विश्व मुख स्वास्थ्य दिवस : ‘मुख स्वास्थ्यनीतिलाई अगाडि बढाऔँ’ - Naya Patrika
Naya Patrika
Follow Us
© 2017 Naya Prakasan Pvt. Ltd.

स्थानीय निर्वाचन हुन डेढ महिना मात्रै बाँकी हुँदा पनि सरकार, निर्वाचन आयोग, राजनीतिक दल र मतदाता अन्योलमै १) मोर्चाको आन्दोलन संविधान संशोधन नगरी निर्वाचनमा सहभागी नहुने बताउँदै आएको मधेसी मोर्चा…
पूरा पढ्नुहोस् »

राष्ट्रपति विद्यादेवी भण्डारीले भारतीय स्थलसेनाका प्रधानसेनापति विपिन रावतलाई बुधबार नेपाली सेनाको मानार्थ महारथीको दज्र्यानी चिह्न प्रदान गरेकी छिन् । शीतलनिवासमा आयोजित विशेष समारोहमा राष्ट्रपतिले भारतीय प्रधानसेनापतिलाई महारथीको दज्र्यानी चिह्न, खड्ग…
पूरा पढ्नुहोस् »

नारायणटारका २२ वर्षीय सञ्जीव श्रेष्ठको परिवारलाई नपुग्ने केही छैन । १०–१२ वटा गाडी छन्, व्यापार राम्रो चलेको छ । तैपनि परिवारमा ठूलो तनाव छ । कारण सञ्जीवले विगत १० वर्षदेखि लागुऔषध सेवन गर्दै…
पूरा पढ्नुहोस् »

युरोपियन मुलुकहरूका महिलाहरूले अत्यधिक रुचाउने पहिरन स्कर्ट नेपाली महिलाहरूको रोजाइमा पनि पर्न थालेको छ । विदेशी महिलाहरूहरेक सभा–समारोहमा स्कर्ट लगाउन मन पराउँछन् । सबै उमेर समूहका महिलाहरूलाई सुहाउने तथा लगाउन…
पूरा पढ्नुहोस् »

चालू आर्थिक वर्ष ०७३-७४ को बजेट आउनेबित्तिकै सरकार परिवर्तन भयो । संसद्बाट पूर्ण रूपमा बजेट पास नहुँदै सरकार ढलेकाले वर्तमान सरकारले बजेटको कार्यान्वयनको जिम्मा पायो । बजेट कार्यान्वयन प्रभावकारी गर्न…
पूरा पढ्नुहोस् »

अमेरिकी राष्ट्रपति डोनाल्ड ट्रम्पले जलवायु परिवर्तन नियन्त्रणसम्बन्धी बाराक ओबामा प्रशासनका नीतिहरू खारेज गर्ने कार्यकारी आदेशमा हस्ताक्षर गरेका छन् । ह्वाइटहाउसमा आयोजित एक समारोहमा ट्रम्पले जलवायु परिवर्तनसम्बन्धी पूर्वराष्ट्रपति बाराक ओबामाको नीति…
पूरा पढ्नुहोस् »

बङ्गलादेशमा जारी एसीसी इमर्जिङ टिम्स क्रिकेट प्रतियोगिताअन्तर्गत दोस्रो खेलमा आयोजक बङ्गलादेशले नेपाललाई २५८ रनको लक्ष्य दिएको छ । मंगलबार टस जितेपछि नेपालले फिल्डिङ रोजेर बङ्गलादेशलाई पहिले ब्याटिङको निम्तो दिएको थियो…
पूरा पढ्नुहोस् »

वैशाख ३१ मा स्थानीय तहको निर्वाचन मिति घोषणा भएलगत्तै विभिन्न राजनीतिक दल आ–आफ्ना एजेन्डा लिएर जनतामाझ पुग्ने परम्पराको निरन्तरताको कार्यले बिस्तारै तीव्रता लिँदै छ । गाउँघरतिर नेताका अनुहार देखिन थालिएकाले…
पूरा पढ्नुहोस् »

ब्वाइज कट हेयर स्टाइल, ब्ल्याक जिन्स पाइन्ट, लङ ब्ल्याक ज्याकेट र गगल्स पनि ब्ल्याक । सुजाता कोइरालाको गेटअपमा खासै परिवर्तन थिएन, पहिलेभन्दा । तर, पदचापले संकेत गथ्र्यो, शारीरिक शक्ति केही…
पूरा पढ्नुहोस् »

एसियाली विकास बैंक र अन्तर्राष्ट्रिय मुद्रा कोषले नेपालको यस आर्थिक वर्षको आर्थिक वृद्धिदर ६.२ प्रतिशतसम्म पुग्न सक्ने अनुमान गरेका छन् । नेपाल सरकारको अर्थ मन्त्रालयले ६.५ प्रतिशत वृद्धि लक्ष्य प्राप्त…
पूरा पढ्नुहोस् »

काठमाडौं/फिल्म पत्रकार तथा समीक्षक दीपेन्द्र लामाको लेखन र निर्देशनमा बनेको फिल्म ‘घामपानी’को ट्रेलर सार्वजनिक गरिएको छ । वैशाख १ गते प्रदर्शन हुने फिल्म अन्तर्जातीय प्रेमकथामा बुनिएको छ । फिल्ममा दयाहाङ…
पूरा पढ्नुहोस् »

अर्जुन अधिकारी   |   चैत ०८, २०७३

काठमाडौं/उपराष्ट्रपति नन्दबहादुर पुनले राष्ट्रिय मुख स्वास्थ्यनीतिलाई प्राथमिकतामा राख्न सरकारलाई आग्रह गरेका छन् । मानव जगत्मा मुख स्वास्थ्यको समस्या गम्भीर रहेको भन्दै पुनले सरकारले बनाएको राष्ट्रिय मुख स्वास्थ्यनीतिलाई अगाडि बढाउनुपर्ने बताए ।
विश्व मुख स्वास्थ्य दिवसको अवसरमा सोमबार नेपाल डेन्टल एसोसिएसनले आयोजना गरेको कार्यक्रममा उपराष्ट्रपति पुनले अझै पनि दूरदराजका जनताले स्वास्थ्य सेवा पाउन नसकेको स्पष्ट पारे । उनले भने, ‘संविधानमा स्वास्थ्यलाई मौलिक हकका रूपमा समावेश गरिएको छ । मानव स्वास्थ्यका हिसाबले गम्भीर बन्दै गएको मुख स्वास्थ्यलाई सरकारले प्राथमिकतामा राख्नुपर्छ । त्यसैले मुख स्वास्थ्यका लागि राज्यले उचित पहलकदमी चाल्नुपर्ने देखिएको छ ।’

गरिब, विपन्नले सेवा नपाएको गुनासो
उपराष्ट्रपति पुनले स्वास्थ्य मन्त्रालयको प्राथमिकतामा मुख स्वास्थ्यको विषय नपरेको धारणा राखे । ‘हामीले ग्रामीण भेगका जनतालाई सहज रूपमा स्वास्थ्य सेवा पुर्या‍उने कुरा गरेका छौँ । तर, गाउँका गरिब, विपन्न नागरिकले अझै पनि सहज स्वास्थ्य उपचार पाएका छैनन् । यो असाध्यै सोचनीय विषय हो,’ उनले भने ।

मुख स्वास्थ्यको विषयलाई प्राथमिकता दिएर अगाडि बढ्न उनले स्वास्थ्यमन्त्रीको ध्यानाकर्षण गराए । उनले थपे, ‘स्वास्थ्यमन्त्रीले पछिल्लो समय स्वास्थ्य क्षेत्रमा सुधारका कार्यक्रम गर्दै जानुभएको छ । त्यसैले आशा लिएको छु, मेरो कुरामा पनि ध्यान दिइनेछ ।’ ०७० मा बनेको राष्ट्रिय मुख स्वास्थ्यनीति अझैसम्म कार्यान्वयनमा आउन सकेको छैन ।

ग्रामीण क्षेत्रमा चिकित्सक पठाउन आग्रह
उपराष्ट्रपतिले सम्पूर्ण नेपाली गुणस्तरीय स्वास्थ्य सेवाको पहुँचमा रहनुपर्ने भन्दै नेपालमा स्वास्थ्य सेवा विकेन्द्रीकृत गर्नुपर्ने धारणा व्यक्त गरे । ‘नेपालका चिकित्सक सक्षम छन्,’ उपराष्ट्रपति पुनले भने, ‘विभिन्न रोग लाग्दा उपचार गराउन नेताहरू विदेश जाने गरेका छन् । तर, आजसम्म दाँतको उपचार नेपालमा सम्भव छैन भनेर आजसम्म कुनै व्यक्ति विदेश गएको मैले देखेको र सुनेको छैन । यो नेपालका दन्त चिकित्सकको ठूलो सफलता भएको मैले ठानेको छु ।’ उनले सरकारले सेवासुविधा बढाएर भए पनि ग्रामीण क्षेत्रमा चिकित्सक पठाउनुपर्ने धारणा व्यक्त गरे ।

मुखबाटै अरू रोग सुरु
विज्ञान तथा प्रविधिमन्त्री प्रेमबहादुर सिंहले मुख स्वस्थ नभई अन्य स्वास्थ्यको कल्पना गर्न नसकिने बताए । ‘संविधानमा स्वास्थ्यलाई प्राथमिकतामा राखिएको छ,’ मन्त्री सिंहले भने, ‘अब यसलाई कार्यान्वयन गर्न सबै लाग्नुपर्छ ।’ दिगो विकास र समृद्ध नेपालका लागि पनि स्वास्थ्य प्रमुख प्राथमिकतामा हुनुपर्ने सिंहले बताए ।

दन्तरोग विशेषज्ञ डा. सुवास घिमिरेले एकैपटक मुटु, क्यान्सर, मिर्गाैला रोगको समस्या नभएको बताए । ‘मुटुबाट मुखको समस्या भएको हैन,’ घिमिरेले भने, ‘मुखको स्वास्थ्यमा ध्यान नदिँदा क्यान्सर, मुटुरोग, मिर्गौैलाजस्ता रोगको समस्या भएको हो ।’ उनले स्वास्थ्य मन्त्रालयले सबै रोगको विषयमा सहयोग गरेको भए पनि मुख स्वास्थ्यका विषयमा सामान्य सहयोगसमेत नगरेको आरोप लगाए । मधुमेह, उच्च रक्तचाप, क्यान्सरलगायतका रोग छ–छैन भनेर मुखको सम्पूर्ण जाँच गर्दा थाहा पाउन सकिने हुँदा मुख स्वास्थ्यमा विशेष ध्यान दिनुपर्ने डा. घिमिरेले बताए ।