प्रधानमन्त्री प्रचण्डको चीन भ्रमण, विज्ञहरूको मिश्रित प्रतिक्रिया - Naya Patrika
© 2017 Naya Prakasan Pvt. Ltd.

पहिलो चरणको स्थानीय तह निर्वाचन बहिस्कार गरेको राष्ट्रिय जनता पार्टी नेपाल दोस्रो चरणको निर्वाचनमा पनि सहभागी नहुने भएको छ । राजधानीमा आज पत्रकार सम्मेलन गर्दै राजपा नेपालका नेताहरूले सरकारले आफ्ना…
पूरा पढ्नुहोस् »

अभिनेता कमल हसनकी हिरोइन छोरी श्रुति हसनले आफू बिहेअघि नै आमा बन्न तयार भएको बताएकी छिन् । ३१ वर्षीया श्रुतिको यो कुराले अहिले बलिउड मात्र होइन, दक्षिण भारतीय फिल्म उद्योगमै…
पूरा पढ्नुहोस् »

डोल्पामा पहिलो पटक सुत्केरी महिलाको सफल शल्यक्रिया गरिएको छ । जिल्ला अस्पतालमा यस अघि सुत्केरी महिलाको शल्यक्रिया गरिएको थिएन् । शल्यक्रिया गरिएपछि खतराको मुखमा पुगेकी एक सुत्केरी महिलाको ज्यान जोगिएको…
पूरा पढ्नुहोस् »

अलैँचीको विरुवा रोप्ने सिजन सुरु भएसँगै लमजुङमा अलैँचीको नयाँ मुल्य निर्धारण गरिएको छ । जिल्ला कृषि विकास कार्यालय लमजुङ र नेपाल अलैँची व्यवसायी महासंघ लमजुङ शाखाले संयुक्त रुपमा अलैँचीको विरुवाको…
पूरा पढ्नुहोस् »

बकिङघम दरबार, डाउनिङ स्ट्रिट, विदेशी दूतावास र वेस्टमिनिस्टरको सुरक्षाका लागि सेना खटिने बेलायतमा आतंकवाद जोखिमको तहलाई सबैभन्दा उच्च विन्दुमा पुर्याइएको छ । अतिवादीले सोमबार राति म्यानचेस्टरमा बीभत्स हमला गरेसँगै सरकारले…
पूरा पढ्नुहोस् »

पहिलोपटक युरोपा लिग जितेसँगै म्यानचेस्टर युनाइटेड सीधै युरोपियन च्याम्पियन्स लिगको समूह चरणमा छनोट  इंग्लिस क्लब म्यानचेस्टर युनाइटेड पहिलोपटक युरोपा लिग फुटबल प्रतियोगिताको च्याम्पियन बनेको छ । म्यानचेस्टरले शुक्रबार एज्याक्समाथि २–०…
पूरा पढ्नुहोस् »

संविधान कार्यान्वयनको ऐतिहासिक प्रक्रियाबाट हामी अगाडि बढ्दै छौँ । त्यस क्रममा हामीले ७ माघसम्म तीनवटै तहको निर्वाचन सम्पन्न गर्नुपर्छ । यसै क्रममा स्थानीय तहको पहिलो चरणको निर्वाचन (प्रदेश नं. ३,…
पूरा पढ्नुहोस् »

जसलाई फुर्छ कविता, सडकपेटीमा तरकारी बेच्दाबेच्दै । जो गजलका मतला, शेर, काफिया, रदिफ र बहर जन्माउँछन्, तरकारीको ठेलागाडा ठेल्दाठेल्दै । कवितामै उतार्छन्, स्वाभिमान । पेसाले सडकपेटीमा तरकारी बेच्ने उनी लेखनको…
पूरा पढ्नुहोस् »

नेपालको संसद् प्रायजसो आवश्यक काममा कम र अनावश्यक झमेलामा बढी समय बिताउने गर्छ । ०४८ पछिको संसदीय अभ्यासमा संसद्ले गम्भीर राजनीतिक विमर्श, आर्थिक नीतिमाथि सार्थक बहस, सामाजिक रूपान्तरणका कार्यसूचीलाई निष्कर्षमा…
पूरा पढ्नुहोस् »

दललाई दिइएको निर्वाचन चिन्ह लिएर चिर्वाचनमा सहभागी हुन पाउने पाउनुपर्ने माग राख्दै नयाँ शक्ति पार्टी, नेपाल सहितका व्यवस्थापिका संसद बाहिर रहेका ६६ दलले दलहरुले आइतबार निर्वाचन आयोगमा धर्ना दिएका छन्…
पूरा पढ्नुहोस् »

नयाँ पत्रिका   |   चैत ०७, २०७३
फाइल तस्बिर

प्रधानमन्त्री पुष्पकमल दाहाल प्रचण्डको आसन्न चीन भ्रमणलाई लिएर परराष्ट्र विज्ञहरूले मिश्रित प्रतिक्रिया व्यक्त गरेका छन् । आइतबार रिपोर्टर्स क्लबको साक्षात्कारमा तीनजना परराष्ट्रविद्ले प्रधानमन्त्रीको चीन भ्रमणबारे सरकारलाई सुझाव दिएका हुन् ।

 

भ्रमणका खास एजेन्डा तय नहुनु दुःखदः आचार्य

 

चीनका लागि पूर्वनेपाली राजदूत राजेश्वर आचार्यले प्रधानमन्त्री प्रचण्डको आसन्न चीन भ्रमणको तयारी फितलो भएको बताए । ‘भ्रमण खाली भ्रमणका लागि मात्रै नभएर नतिजा दिने खालको हुनुपर्छ, विशेष उद्देश्य हुनुपर्छ,’ आचार्यले भने, ‘नेपालका तर्फबाट द्विपक्षीय सम्बन्धमा जिम्मेवारीबोधको अभाव देखिएको छ ।’ उनले प्रधानमन्त्रीको चीन भ्रमण आउन मात्रै अब तीन दिन बाँकी रहेकाले अहिलेसम्म भ्रमणका खास एजेन्डा तय नहुनु दुःखद भएको बताए । उनले अहिलेसम्म भ्रमणका खास एजेन्डाहरू नै तय नहुनु दुःखद भएको बताए । नेपालमा चीनको राष्ट्रपतिले भ्रमण नगरेको २१ वर्ष पुगिसकेको बताउँदै उनले भने, ‘तर यसबीचमा झलनाथ खनालबाहेक नेपालका सबै प्रधानमन्त्रीले चीनको भ्रमण गर्नुभएको छ ।’ उनले चीन आर्थिक, सामरिक तथा विज्ञान तथा प्रविधिको हिसाबले क्षेत्रीय तथा अन्तर्राष्ट्रिय रूपमा सशक्त र प्रमुख शक्ति भएकाले उसले विश्वमञ्चमा खोजेको भूमिकालाई कसैले नजरअन्दाज गर्न नहुने बताए ।

 

प्रचण्डको चीन भ्रमण अपरिपक्वः भट्टराई

 

एमालेका सांसद तथा परराष्ट्रविद् डा.राजन भट्टराईले प्रधानमन्त्री प्रचण्डको आसन्न चीन भ्रमणलाई अपरिपक्वताको संज्ञा दिएका छन् । ‘हामी प्रतिपक्षमा भएर पनि होला प्रधानमन्त्रीको चीन भ्रमणबारे कुनै जानकारी छैन, पत्रपत्रिकामा समाचार देख्दा थाहा पाएका हौँ,’ उनले भने, ‘बोवाओ फोरममा भाग लिनु नियमित भम्रण हो, तर चीनको राष्ट्रपतिसँगको भेट र नेपालको बारेमा केही ठोस एजेन्डामा हस्ताक्षर हुने या नहुने ? को–कोसँग भेट हुने, कस्ता प्रस्ताव लैजाने भन्नेबारेमा कुनै पनि गृहकार्य भएको छैन, यसले राम्रो सन्देश दिँदैन ।’

 

ओबिआरमा सम्झौता गर्नुपर्छः श्रेष्ठ

 

परराष्ट्रविद् हिरण्यलाल श्रेष्ठले चीन भ्रमणको वेला प्रधानमन्त्रीले रेल र तेलको सम्झौता गर्नुपर्ने बताए । विगतमा ऊन, नुन र सुनसँग सम्झौता गरेकोे स्मरण गर्दै अब रेल र तेलसम्बन्धी सम्झौता गर्नुपर्ने उनको भनाइ छ । श्रेष्ठले प्रधानमन्त्री प्रचण्डको आसन्न भ्रमणमा ओबिआरमा हस्ताक्षर हुन आवश्यक रहेको बताए । ‘पूर्ववर्ती एमाले सरकारले गरेको सम्झौता कार्यान्वयन गर्नुपर्छ, त्यो कार्यान्वयन नगरीकन अरू कुनै कुराका बारेमा प्रस्ताव गर्दा विश्वासमाथि प्रश्न खडा हुन्छ, अब हामीले भुटानजस्तो मूकदर्शक भएर बस्नुहुँदैन,’ उनले भने, ‘चीनसँगको सम्बन्ध सुमधुर बनाउँदै आर्थिक विकासको दिशातर्फ मुलुकलाई हिँडाउनुपर्छ, भारत र चीनको प्रगति हेरेर रमाउनुभन्दा पनि हामी आफैँले विकासका कार्य अघि बढाउनुपर्छ ।’