एमालेका कारण मुलुक अनिर्णयको बन्दी : देउवा - Naya Patrika
Naya Patrika
Follow Us
© 2017 Naya Prakasan Pvt. Ltd.

प्रमुख प्रतिपक्षी दल एमालेले चुनावी तयारीसँगै ‘पच्चीसवर्षे विकास र समृद्धिको दीर्घकालीन’ योजनासम्बन्धी गृहकार्य अघि बढाएको छ । अध्यक्ष केपी शर्मा ओली, वरिष्ठ नेता झलनाथ खनाल र माधवकुमार नेपालसहितका शीर्ष नेताको…
पूरा पढ्नुहोस् »

काठमाडौं । प्रदर्शनीमार्गस्थित रत्नराज्य लक्ष्मी क्याम्पसमा रोकिएको स्ववियु निर्वाचन केहीबेर अघिबाट शुरु भएको छ । चैत्र २ गतेको सर्वोच्च अदालतको आदेश अनुसार आज आरआर क्याम्पसमा स्ववियु निर्वाचन भएको हो ।…
पूरा पढ्नुहोस् »

कुनै जमाना थियो, रेखा थापाको अभिनयभन्दा स्कर्टको चर्चा बढी हुन्थ्यो । छोटा–छोटा कपडामा ठाँटिएर हिँड्ने रेखा फिल्ममा पनि यस्तै ड्रेसअप गर्थिन् । तर, बिस्तारै फरक–फरक ड्रेसमा देखिन थालिन् । फिल्ममा…
पूरा पढ्नुहोस् »

  भरालो चिस्यान पाखा भएको जमिनमा उत्पादन हुने अलैँची धेरैले मसलाको रूपमा प्रयोग गर्छन् । यसको सुगन्धित बियाँबाट किनिवली नामक उडनशील सुगन्धित औषधीय र मसलाको गुणयुक्त तेल प्राप्त हुन्छ ।…
पूरा पढ्नुहोस् »

प्रेस तथा अभिव्यक्ति स्वतन्त्रता, मानवअधिकारको सम्मान र विधिको शासनजस्ता आधारभूत मूल्यको सम्मान गरिने नवनिर्वाचित नेतृ कारी लामको प्रतिबद्धता चीनको स्वायत्त क्षेत्र हङकङमा पहिलोपटक महिला नेतृ निर्वाचित भएकी छिन् । बेइजिङको…
पूरा पढ्नुहोस् »

युवा खेलाडीको बाहुल्य रहेको नेपाली राष्ट्रिय क्रिकेट टोलीले एसिसी इमर्जिङ टिम्स एसिया कपको आफ्नो पहिलो खेलमा पाकिस्तानको यू–२३ टोलीसँग सोमबार प्रतिस्पर्धा गर्दै छ । बंगलादेशको कक्स बजारमा हुने खेललाई नेपालले…
पूरा पढ्नुहोस् »

आत्मसमीक्षाको घडी झन्डै सात दशकसम्म देश र प्रजातन्त्रका लागि लडेको कांग्रेस आज इतिहासको संगीन मोडमा आइपुगेको छ । एक वर्षअघि सम्पन्न १३आैँ महाधिवेशनपछि हामी सबैले पार्टीलाई पुनर्जीवन दिने संकल्प र…
पूरा पढ्नुहोस् »

पूर्वअर्थमन्त्री एवं नेपाली कांग्रेसका केन्द्रीय सदस्य डा. रामशरण महत मुलुकको राष्ट्रिय राजनीतिमा प्रभावशाली छन्, अर्थविज्ञका हैसियतले पनि । अर्थशास्त्रमा विद्यावारिधि (पिएचडी) गरेका डा. महतले राष्ट्रिय योजना आयोगको उपाध्यक्ष हुँदै पटक–पटक…
पूरा पढ्नुहोस् »

भूकम्पबाट क्षतिग्रस्त संरचना पुनर्निर्माणका लागि सरकारी तवरबाट उपलब्ध गराइने सहयोगको संयोजन र पुनर्निर्माणका सबै कार्य व्यवस्थापन गर्न स्थापित पुनर्निर्माण प्राधिकरणको काम अझै पनि सन्तोषजनक ढंगले अघि बढेको छैन । प्रारम्भमै…
पूरा पढ्नुहोस् »

काठमाडौं/फिल्म पत्रकार तथा समीक्षक दीपेन्द्र लामाको लेखन र निर्देशनमा बनेको फिल्म ‘घामपानी’को ट्रेलर सार्वजनिक गरिएको छ । वैशाख १ गते प्रदर्शन हुने फिल्म अन्तर्जातीय प्रेमकथामा बुनिएको छ । फिल्ममा दयाहाङ…
पूरा पढ्नुहोस् »

नयाँ पत्रिका   |   चैत ०८, २०७३

काठमाडौं/कांग्रेस सभापति शेरबहादुर देउवाले एमालेले विनाकारण बखेडा झिकेकाले संविधान संशोधन प्रस्ताव पास हुन नसक्दा मुलुक अनिर्णयको बन्दी बनेको आरोप लगाएका छन् । गिरिजाप्रसाद कोइरालाको साऔँ पुण्य स्मृतिदिवसमा सोमबार आयोजित ‘गिरिजाप्रसाद कोइराला, संविधान कार्यान्वयन र राजनीतिक दलहरू’ विषयक अन्तरक्रियामा देउवाले मुलुकको मूल कानुन संविधानले जनताको भावनाको कदर गर्न सक्नुपर्ने बताए ।

‘संविधानको परिभाषाभित्र उत्तरपन्थी, दक्षिणपन्थी, पूर्वपन्थी वा पश्चिमपन्थी केही किटान गरिएको हुँदैन । संविधानले मुलुकमा बसोबास गर्ने सबै नागरिकको भावनाको कदर गर्नुपर्छ,’ देउवाले भने, ‘हिमाल र पहाडमा बस्ने मानिसले पाउने अधिकार मधेसमा बस्नेहरूले पनि पाउनुपर्ने हो । तर, एमालेको तर्कविहीन बखेडाका कारण संविधान संशोधन गरी मधेसका अधिकार संविधानमा समाहित गर्न अप्ठ्यारो भइरहेको छ । जसका कारण मुलुक अनिर्णयको बन्दी बनिरहेको छ ।’

पहाड र मधेसबीचको सद्भाव नबिथोल्न आग्रह
संविधानले महिला, दलित, आदिवासी जनजाति, पिछडिएको क्षेत्रका भावनाको कदर गरेपछि मधेसको भावनाको कदर गर्न राज्य हिचकिचाउनु नहुने उनको भनाइ थियो । तर, पछिल्लो समय एमालेका क्रियाकलापले पहाड र मधेसबीचको सद्भाव बिथोलिने सम्भावना रहेको भन्दै देउवाले त्यस्ता गतिविधि बन्द गर्न आग्रह गरे । हिमाल, पहाड र तराईलाई विभाजन गरी एकता भाँड्ने षड्यन्त्र भइरहेको देउवाको भनाइ थियो । ‘तराई, पहाड र हिमालमा बस्ने सबै नेपालीबीच फाटो ल्याउने षड्यन्त्र भइरहेको छ, यसलाई चिर्न पनि कांग्रेसले निर्वाचनलाई सफल पार्न जरुरी छ,’ उनले भने ।

स्थानीय निर्वाचन रोकिन्न
सरकारले घोषणा गरेको स्थानीय तहको निर्वाचन कुनै हालतमा नरोकिने देउवाको भनाइ थियो । उनले निर्वाचन हुन्न कि भन्ने शंका नगरी तयारीमा जुट्न कार्यकर्तालाई निर्देशन दिए । ‘चुनाव नभए संवैधानिक संकट आउँछ । यसले लोकतन्त्र खतरामा पर्छ,’ देउवाले भने, ‘चुनाव नहुने कुरै छैन, चुनाव हुन्छ, हुन्छ, हुन्छ । यसमा शंका नगर्नुस्, पार्टी र आफूले कसरी जित्ने हो, त्यसको तयारीमा आजैदेखि लाग्नुस् ।’

समस्या समाधान गर्ने हिम्मत कांग्रेससँग मात्र
नेता कृष्णप्रसाद सिटौलाले देशमा देखिएको समस्या समाधान गर्ने हिम्मत राख्ने कांग्रेस मात्रै रहेको बताए । ‘कांग्रेसका पूर्वसभापति तथा पूर्वप्रधानमन्त्री गिरिजाप्रसाद कोइरालाको उद्देश्य युद्धरत माओवादीको बन्दुक र राजाको गद्दी खोस्नु थियो, त्यो पूरा गरेर छोड्नुभयो,’ सिटौलाले भने, ‘उहाँले जनतामा पूर्ण प्रजातन्त्र ल्याउँछौँ भनेर बोल्नुभयो, व्यवहारमा कार्यान्वयन गरेर पनि देखाउनुभयो । संविधानसभामार्फत संविधान जारी गर्ने कार्यको अगुवाइ पनि कांग्रेसले गर्यो‍ ।’

गिरिजाबाबु राष्ट्रियताका पक्षमा दृढ नेता
माओवादी केन्द्रका नेता अमिक शेरचनले गिरिजाबाबु राष्ट्रियताका पक्षमा दृढ रहेर राष्ट्रको हितमा काम गर्ने नेता रहेको बताए । आफू राष्ट्रप्रमुख भएर मुलुकलाई भुटानीकरण गर्ने प्रस्ताव आउँदासमेत गिरिजाप्रसादले अस्वीकार गरी राष्ट्रलाई सार्वभौम र स्वतन्त्र राख्न संघर्ष गरिरहेको उनको भनाइ थियो । गिरिजाप्रसादलाई मुलुकको पहिलो राष्ट्रपति बनाएको भए यतिवेलासम्म संविधान निर्माण भएर कार्यान्वयन भई संस्थागत भइसकेको हुने उनको जिकिर थियो । माले महासचिव सिपी मैनालीले मधेसको माग पूरा गरेर स्थानीय तहको निर्वाचन गर्ने कुनै पनि सम्भावना नरहेको बताए । संशोधन पारित गरेपछि मात्रै निर्वाचन गर्ने भन्नु निर्वाचन बिथोल्ने षड्यन्त्र हुने मैनालीको भनाइ थियो ।