योगीले लिए मुख्यमन्त्रीको शपथ - Naya Patrika
© 2017 Naya Prakasan Pvt. Ltd.

  बनेपा–७ स्थित बसपार्कमा गौतम भोजनालय नामको होटल सञ्चालन गर्दै आएका दाहाल परिवारको सहस्यमय मृत्यु भएपछि उन्पन्न विवाद समाधान भएको छ । बनेपा नगरपालिका–२ का वडा अध्यक्ष हरिशरण घिमिरेसहित दुई…
पूरा पढ्नुहोस् »

अस्वस्थ भई अस्पताल भर्ना भएका बुवा पूर्वराजा ज्ञानेन्द्र शाह निवास फर्किने क्रममा उनलाई लिन पूर्वयुवराज पारस नर्भिक इन्टरनेशनल हस्पिटल पुगेका थिए । सार्वजनिक जीवनमा त्यति नदेखिने पारस लामो कपालमा देखा…
पूरा पढ्नुहोस् »

अभिनेत्री सन्नी लियोन आमा बनेकी छिन् । सन्नी र डेनियल वेबरको जीवनमा एक बच्चीको आगमन भएको हो । केही दिनअघि मात्रै सन्नीले आमा बन्ने इच्छा सार्वजनिक गरेकी थिइन् । उनमा…
पूरा पढ्नुहोस् »

पछिल्लो समय काठमाडौंलगायत विभिन्न सहर धुलाम्मे छन् । पुराना सवारीसाधनले पनि वायु प्रदूषण गरिरहेका छन् । धुलोबाट नाक, छालामा एलर्जी हुने, रुघा लाग्ने, फोक्सोसम्बन्धी विभिन्न समस्या हुने गर्छन् । धुलोबाट…
पूरा पढ्नुहोस् »

दुई महिना यता लमजुङमा लोडसेडिङ बढ्न थालेको छ । जिल्लामा निर्माण सम्पन्न जलविद्युत आयोजनाहरुबाट बढी विद्युत उत्पादन हुँदा लोडसेडिङ बढेको हो । बढी उत्पादन भएकै कारण लमजुङका जनताले अघोषित लोडसेडिङको…
पूरा पढ्नुहोस् »

सीमा विवाद सावधानीपूर्वक अवलोकन गरिरहेको अमेरिकी विदेश मन्त्रालयका प्रवक्ताको भनाइ अमेरिकाले चीन र भारतबीचको सीमा विवादप्रति गहिरो चासो देखाएको छ । चीन, भारत र भुटानको सीमामा रहेको दोकलामबारे नयाँदिल्ली र…
पूरा पढ्नुहोस् »

चार वर्षको सम्झौता बाँकी रहेकाले ब्राजिलियन स्ट्राइकर नेमार बिक्रीमा नराखेको बार्सिलोनाका अध्यक्ष जोसेपले स्पष्ट पारे पेरिस सेन्ट जर्मन (पिएसजी)को कीर्तिमानी प्रस्ताव नकार्दै बार्सिलोनाले ब्राजिलियन स्ट्राइकर नेमारलाई प्रशिक्षणमा समावेश गरेको छ…
पूरा पढ्नुहोस् »

जीवनका आखिरी दशक (सन् १८७३–१८८३)मा कार्ल माक्र्स आर्थिक दृष्टिले निश्चिन्त भएका थिए । लन्डन प्रवासका प्रारम्भिक वर्षका दारुण दारिद्रय रहेको थिएन । पिताको देहान्तपछि फ्रेडरिक एंगेल्स फुक्का भएर माक्र्स र…
पूरा पढ्नुहोस् »

नेपाल कम्युनिस्ट पार्टी (नेकपा)का संस्थापक महासचिव हुन्, पुष्पलाल श्रेष्ठ । उनको निधन भएको ३९ वर्ष पूरा भइसकेको छ । अन्तर्राष्ट्रिय कम्युनिस्ट घोषणापत्रलाई नेपाली भाषामा अनुवाद गर्दै पार्टी सञ्चालनसम्बन्धी नीति र…
पूरा पढ्नुहोस् »

५५ वर्ष पहिले सीमायुद्ध लडेका हाम्रा दुई छिमेकी देश चीन र भारत फेरि एकपटक आमने–सामने उभिएका छन् । भारत, भुटान र चीनको सीमानजिक चीन र भुटानबीच रहेको विवादित भूमिमा चिनियाँ…
पूरा पढ्नुहोस् »

नयाँ पत्रिकाको न्युजरुममा अहिले सामाजिक अभियन्ता महावीर पुन उपस्थित छन् । उनीसँग उनको अभियान र नेपालमा प्रविधिको विकासका विषयमा अन्तरक्रिया भइरहेको छ । महावीर पुनसँगको अविस्मरणीय अन्तरक्रिया प्रत्यक्ष हेर्नका लागि…
पूरा पढ्नुहोस् »

एजेन्सी/नयाँदिल्ली   |   चैत ०७, २०७३

उत्तर प्रदेशमा बधशालामाथि प्रतिबन्ध नयाँ सरकारको मुख्य प्राथमिकता हुने भाजपाका वरिष्ठ नेताहरूको भनाइ

 

भारतीय जनता पार्टी (भाजपा)को तर्फबाट पाँच पटकसम्म लोकसभामा प्रतिनिधित्व गरेका कट्टर हिन्दुवादी नेता योगी आदित्यनाथले उत्तर प्रदेश (युपी)को मुख्यमन्त्रीको पद तथा गोपनीयताको शपथ लिएका छन् । आइतबार लखनउमा आयोजित विशेष समारोहमा योगीले सपथ लिएका हुन् । भाजपाका विधानसभा सदस्यहरूको शनिबार लखनउमा सम्पन्न बैठकले ४४ वर्षीय योगीलाई मुख्यमन्त्रीमा चयन गरेको थियो । सपथ समारोहमा प्रधानमन्त्री नरेन्द्र मोदी, भाजपा अध्यक्ष अमित साहलगायत भाजपाका उच्च तहका नेता र साधु तथा सन्तको उपस्थिति रहेको थियो । निवर्तमान मुख्यमन्त्री अखिलेश यादव र समाजवादी पार्टीका संस्थापक मुलायमसिंह यादव पनि सपथ समारोहमा सहभागी भएका थिए । आइतबार नै दुई उपमुख्यमन्त्री र ४९ मन्त्रीले पनि पद तथा गोपनीयताको सपथ लिएका छन् ।
भेदभाव हुनेछैन नवनियुक्त मुख्यमन्त्री योगीले सरकारले विनाभेदभाव समाजको सम्पूर्ण वर्गका लागि काम गर्ने बताएका छन् । निर्वाचनअघि पार्टीले गरेका संकल्प पूरा गर्ने उनले प्रतिबद्धता जनाए । मुख्यमन्त्री योगीले १५ दिनभित्र मन्त्रीमण्डलका सम्पूर्ण सदस्यलाई सम्पत्ति विवरण सार्वजनिक गर्न आग्रह गरेका छन् ।

 

‘अब उत्तम प्रदेश’

 

प्रधानमन्त्री नरेन्द्र मोदीले नवनिर्वाचित मुख्यमन्त्री योगीलाई बधाई तथा सफलताको शुभकामना दिएका छन् । योगी नेतृत्वको सरकारले उत्तर प्रदेशलाई उत्तम प्रदेश बनाउने विश्वास मोदीले व्यक्त गरे । ‘नयाँ सरकारले उत्तर प्रदेशलाई उत्तम प्रदेश बनाउन कुनै कसर बाँकी राख्ने छैन भन्नेमा पूर्ण रूपमा विश्वास छ,’ उनले भने । योगीको कार्यकालमा युपीको विकासले रेकर्ड तोड्नेसमेत उनले विश्वास व्यक्त गरे ।

 

२१ वर्षमा गृहत्याग

 

नवनियुक्त मुख्यमन्त्री योगी आदित्यनाथको जन्म राजपुत परिवारमा सन् १९७२ को जुन ५ मा भएको थियो । उनको वास्तविक नाम अजयसिंह विसेत हो । योगी हुनुभन्दा अगाडि उनी खासै चर्चामा थिएनन् । गणितमा स्नातक गरेका योगीले २१ वर्षकै उमेरमा घरपरिवार छाडेका थिए । महन्थ अवैद्यनाथको शिष्य बनेका उनी गोरखनाथको मुख्य पूजारीसमेत बनेका थिए ।

 

हिन्दूधर्मका ज्ञाता

 

घर छाडेपछि योगी सन्यासी बने । उनले हिन्दू धर्मसम्बन्धी  विभिन्न पुस्तक अध्ययन गरे र पाँच वर्षमै गुरु अवैद्यनाथको ‘प्रिय शिष्य’बन्न सफल भए । हिन्दू धर्मका ज्ञाता योगीले धर्मसम्बन्धी थुप्रै पुस्तक लेखेका छन् । योगीले विद्यालय तथा कलेज सञ्चालन गर्नुका साथै अस्पताल व्यवस्थापन गरेका थिए ।

 

२६ वर्षमा लोकसभाको सदस्य

 

योगी सन् १९९६ मा महन्थ अवैद्यनाथको निर्वाचन प्रचार प्रमुख बनेका थिए । सन् १९९८ मा महन्थले सक्रिय राजनीतिबाट विश्राम लिएपछि उनी महन्थको उत्तराधिकारी बने । सन् १९९८ मा लोकसभाको सदस्यमा निर्वाचित हुँदा उनी केवल २६ वर्षका थिए । त्यस यता लगातार पाँचपटकसम्म लोकसभामा निर्वाचित भएका छन् । योगी युपीमा भाजपाबाट निर्वाचित तीन सय ११ विधायकमध्येका लोकप्रिय सदस्य हुन् । हिन्दू धर्मको प्रचारक हुँदै भाजपाको राजनीति गरेका योगीले दलित समुदायमाझ लोकप्रिय हुन हिन्दू कार्ड प्रयोग गरेका छन् ।

 

गोरखपुरमा पकड

 

गोरखपुर क्षेत्रमा योगीको मुख्य पकड रहेको छ । उनी पाँच दशकदेखि भाजपाको राजनीतिमा सक्रिय छन् । सन् २००५ मा युपीको एउटा सहरका एक हजार ८ सय इशाई धर्मावलम्बीहरूलाई करकापमा पारी हिन्दू धर्मावलम्बी बनाएको आरोप उनीमाथि लागेको छ । उनीमाथि जातीय दंगा फैलाएको आरोप पनि लागेको छ । गत महिना सम्पन्न निर्वाचनमा चार सय तीन विधानसभा सदस्य रहेको युपीमा भाजपा गठबन्धनले तीन सय २५ सिट ल्याएको थियो । भाजपाले १४ वर्षपछि तीनचौथाइ बहुमतसहित युपीको राजनीतिमा ‘कमब्याक’ गरेको छ ।