हजयात्राका लागि आवेदन खुला, एक हजार हजयात्री मक्का जाने - Naya Patrika
© 2017 Naya Prakasan Pvt. Ltd.

जन्मपछि प्रायः नवजात शिशुको शरीरमा रौँ देखिने गर्छ । यसलाई हटाउने केमिकलको प्रयोग शिशुको कलिलो छालाका लागि हानिकारक हुन्छ । यस्तो हानिकारक केमिकल प्रयोग गर्नुको साटो घरेलु उपाय प्रयोग गरी…
पूरा पढ्नुहोस् »

शशीधर भण्डारी/नयाँ पत्रिका प्युठान नगरपालिका–३ दैलीसिमलमा खानेपानीको अभाव भएको छ । वर्षा नसकिँदै पानीको संकट परेपछि वडावासी एक गाग्री पानीका लागि रातभर पँधेरोमा बस्न बाध्य छन् । ‘खानेपानी भर्न रातभर…
पूरा पढ्नुहोस् »

तीन दिनभित्र स्वतन्त्रता घोषणा फिर्ता नलिए अप्रिय निर्णय लिइने स्पेन सरकारको चेतावनी स्पेन सरकारले क्याटलोनियाका पृथकतावादी नेताहरूलाई क्याटलन राज्यलाई स्पेनबाट स्वतन्त्र भएको घोषणा फिर्ता लिन तीन दिनको समय दिएको छ…
पूरा पढ्नुहोस् »

रौतहटको चन्द्रनिगाहपुरमा सम्पन्न २ नम्बर प्रदेश स्तरीय कराते प्रतियोगितामा सात स्वर्र्ण पदक सहित रौतहट जिल्ला प्रथम भएको छ । नेपाल सितोरियो कराते संघ रौतहटको आयोजनामा चन्द्रनिगाहपुरमा सम्पन्न प्रतियोगितामा २ नम्बर…
पूरा पढ्नुहोस् »

कसैले तपाईंलाई सोध्यो, ‘कस्ती युवती मनपर्छ ?’ तपाईं के भन्नुहुन्छ ? पक्कै पनि सुन्दर या राम्री । सुन्दरताले जो–कसैलाई सजिलै अभिभूत बनाउँछ । जसमा हामी आनन्दित हुन्छौँ । चाहे कुनै…
पूरा पढ्नुहोस् »

सन् २०१८ मा रसियामा फुटबलकै महाकुम्भ मेला भनेर चिनिने विश्वकप हुँदै छ । अहिलेसम्म विश्वकपमा २३ राष्ट्रले आफ्नो स्थान पक्का गरेका छन् । रसिया विश्वकपमा ३२ राष्ट्रले भाग लिनेछन् ।…
पूरा पढ्नुहोस् »

गैरआवासीय नेपालीको दुईदिने सम्मेलन भवन भट्टको अध्यक्षतामा नयाँ नेतृत्व चयन गर्दै सकिएको छ । यसपालि अध्यक्षका लागि अर्को सशक्त दाबी प्रस्तुत गरेकी अस्ट्रेलियाकै धनाढ्य जमुना घले गुरुङ पराजित भएकी छिन्…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

अली असगर, काठमाडौं   |   चैत ०७, २०७३

नेपाल हज समितिले यस वर्ष हज गर्न जाने हाजी (हजयात्री) हरूका लागि आवेदन खुला गर्ने निर्णय गरेको छ । समितिको आइतबार बसेको बैठकले साउदी अरब जान इच्छुक हाजीहरूका लागि आवेदन दिन खुला गर्ने निर्णय गरेको हो । समितिले आगामी भदौसम्म हाजीहरूलाई साउदीको मक्का पठाउने तयारी गरेको छ ।

 

यो वर्ष एक हजारजना मात्रै जान पाउने

 

साउदी अरबले दिएको अनुमतिअनुसार नेपालबाट यो वर्ष पनि एक हजार हज गर्न जान पाउने भएका छन् । गत वर्ष सोही संख्याका हाजी मक्का गएका थिए । साउदी अरबले नेपाललाई एक हजार हाजी पठाउन अनुमति दिए पनि नेपाललाई भने त्यो संख्या अपुग हुने गरेको हज समितिका अध्यक्ष मोहम्मद सोऐबले बताए ।

 

१० वैशाखसम्म आवेदन फाराम भर्न पाइने

 

यस वर्ष हजमा जान दुई दिनभित्र राष्ट्रियस्तरको पत्रिकामा सूचना प्रकाशित गर्न निर्णय समिति बैठकले गरेको छ । समितिले १० चैतदेखि १० वैशाखसम्म अर्थात् एक महिनाका लागि आवेदन दिने समय तोकेको छ । प्रत्येक जिल्लाको जिल्लाा प्रशासन कार्यालयमा हज फाराम भर्न पाइने गृह मन्त्रालयले व्यवस्था गरेको छ ।

 

गत वर्षका निवेदक पहिलो प्राथमिकतामा

 

हज समितिले गत वर्ष फाराम भरेर पनि जान नपाएकालाई यस वर्ष पहिलो प्राथमिकतामा राखेको छ । तर, त्यसका लागि उनीहरूले समयमै फेरि नयाँ फाराम भर्नुपर्ने हुन्छ । गत वर्ष ६ सय १५ जना हाजी मक्का जान पाएका थिएनन् ।

 

नयाँ हाजी ३८५ मात्रै

 

एक हजारमध्ये गत वर्ष जान बाँकी रहेका ६ सय १५ बाहेक यो वर्ष नयाँमा ३ सय ८५ जना मात्रै जान पाउनेछन् । तोकिएको मितिभित्रै सुरुमै भर्नेबाट क्रमशः ३ सय ८५ जनालाई छानिन्छ ।

 

गृहमन्त्रीले दिए शुभकामना

 

उपप्रधान एवं गृहमन्त्री विमलेन्द्र निधिले आइतबार हज समितिका नवनियुक्त पदाधिकारीलाई शुभकामना दिएका छन् । गृह मन्त्रालयको नियोगको सभाहलमा बसेको पहिलो बैठकलाई सम्बोधन गर्दै गृहमन्त्री निधिले सबैको कार्यकालको सफलताको शुभकामना व्यक्त गरेका थिए ।

 

हाजीहरूको लागि सरकारले दिएन बजेट

 

सरकारले विगतमा हाजीहरूको सहुलियतका लागि आर्थिक सहयोग दिने गरेको थियो । तर, पछिल्लो दुई वर्षयता सरकारले कुनै किसिमको रकम उपलब्ध नगराएको हज समितिले जनाएको छ । सरकारले हाजीहरूको सबै काम व्यवस्थापन गर्न कर्मचारी तथा पदाधिकारीहरूका लागि मात्र एक करोड २५ लाख रुपैयाँ विनियोजन गरेको छ । यो रकम पदाधिकारी बैठक, हज व्यवस्थापन गर्न साउदी जाँदा/आउँदा खर्च तथा प्रचारप्रसारमा समितिले खर्च गर्न पाउनेछ । ०६८ सालको जनगणनाअनुसार नेपालमा मुस्लिम समुदायको जनसंख्या ११ लाखभन्दा बढी रहेको छ ।