ब २१ करोड रुपैयाँ पुगेको छ । गत आर्थिक वर्ष ०७२-७३ को यही अवधिमा नेपालले ३८ अर्ब रुपैयाँको निर्यात गरी तीन खर्ब ५५ अर्ब रुपैयाँको आयात गरेको थियो । यस्तै आर्थिक वर्ष ०७१-७२ मा नेपालले ५० अर्ब ९८ करोड रुपैयाँको निर्यात गरी ४ खर्ब ५० अर्ब ५४ करोड रुपैयाँको आयात गरेको थियो ।

वैदेशिक व्यापारमा निर्यातको हिस्सा पनि गत वर्षको भन्दा कमजोर भएको छ । चालू आवमा निर्यातको हिस्सा ७ सात प्रतिशतमा सीमित भएको छ । गत आर्थिक वर्षको यो अवधिमा निर्यातको हिस्सा ९.७ प्रतिशत र त्यसअघिको आर्थिक वर्षमा १०.२ प्रतिशत रहेको थियो ।

भारतीय नाकाबन्दीका कारण गत वर्षको यो अवधिमा नेपालको वैदेशिक व्यापार प्रभावित बनेको थियो । चालू आर्थिक वर्षमा भने व्यापार घाटाको अवस्था उस्तै देखिएको छ । ७ महिनामा व्यापार घाटा ५ खर्ब १४ अर्ब रुपैयाँ पुगेको छ । गत वर्षको यही अवधिमा व्यापार घाटा ३ खर्ब १७ अर्ब थियो । यस्तै आव ०७१-७२ को यही अवधिमा व्यापार घाटा ३ खर्ब ९९ अर्ब रुपैयाँ पुगेको थियो ।

१३ वस्तुको निर्यात घट्यो
चालू वर्षमा १३ वस्तुको निर्यात घटेको छ । नेपालबाट निर्यात हुने प्रमुख २८ वस्तुमध्ये ५० प्रतिशतको निर्यात घटेको हो । यो अवधिमा ऊनी गलैँचा, तयारी पोसाक, अलैँची, अदुवा, आयुर्वेदिक औषधि, दन्तमन्जन, ऊनी तथा पश्मिनाका सामग्री, जुटका बोरा, कपडाका झोला, हस्तकलाका सामग्री, तामाका सामग्री, मासु तथा मासुजन्य पदार्थको निर्यात घटेको छ ।

नेपाली अदुवामा विषादी रहेको भन्दै भारतले निकासीमा प्रतिबन्ध लगाएपछि अदुवा निर्यात घटेको छ । यो वर्ष अदुवाको निर्यात ४३.५ प्रतिशतले घटेको छ । यो अवधिमा ३५ लाख ६४ हजार केजी अदुवा निर्यात भएको छ । गत वर्षको यही अवधिमा १ करोड ६१ लाख केजी अदुवा निर्यात भएको थियो ।

गत वर्ष २६ करोडको अदुवा निकासी भएकोमा यो वर्ष १५ करोडमा सीमित भएको छ । यो अवधिमा जुस तथा तेलजन्य उत्पादनको निर्यातमा भने सुधार देखिएको छ ।

क्लिंकर आयात ३४१ प्रतिशतले बढ्यो
चालू आर्थिक वर्षमा क्लिंकरको आयात अत्यधिक रूपमा बढेको छ । ७ महिनामा ११ अर्ब १९ करोड रुपैयाँको क्लिंकर आयात भएको केन्द्रको तथ्यांकमा उल्लेख छ । गत वर्षको यही अवधिमा २ अर्ब ५३ करोड रुपैयाँको क्लिंकर आयात भएको थियो ।

नेपालमा सिमेन्ट उद्योग बढ्दै गए पनि प्रमुख कच्चा पदार्थ भने आयात गर्नुपर्ने अवस्था छ । यो अवधिमा सिमेन्टको आयात भने १५.५ प्रतिशतले घटेको छ । पेट्रोलियम पदार्थ, यातायातका सामान, हवाईजहाज र पाटपुर्जालगायतका सामग्रीको आयातमा पनि वृद्धि भएको छ ।