विदेशी संस्थाले निर्वाचन पर्यवेक्षण गर्न नपाउने : कहाँ कतिका लागि निर्वाचन हुँदै ? - Naya Patrika
© 2017 Naya Prakasan Pvt. Ltd.

राजेश हमाल, अभिनेता प्रायः दसैँमा म देशबाहिर नै हुन्छु । दिदीबहिनी अमेरिकामा भएकाले यसपालि पनि उतै जाने योजना बनाएको छु । टीकाको दिन मेरो आमाको श्राद्ध पर्छ । त्यसैले म…
पूरा पढ्नुहोस् »

मेष स्वास्थ्य: खानपानका कारण केही पेटको समस्याले सताउनेछ । शरीरमा आलस्यताले सताउला । पिरो एवं चिल्लो पदार्थ खानपानमा कम गरे उपयोगी रहला । रोजगारी: बाधा अड्चनका बीच वैदेशिक रोजगारीका काम…
पूरा पढ्नुहोस् »

काठमाडौं उपत्यकामा दसैँका लागि खसी, बोका र च्याङ्ग्रा आयात तिब्र भएको छ । व्यवसायीले कलंकीमा खसी बजार नै संचालन गरेका छन् । त्यहाँ खसी, बोका खरिद गर्ने र बिक्री गर्नेको…
पूरा पढ्नुहोस् »

लक्ष्मी काफ्ले/नयाँ पत्रिका झापामा यस सिजनको पहिलो गोल्डकप शिवसताक्षी नगरपालिकाको दुधेमा सुरु भएको छ । दूधे युथ क्लबले आयोजना गरेको पहिलो संस्करणको दुधे गोल्डकप बुधबारबाट सुरु भएको हो । विजया…
पूरा पढ्नुहोस् »

कांग्रेस सभापति शेरबहादुर देउवा प्रधानमन्त्री छन् । संसद्को सबैभन्दा ठूलो दलको सभापति भएपछि संसदीय गणित मिलाएर उनी प्रधानमन्त्री हुनु स्वाभाविक पनि हो । संसदीय या उदारवादी लोकतन्त्र पनि अरू अर्धलोकतन्त्र…
पूरा पढ्नुहोस् »

पछिल्लो अभ्युदयको वर्ष २००७ लाई मानिएको छ । त्यो वर्ष सैनिक सामन्तवादको नेतृत्व गरिरहेको राणाशाहीतन्त्र समाप्त भएको थियो । त्यसपछि २०१५ मा पहिलो आमनिर्वाचन, जनप्रतिनिधिको रूपमा सर्वसाधारणबाट प्रधानमन्त्रीको बहाल भयो…
पूरा पढ्नुहोस् »

जम्मा २९ दिन पदावधि रहेका प्रतिनिधिसभा संसद्का सदस्य जानुअघि फेरि अर्को कर्तुतमा सामेल भएका छन् । यसपटक उनीहरूले निर्वाचनलाई सीधै प्रभावित गर्ने गरी सरकारले व्यवस्था गरेको सांसद विकास कोषबाट ५०…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

नयाँ पत्रिका, काठमाडाैँ   |   चैत ०७, २०७३

राजनीतिक दलप्रति निर्वाचन आयोग असन्तुष्ट : राजनीतिक वातावरण नबनाएको गुनासो

स्थानीय तहको निर्वाचनका निम्ति राजनीति दलहरूले अझै राजनीतिक वातावरण नबनाएकोप्रति निर्वाचन आयोगले असन्तुष्टि जनाएको छ । निर्वाचनको तयारी तीव्र गतिमा अगाडि बढिरहेको वेला दलहरूबीच अपेक्षित सहमति, सहकार्य र विश्वास काम गर्न नसकेको भन्दै आयोगले आपसी सद्भाव कायम गरी निर्वाचन अभियानमा जुट्न दलहरूलाई आग्रह गरेको छ । ‘दलहरूबीच आपसी सद्भाव कायम गरी तत्काल निर्वाचन अभियानमा संलग्न हुन आग्रह छ,’ प्रमुख निर्वाचन आयुक्त डा. अयोधीप्रसाद यादवले भने ।

 

चैत २८ देखि एक महिना मतदाता शिक्षा

 

आयोगले २८ चैतबाट मतदाता शिक्षा सुरु गर्ने तयारी गरेको छ । लामो समयपछि र नयाँ संरचनाअनुसार स्थानीय तहको निर्वाचन हुन लागेकाले स्थानीय सरकारको नयाँ संरचना, मतपत्रको डिजाइन मतदाताका लागि नयाँ एवं जटिल भएकाले मतदाता शिक्षा चुनौतीपूर्ण रहेको प्रमुख आयुक्त डा. अयोधीप्रसाद यादवको भनाइ छ । त्यसैगरी, स्थानीय तहको निर्वाचनमा महिला उम्मेदवारको संख्या बढी हुने हुँदा आयोगले महिलाका लागि विशेष मतदाता शिक्षा अभियान पनि सञ्चालन गर्दै छ । आयोगले १ मतदान केन्द्र १ मतदाता शिक्षा कार्यकर्ताको हिसाबले २१ हजार कर्मचारी परिचालन गर्ने तयारी गरेको छ । साथै, नेपालमा बोलिने भाषाहरूमध्ये १७ राष्ट्र भाषामा समेत मतदाता शिक्षा सामग्री तयारीका लागि आयोगले प्रक्रिया अगाडि बढाएको छ ।

 

३ वैशाखमा निर्वाचन अधिकृतको कार्यालय

 

निर्वाचन आयोगले ३ वैशाखबाट जिल्लामा निर्वाचन अधिकृतको कार्यालय स्थापना गर्ने तयारी गरेको छ । ३१ वैशाखमा हुने निर्वाचनभन्दा २८ दिन पहिला निर्वाचन अधिकृतको कार्यालय स्थापना गर्न लागेको हो ।

 

विदेशी संस्थाले निर्वाचन पर्यवेक्षण गर्न नपाउने

 

स्थानीय निर्वाचनमा विदेशी संस्थाले निर्वाचन पर्यवेक्षण गर्न नपाउने भएका छन् । उनीहरूले निर्वाचनको अध्ययनसम्म गर्न पाउने प्रमुख आयुक्त यादवको भनाइ छ । अध्ययनका लागि भने विदेशी केही संस्थालाई अनुमति दिन सकिने यादवले बताए । आयोगका अनुसार निर्वाचनको उच्चस्तरीय अनुगमन गर्न केन्द्रबाट उच्चस्तरीय कर्मचारी र जिल्लास्तरका छुट्टाछुट्टै अनुगमन टोली खटिनेछन् । सुरक्षा संवेदनशीलतालाई ध्यानमा राखी केही जिल्लामा सूक्ष्म अनुगमनकर्ताहरू खटाइनेछ । यादवले दिएको जानकारीअनुसार निर्वाचनलाई व्यवस्थित बनाई सञ्चालन गर्न आयोगमा संयुक्त निर्वाचन सञ्चालन केन्द्र स्थापना गरिनेछ भने जिल्लास्तरमा संयुक्त निर्वाचन सञ्चालन केन्द्र रहनेछ । त्यसैगरी, निर्वाचनसँग सम्बन्धित सूचना तथा जानकारी सरल र सहज तरिकाले प्रदान गर्न निर्वाचन आयोगले कल सेन्टर सञ्चालनको तयारी गरिरहेको छ ।

 

६ आकारका ७५ प्रकारका मतपत्र

 

निर्वाचन आयोगले ७५ प्रकारका मतपत्र छाप्दै छ । हरेक जिल्लामा दर्ता भएका दलको संख्याका आधारमा मतपत्र छाप्न लागेको हो । निर्वाचन आयोगले दिएको जानकारीअनुसार जिल्लागत रूपमा राजनीतिक दलको सक्रियतालाई ध्यान दिई ६ आकारका मतपत्रको डिजाइन भएको छ । ‘देशका ७५ जिल्लामा दर्ता भएका राजनीतिक दलको संख्यालाई ध्यानमा राखी ७ सय ४४ स्थानीय तहका लागि ७५ प्रकारका मतपत्रको छपाइ सुरु भएको छ,’ डा. यादवले भने ।

 

कहाँ कतिका लागि निर्वाचन हुँदै ?

 

आयोगले स्थानीय तह निर्वाचनमा ७ सय ४४ वटा स्थानीय तहका लागि ३६ हजार ६ सय ३९ पदमा निर्वाचन गराउँदै छ । ४ महानगरपालिका, १३ उपमहानगरपालिका र २ सय ४६ नगरपालिकाका लागि २ सय ६३ जना प्रमुख र उपप्रमुख गरी ७ सय २६ जना निर्वाचित हुनेछन् । ४ सय ८१ गाउँपालिकाबाट अध्यक्ष र उपाध्यक्ष गरी ९ सय ६२ जना, ३ हजार ६ सय ८० वडाबाट ६ हजार ६ सय ८० वडाध्यक्ष र देशभरबाट २६ हजार ७ सय २० वडा सदस्य निर्वाचित हुने आयोगले जानकारी दिएको छ । आयोगले दिएको जानकारीअनुसार स्थानीय तहमा १३ हजार ३ सय ६० जना महिला निर्वाचित हुनेछन् भने त्यसमध्ये ६ हजार ६ सय ८० दलित महिला निर्वाचित हुनेछन् । दलित महिला उम्मेदवार नभएको वडामा कोटा रिक्त हुनेछन्, तर अर्को उम्मेदवार हुन पाउने छैन । साथै, दलित वा अल्पसंख्यकबाट भने १ हजार ७ सय ५१ निर्वाचित हुनेछन् ।