निर्वाचनका वेला मात्रै कुरा उठ्ने टरिगाउँ विमानस्थल - Naya Patrika
Naya Patrika
Follow Us
© 2017 Naya Prakasan Pvt. Ltd.

स्थानीय निर्वाचन हुन डेढ महिना मात्रै बाँकी हुँदा पनि सरकार, निर्वाचन आयोग, राजनीतिक दल र मतदाता अन्योलमै १) मोर्चाको आन्दोलन संविधान संशोधन नगरी निर्वाचनमा सहभागी नहुने बताउँदै आएको मधेसी मोर्चा…
पूरा पढ्नुहोस् »

राष्ट्रपति विद्यादेवी भण्डारीले भारतीय स्थलसेनाका प्रधानसेनापति विपिन रावतलाई बुधबार नेपाली सेनाको मानार्थ महारथीको दज्र्यानी चिह्न प्रदान गरेकी छिन् । शीतलनिवासमा आयोजित विशेष समारोहमा राष्ट्रपतिले भारतीय प्रधानसेनापतिलाई महारथीको दज्र्यानी चिह्न, खड्ग…
पूरा पढ्नुहोस् »

नेपालजस्तै भूपरिवेष्टित देश लक्जेम्बर्गको प्रथम राजदूतका रूपमा काठमाडौं आउँदा मलाई साँच्चै आनन्द लागेको छ । यद्यपि, काठमाडौंमा दूतावास छैन, त्यसैले दिल्लीस्थित दूतावासबाटै नेपाल मामिला हेर्ने गरिएको छ । डिसेम्बर २०१६…
पूरा पढ्नुहोस् »

युरोपियन मुलुकहरूका महिलाहरूले अत्यधिक रुचाउने पहिरन स्कर्ट नेपाली महिलाहरूको रोजाइमा पनि पर्न थालेको छ । विदेशी महिलाहरूहरेक सभा–समारोहमा स्कर्ट लगाउन मन पराउँछन् । सबै उमेर समूहका महिलाहरूलाई सुहाउने तथा लगाउन…
पूरा पढ्नुहोस् »

चालू आर्थिक वर्ष ०७३-७४ को बजेट आउनेबित्तिकै सरकार परिवर्तन भयो । संसद्बाट पूर्ण रूपमा बजेट पास नहुँदै सरकार ढलेकाले वर्तमान सरकारले बजेटको कार्यान्वयनको जिम्मा पायो । बजेट कार्यान्वयन प्रभावकारी गर्न…
पूरा पढ्नुहोस् »

अमेरिकी राष्ट्रपति डोनाल्ड ट्रम्पले जलवायु परिवर्तन नियन्त्रणसम्बन्धी बाराक ओबामा प्रशासनका नीतिहरू खारेज गर्ने कार्यकारी आदेशमा हस्ताक्षर गरेका छन् । ह्वाइटहाउसमा आयोजित एक समारोहमा ट्रम्पले जलवायु परिवर्तनसम्बन्धी पूर्वराष्ट्रपति बाराक ओबामाको नीति…
पूरा पढ्नुहोस् »

बङ्गलादेशमा जारी एसीसी इमर्जिङ टिम्स क्रिकेट प्रतियोगिताअन्तर्गत दोस्रो खेलमा आयोजक बङ्गलादेशले नेपाललाई २५८ रनको लक्ष्य दिएको छ । मंगलबार टस जितेपछि नेपालले फिल्डिङ रोजेर बङ्गलादेशलाई पहिले ब्याटिङको निम्तो दिएको थियो…
पूरा पढ्नुहोस् »

वैशाख ३१ मा स्थानीय तहको निर्वाचन मिति घोषणा भएलगत्तै विभिन्न राजनीतिक दल आ–आफ्ना एजेन्डा लिएर जनतामाझ पुग्ने परम्पराको निरन्तरताको कार्यले बिस्तारै तीव्रता लिँदै छ । गाउँघरतिर नेताका अनुहार देखिन थालिएकाले…
पूरा पढ्नुहोस् »

ब्वाइज कट हेयर स्टाइल, ब्ल्याक जिन्स पाइन्ट, लङ ब्ल्याक ज्याकेट र गगल्स पनि ब्ल्याक । सुजाता कोइरालाको गेटअपमा खासै परिवर्तन थिएन, पहिलेभन्दा । तर, पदचापले संकेत गथ्र्यो, शारीरिक शक्ति केही…
पूरा पढ्नुहोस् »

एसियाली विकास बैंक र अन्तर्राष्ट्रिय मुद्रा कोषले नेपालको यस आर्थिक वर्षको आर्थिक वृद्धिदर ६.२ प्रतिशतसम्म पुग्न सक्ने अनुमान गरेका छन् । नेपाल सरकारको अर्थ मन्त्रालयले ६.५ प्रतिशत वृद्धि लक्ष्य प्राप्त…
पूरा पढ्नुहोस् »

काठमाडौं/फिल्म पत्रकार तथा समीक्षक दीपेन्द्र लामाको लेखन र निर्देशनमा बनेको फिल्म ‘घामपानी’को ट्रेलर सार्वजनिक गरिएको छ । वैशाख १ गते प्रदर्शन हुने फिल्म अन्तर्जातीय प्रेमकथामा बुनिएको छ । फिल्ममा दयाहाङ…
पूरा पढ्नुहोस् »

भूपेन्द्र वली, तुलसीपुर   |   चैत ०७, २०७३

सबै किसिमका निर्वाचनमा उम्मेदवारले बाँड्ने सबैभन्दा चलेको आश्वासन हो दाङ तुलसीपुरस्थित टरिगाउँ विमानस्थल नियमित सञ्चालन । दाङका व्यवसायी, राजनैतिक दलका नेतालगायत सबैले आफ्नो मत भारी बनाउन जिल्लावासीबीच निर्वाचन र अन्य वेला पनि उक्त विमानस्थलमा नियमित जहाज उडाउने सपना बाँड्न भुल्दैनन् । तर, ०७० यता ठप्प टरिगाउँ विमानस्थलमा नियमित विमान भने उड्न सकेको छैन । ‘अब फेरि स्थानीय तहको निर्वाचन आउँदै छ । ‘फेरि विमानस्थल सञ्चालनबारे आश्वासन बाँड्न थालिसकेका छन्,’ तुलसीपुर ‘घ’ लाइनका देवीकुमार बस्नेतले भने, ‘तर, निर्वाचनमा जितेपछि आश्वासन कहिल्यै कार्यान्वयन भएन ।’ दाङको समग्र विकासका लागि टरिगाउँ विमानस्थलको नियमित सञ्चालन अपरिहार्य रहेको जिल्लावासीको भनाइ छ ।

कामविहीन कर्मचारी
विमानस्थलमा नियमित जहाज नउडेपछि विमानस्थलका कर्मचारी घाम तापेर दिन बिताउँछन् । हाल विमानस्थललाई सहयोगी केदार र रामप्रसाद चौधरीले रेखदेख गर्दे आएका छन् । वरिष्ठ अधिकृत प्रभास रञ्जन काजमा सोलुखुम्बुको लुक्ला विमानस्थलमा छन् । ‘कार्यालय आएर बस्ने र घाम तापेर दिन बिताउनेभन्दा अरू काम छैन,’ चौधरीले भने, ‘विमान चले काम पाइन्थ्यो कि । यात्रुको फोन आउँछ । विमान चल्ने नचल्नेबारे सोध्छन् । केही भन्न सक्दैनौँ ।’ उनीहरूले काम नगरी दिन बिताउन गाह्रो भएको बताए । उनीहरूले भने, ‘केही काम नगरी तलब खानु पनि राम्रो हुँदो रहेनछ । जहाज चले हामीले पनि काम पाउँथ्यौँ । ’

उड्दै, रोकिँदै जहाज
नियमित उडान भर्ने भन्दै विमानस्थल कालोपत्रे भएको तीन वर्ष भयो । कालोपत्रे भएपछि एक वर्ष जति गोमा एयरलाइन्सले सातामा दुईपटक जहाज चलायो । तर, निरन्तरता दिएन । ‘११ फागुन ०११ मा परीक्षण उडान गरेपछि ०५२ सम्म यो विमानस्थलमा विमान चलेका थिए ।’ २८ वर्षदेखि टरिगाउँ विमानस्थलमा कार्यरत नागरिक उड्डयन प्रधिकरण दाङका कार्यालय सहयोगी केदार चौधरीले भने, ‘०५२ मा एक्कासि इन्धन र यात्रु अभाव छ भन्दै उडान बन्द भयो । त्यसपछि नियमित जहाज उड्न सकेन ।’ ०६० मा फेरि नेपाल वायु सेवा, सीता र यती एयरलाइन्सले जहाज उडाउन थालेको उनले बताए । ०६६ सम्म लगातार उडान भयो । ०६७ देखि ०७० सम्म विमानस्थल कालोपत्रे गर्न थालेपछि उडान बन्द भएको
उनले बताए ।

तीन किसिमको अवधारणा
३६ बिघा १० कट्ठा १० धुर जग्गामा टरिगाँउ विमानस्थल फैलिएको छ । विमानस्थल सञ्चालन हुन नसकेपछि गत पुसमा तत्कालीन सिँचाइमन्त्री दीपक गिरीले पर्यटन तथा नागरिक उड्डयनमन्त्री जीवनबहादुर शाहीलगायत मन्त्रालयको प्राविधिक टोली ल्याएर विमानस्थलको अवलोकन गराएका थिए । अवलोकनका क्रममा मन्त्री शाहीले विमानस्थलको लम्बाइ कम भएकाले विमान चलाउन नसकिएको बताएका थिए । अवलोकनपछि उक्त टोलीले विमानस्थल सञ्चालनबारे मन्त्रालयमा तीन किसिमको अवधारणा पेस गरेको सुन्नमा आएको तुलसीपुर उद्योग वाणिज्य संघका अध्यक्ष विमल रिजालले बताए ।

पहिलो हालकै संरचनालाई १२ सय ५० मिटर बनाउने गरी पूर्व ग्वारखोलातर्फ विस्तार गर्ने, दोस्रो विमानस्थलको हालको धाबनमार्गलाई परिवर्तन गर्ने र तेस्रो वरपरको जग्गा अधिग्रहण गरी १८ सय मिटर लम्बाइ पु¥याउने गरी प्रतिवेदन पेस भएको रिजालले बताए । ‘अहिले त मन्त्रीज्यू पनि फेरिइसक्नुभएको छ । विगतजस्तै फाइल अलपत्र पर्ने सम्भावना छ,’ उनले भने । यद्यपि, केही समयपछि पुनः विमानस्थल सञ्चालनका लागि दबाब दिन काठमाडौं जाने तयारी रहेको उनले बताए । उनले भने, ‘नयाँ मन्त्रीज्यूले सहयोग गरे विमानस्थल सञ्चालनमा आउने आशा राख्न सकिन्छ ।’