सत्तापक्ष र प्रतिपक्षी सांसदबीच जुहारी - Naya Patrika
© 2017 Naya Prakasan Pvt. Ltd.

राजेश हमाल, अभिनेता प्रायः दसैँमा म देशबाहिर नै हुन्छु । दिदीबहिनी अमेरिकामा भएकाले यसपालि पनि उतै जाने योजना बनाएको छु । टीकाको दिन मेरो आमाको श्राद्ध पर्छ । त्यसैले म…
पूरा पढ्नुहोस् »

मेष स्वास्थ्य: खानपानका कारण केही पेटको समस्याले सताउनेछ । शरीरमा आलस्यताले सताउला । पिरो एवं चिल्लो पदार्थ खानपानमा कम गरे उपयोगी रहला । रोजगारी: बाधा अड्चनका बीच वैदेशिक रोजगारीका काम…
पूरा पढ्नुहोस् »

काठमाडौं उपत्यकामा दसैँका लागि खसी, बोका र च्याङ्ग्रा आयात तिब्र भएको छ । व्यवसायीले कलंकीमा खसी बजार नै संचालन गरेका छन् । त्यहाँ खसी, बोका खरिद गर्ने र बिक्री गर्नेको…
पूरा पढ्नुहोस् »

लक्ष्मी काफ्ले/नयाँ पत्रिका झापामा यस सिजनको पहिलो गोल्डकप शिवसताक्षी नगरपालिकाको दुधेमा सुरु भएको छ । दूधे युथ क्लबले आयोजना गरेको पहिलो संस्करणको दुधे गोल्डकप बुधबारबाट सुरु भएको हो । विजया…
पूरा पढ्नुहोस् »

कांग्रेस सभापति शेरबहादुर देउवा प्रधानमन्त्री छन् । संसद्को सबैभन्दा ठूलो दलको सभापति भएपछि संसदीय गणित मिलाएर उनी प्रधानमन्त्री हुनु स्वाभाविक पनि हो । संसदीय या उदारवादी लोकतन्त्र पनि अरू अर्धलोकतन्त्र…
पूरा पढ्नुहोस् »

पछिल्लो अभ्युदयको वर्ष २००७ लाई मानिएको छ । त्यो वर्ष सैनिक सामन्तवादको नेतृत्व गरिरहेको राणाशाहीतन्त्र समाप्त भएको थियो । त्यसपछि २०१५ मा पहिलो आमनिर्वाचन, जनप्रतिनिधिको रूपमा सर्वसाधारणबाट प्रधानमन्त्रीको बहाल भयो…
पूरा पढ्नुहोस् »

जम्मा २९ दिन पदावधि रहेका प्रतिनिधिसभा संसद्का सदस्य जानुअघि फेरि अर्को कर्तुतमा सामेल भएका छन् । यसपटक उनीहरूले निर्वाचनलाई सीधै प्रभावित गर्ने गरी सरकारले व्यवस्था गरेको सांसद विकास कोषबाट ५०…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका   |   चैत ०८, २०७३

काठमाडौं/संसद्मा सत्तापक्ष र प्रतिपक्षी दलका सांसदहरूबीच आरोप–प्रत्यारोप चलेको छ । सोमबारको संसद् बैठकमा राष्ट्रवाद र लम्पसारवादको विषयमा सत्ता–प्रतिपक्षी सांसदबीच आरोप प्रत्यारोप चलेको हो । संविधान संशोधन प्रस्ताव संसद्को कार्यसूचीमा नल्याइएको र सप्तरी गोलीकाण्डको विरोधमा संसद्मा नाराबाजी गर्दै मधेसी मोर्चाले संसद् बैठक बहिष्कार गरेपछि सत्ता र प्रतिपक्षका सांसद आरोप–प्रत्यारोपमा उत्रेका हुन् ।

संसद्मा विशेष समय लिएर कांग्रेस सांसद रामहरि खतिवडाले प्रतिपक्षी एमालेको मेची–महाकाली अभियानमा सो पार्टीका नेताहरूको अभिव्यक्तिले देशमा अफवाह फैलाउने काम गरेको अरोप लगाएपछि सत्ता–प्रतिपक्षी नेताहरूबीच जुहारी चलेको हो । ‘देश अहिले अप्ठ्यारो अवस्थामा छ । प्रतिपक्ष दलले अरूको अस्तित्व नै नस्विकार्दै देशमा अफवाह फैलाउँदै हिँडेको छ,’ खतिवडाले भने, ‘एमाले अरूको अस्तित्व स्वीकार नगर्ने बाटोमा गएको छ । अरू दलै होइनन् भनेर उहाँहरू हिँड्नुभएको छ ।’

संसद् बैठक बहिष्कार गर्ने, तर तलबभत्ताचाहिँ बुझ्ने
सांसद खतिवडाले सत्तापक्षले पनि प्रतिपक्षलाई साथमा लिएर काम गर्न नसकेको आरोप लगाए । उनले संसद् बैठक बहिष्कार गर्दै हिँडेका मधेसी दलका नेताहरूप्रति पनि तिखो व्यंग्य गरे । ‘मधेसी मोर्चा संसद् बहिष्कार गर्ने भन्दै हिँडेको छ । तलबभत्ता बुझ्ने अनि जनप्रतिनिधि गाउँमा जानुपर्नेमा चुनावको विरोध गर्ने ?’ खतिवडाले मोर्चा नेताहरूप्रति प्रश्न गरे । उनले निर्वाचन आयोगको गतिविधिप्रति पनि असन्तुष्टि जनाए ।

खतिवडाको भनाइप्रति भीम रावलको प्रतिवाद
एमाले उपाध्यक्ष भीम रावलले राजनीतिक दलले गर्ने कार्यक्रमलाई अराजक देख्ने भन्दै खतिवडाको अभिव्यक्तिको संसद्मै प्रतिवाद गरेका थिए । ‘कुनै राजनीतिक दलको शान्तिपूर्ण कार्यक्रमलाई अराजकता देख्ने दलको सिद्धान्तमाथि जनताले प्रश्न उठाएका छन् । आफू पनि जनतामा नजाने र जानेलाई अराजक भन्नेहरूको पेट्रोल बम बोकेर शान्तिपूर्ण सभामा आक्रमण गर्नेसँग सम्बन्ध त छैन ?’ रावलले भने । उनले मोर्चालाई आफू लोकप्रिय भएको लागे चुनावमा भाग लिएर परीक्षामा सहभागी हुन आग्रह गरे । ‘अरूले संविधानको कुराभन्दा पेट्रोल बम हान्न आउने अनि लोकतन्त्रको दुहाइ दिएर किन गोहीको आँसु खसाल्ने ?’ रावलले भने ।

तराई र पहाडे अतिवादबाट मुक्त हुन मोदीको आग्रह
माओवादी केन्द्रका सांसद अमनलाल मोदीले अहिले तराई मधेसविनाको राष्ट्रियता र पहाडविनाको राष्ट्रियताको बहस भइरहेको भन्दै यी दुवै अतिवादबाट मुक्त हुनुपर्ने बताए । ‘यदि कसैले लम्पसारवादको आरोप लगाउने हो भने इतिहासमा कुनै थारू वा मधेसीले देशको अहितमा कुनै सन्धि र सम्झौता गरेका छैनन्,’ मोदीले भने, ‘अहिलेको सरकार लम्पसारवादी हो भने इतिहासमा सन्धि सम्झौता गर्ने शासकहरू पनि लम्पसारवादी हुन् । कुनै पनि थारू मधेसीले सन्धि सम्झौता गरेका छैनन् ।’

संसद् बैठकको सुरुमा मधेसी मोर्चाका तर्फबाट सांसद डिम्पलकुमारी झाले सरकार गठनअगाडि नै अहिलेको सरकारमा रहेका नेता र पार्टीले संविधान संशोधनको सहमति मधेसीसँग गरेको स्मरण गराएकी थिइन् । उनले सरकार बनाउने वेला मधेसी मोर्चासँग सहमति गर्ने, तर त्यसलाई कार्यान्वयन भने नगर्ने प्रवृत्ति देखिएको आरोप लगाइन् । झाले बोलेपछि मोर्चाका सांसदहरू नाराबाजी गर्दै संसद् बैठक बहिष्कार गरी हिँडेका थिए ।

दुई विधेयक पारित
संसद्ले निर्वाचन क्षेत्र निर्धारण विधेयक २०७३ पारित गरेको छ । संसद् बैठकमा कानुनमन्त्री अजयशंकर नायकले विधेयक पारित गरियोस् भनी प्रस्ताव पेस गरेका थिए । प्रस्तावमाथि विभिन्न दलका सांसदले छलफलमा भाग लिएपछि बहुमतले पारित गरिएको हो । त्यसैगरी, संसद्ले कार्यपालिका र नगरपालिकाको वडाको संख्या निर्धारण विधेयक पनि पारित गरेको छ । विधेयकमाथि परेका संशोधन प्रस्तावहरूमध्ये नेमकिपाका सांसदहरूबाहेक अन्यले फिर्ता लिएपछि विधेयक बहुमतले पारित भएको हो । सो विधेयकमा गुरु बुर्लाकोटी, राजेन्द्र पाण्डे, रामनारायण बिडारीलगायतका सांसदहरूले संशोधन प्रस्ताव दर्ता गराएका थिए ।