ओलम्पिक भवनमा ताला फोड्ने र लगाउने प्रतिस्पर्धा - Naya Patrika
© 2017 Naya Prakasan Pvt. Ltd.

दसैँको मुखमै आएर प्रा. डा गोविन्द केसीले १२ औं अनशन थालेका छन् । चिकित्सा शिक्षा सुधारको माग राख्दै पटक–पटक अनशन बसेका उनले यो यटक संसदमा विचाराधिन रहेको चिकित्सा शिक्षा विधेयकलाई लिएर…
पूरा पढ्नुहोस् »

बलिउड अभिनेत्री दीपिका पादुकोण र रणवीर सिंहको प्रेमकहानीबारे सबैलाई थाहै छ । उनीहरू लामो समयदेखि प्रेममा छन् । तर, यसबारे दुवैजनाले खुलेर भने कहिल्यै बोलेका छैनन् । ‘रिल’ लाइफमा दर्शकले…
पूरा पढ्नुहोस् »

दसैँले हामीहरूको घर–आँगन टेकिसकेको छ । यो वेलामा सहरबाट गाउँ जानेहरूको भिड हुन्छ । गाउँमा आफ्ना आफन्त, पाहुना आएका हुन्छन् । विभिन्न प्रकारका फलफूल, बजारमा पाइने मिठाईहरू लैजाने चलन छ…
पूरा पढ्नुहोस् »

मुलुक संघीयतामा गइसकेको परिस्थितिमा यसको कार्यान्वयनका लागि राजस्व परिचालन अत्यन्तै महत्वपूर्ण हुन्छ । त्यसमा पनि आत्मनिर्भर अर्थतन्त्र निर्माणका लागि आन्तरिक राजस्व परिचालन अझ महत्वपूर्ण हुन्छ । संघीयता कार्यान्वयन गर्दै जाँदा…
पूरा पढ्नुहोस् »

वासिंटन/अमेरिकी बमवर्षक र युद्धक विमान उत्तर कोरियाली सामुद्रिक सीमाको आकाशमा शक्ति प्रदर्शन गरिरहेका छन् । अमेरिकी क्षेत्र गुआम र जापानको ओकिनावाबाट कोरियाली आकाशमाथि ती विमान उडेका हुन् । अमेरिकी राष्ट्रपति…
पूरा पढ्नुहोस् »

आठौँ लिगलिगे दौड २०७४ को उपाधि नेपाल आर्मीका खगेन्द्र रानाभाटले जितेका छन् । चेपेघाटदेखि लिगलिगकोट सम्मको निर्धारित दुरी १ घण्टा दुइ मिनेटमा पार गर्दै डोटी घर भएका रानाभाटले उपाधि जितेका…
पूरा पढ्नुहोस् »

चीन सरकारको केन्द्रीय तथ्यांक निकाय नेसनल ब्युरो अफ स्टाटिस्टिक्सका अनुसार सन् २०१७ को पहिलो पाँचमहिने अवधिमा रोबोट उत्पादन गत वर्ष सोही अवधिको तुलनामा करिब ५० दशमलव ४ प्रतिशतले वृद्धि भएको…
पूरा पढ्नुहोस् »

प्रस्तुतिः अच्युत पुरी एसिया प्यासिफिक ट्राभल एसोसिएसन (पाटा) अन्तर्राष्ट्रियको वार्षिक कार्यक्रमअनुसार यस वर्ष पाटा ट्राभल मार्टको आयोजना गर्ने अवसर मकाउले पायो । एसिया प्यासिफिक क्षेत्रका ६० भन्दा बढी मुलुकका पर्यटनसँग…
पूरा पढ्नुहोस् »

स्थानीय तहको अन्तिम चरणको परिणाम आइरहेकै वेला दलहरू आउने मंसिरमा हुने प्रतिनिधिसभा र प्रदेशसभा सदस्यका लागि उम्मेदवार छनोटको गृहकार्यमा जुटेका छन् । आउने २९ असोजमा समानुपातिकतर्फका दुवै तहका उम्मेदवारको नाम…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

सीताराम कोइराला, काठमाडौं   |   चैत ०७, २०७३

श्रेष्ठ अध्यक्ष रहेको अन्तर्राष्ट्रिय मान्यताप्राप्त ओलम्पिक कमिटीका पदाधिकारीले ताला लाग्दा दैनिक काममा असर गरेको भन्दै आइतबार भवनमा लगाएको ताला फोडे श्रेष्ठ पक्षले ताला फोडेको केही समयपछि राणा अध्यक्ष ओलम्पिक कमिटीका पदाधिकारी पुनः ओलम्पिक भवनमा ताला लगाउन सफल

अन्तर्राष्ट्रिय मान्यताप्राप्त नेपाल ओलम्पिक कमिटीले सातदोबाटोस्थित मुख्य भवनमा लागेको ताला ५६ दिनपछि फोडेको छ । तर, सर्वाेच्च अदालतबाट वैधानिकता पाएको ओलम्पिक कमिटीले भवनमा केही घन्टामै फेरि ताला लगाएको छ । जीवनराम श्रेष्ठ अध्यक्ष रहेको अन्तर्राष्ट्रिय मान्यताप्राप्त ओलम्पिक कमिटीका पदाधिकारीले ताला लाग्दा दैनिक काममा असर गरेको भन्दै आइतबार भवनमा लगाएको ताला फोडेका हुन् । यसअघि १० माघमा राणा पक्षले भवनमा तालाबन्दी गरेको थियो । ललितपुर जिल्ला प्रशासन कार्यालयको सहयोगमा राणा पक्षले ओलम्पिक भवनको मुख्य ढोकामा ताला लगाएको थियो ।

दैनिक कार्यसञ्चालनका लागि ताला फोड्यौँ
अन्तर्राष्ट्रिय मान्यताप्राप्त ओलम्पिक कमिटीका महासचिव लामाटेन्डी शेर्पाले दैनिक काम गर्न अप्ठ्यारो परेकाले ताला फोडेको बताए । ‘हामीले वार्तामार्फत समस्या समाधान हुन्छ भनेर झन्डै दुई महिना कुर्‍यौँ तर कुनै प्रगति भएन,’ लामाले नयाँ पत्रिकासँग भने, ‘दैनिक कार्य सञ्चालनका लागि कर्मचारीलाई भित्र प्रवेश गराउन ताला फोडेका हौँ ।’
लामाले अहिले पनि वार्तामार्फत समस्या समाधान गर्न सकारात्मक रहेको बताउँदै राणा पक्षलाई गम्भीर हुन आग्रह गरे । ‘हामी अदालतको निर्णयलाई सम्मान गर्छाैं,’ लामाले भने, ‘तर जसलाई अन्तर्राष्ट्रिय मान्यता छ त्यसले ओलम्पिक गतिविधि गर्ने हो ।’

५० जनाको समूहले फोड्यो ताला
ओलम्पिक भवनलाई विगत दुई महिनादेखि प्रहरीले सुरक्षा दिएको छ । ‘आइतबार बिहान ५० जनाको समूहले भवनको मुख्य गेटमा लगाएका ताला फोडेको थियो,’ महानगरीय प्रहरी वृत्तका डिएसपी रामेश्वर यादवले भने, ‘उनीहरू भवन हातामा प्रवेश गरे पनि भवनभित्र भने हामीले प्रवेश गर्न दिएनौँ ।’ यादवका अनुसार ताला फोडेपछि एउटा गाडी परिसरमा प्रवेश गरेको थियो । ‘हामीले सिडिओ कार्यालयको निर्देशनअनुसार भवनलाई सुरक्षा दिएका हौँ,’ यादवले भने, ‘भवनमा ताला फोड्न आएको समूहलाईनिकालेपछि फेरि तालाबन्दी गरिएको छ ।’
भवनबाट छिटै काम थाल्छौँ
राणा पक्षका वरिष्ठ उपाध्यक्ष किशोरबाहदुर सिंहले ओलम्पिक भवनबाट छिटै काम गर्ने बताए । ‘अहिले पनि आफ्ना गतिविधि सञ्चालन गर्दै आएका छौँ,’ सिंहले भने, ‘केही दिनपछि भवनबाटै काम गर्छौैं ।’ सिंहले प्रहरीको सहयोगमा भवनमा फेरि ताला लगाएको बताए । ‘केही व्यक्तिले हामीले लगाएको ताला फेडेका रहेछन्,’ सिंहले भने, ‘हामीले प्रशासनको सहयोगमा फेरि ताला लगाएका छौँ ।’

दुई महिनाअघिको तनाव
गत माघको दोस्रो साता ओलम्पिकको वैधानिकताको विषयमा १० वर्षदेखिको विवाद फेरि बल्झिएको थियो । अदालतबाट ०६७ मा वैधानिकता पाएको ओलम्पिक कमिटीका पदाधिकारी भवनमा कार्यालयमा प्रवेश गरेसँगै विवाद बल्झिएको थियो । भवनमा श्रेष्ठ नेतृत्वको ओलम्पिक कमिटीले काम–कारबाही गर्दै आएको थियो । वैधानिकताको विषयमा विवाद बढिरहँदा दुवै पक्षले सातदोबाटोस्थित भवन आ–आफ्नै मातहतमा रहेको दाबी गरिरहेका छन् ।

‘ओलम्पिक कमिटीलाई राष्ट्रिय खेलकुद परिषद्को बोर्ड बैठकले निर्णय गरेर जग्गा उपलब्ध गराएको हो,’ राणा पक्ष ओलम्पिक कमिटीका वरिष्ठ उपाध्यक्ष सिंहले भने, ‘यो भवनमा सर्वाेच्चबाट अवैधानिक ठहर कमिटी बस्ने कुनै अधिकार छैन ।’ श्रेष्ठ कमिटीका महासचिव शेर्पाले भवनबाट हट्नु भन्ने सूचना नआई कतै नजाने बताए ।

ओलम्पिक विवाद बढ्दै गएपछि खेलकुदमन्त्री दलजित श्रीपालीले दुवै पक्षसँग वार्ता गरे पनि ठोस निष्कर्ष भने निस्कन सकेको छैन । मन्त्रालयले नेपाल ओलम्पिक कमिटीको वैधानिकता र विवादका विषयमा दुई पक्षसँग बुधबार छुट्टा–छुट्टै छलफल गरेको थियो ।