कर्मचारी नियन्त्रणमा लिएर गाउँपालिका कार्यालय स्थापना - Naya Patrika
© 2017 Naya Prakasan Pvt. Ltd.

राजेश हमाल, अभिनेता प्रायः दसैँमा म देशबाहिर नै हुन्छु । दिदीबहिनी अमेरिकामा भएकाले यसपालि पनि उतै जाने योजना बनाएको छु । टीकाको दिन मेरो आमाको श्राद्ध पर्छ । त्यसैले म…
पूरा पढ्नुहोस् »

मेष स्वास्थ्य: खानपानका कारण केही पेटको समस्याले सताउनेछ । शरीरमा आलस्यताले सताउला । पिरो एवं चिल्लो पदार्थ खानपानमा कम गरे उपयोगी रहला । रोजगारी: बाधा अड्चनका बीच वैदेशिक रोजगारीका काम…
पूरा पढ्नुहोस् »

काठमाडौं उपत्यकामा दसैँका लागि खसी, बोका र च्याङ्ग्रा आयात तिब्र भएको छ । व्यवसायीले कलंकीमा खसी बजार नै संचालन गरेका छन् । त्यहाँ खसी, बोका खरिद गर्ने र बिक्री गर्नेको…
पूरा पढ्नुहोस् »

लक्ष्मी काफ्ले/नयाँ पत्रिका झापामा यस सिजनको पहिलो गोल्डकप शिवसताक्षी नगरपालिकाको दुधेमा सुरु भएको छ । दूधे युथ क्लबले आयोजना गरेको पहिलो संस्करणको दुधे गोल्डकप बुधबारबाट सुरु भएको हो । विजया…
पूरा पढ्नुहोस् »

कांग्रेस सभापति शेरबहादुर देउवा प्रधानमन्त्री छन् । संसद्को सबैभन्दा ठूलो दलको सभापति भएपछि संसदीय गणित मिलाएर उनी प्रधानमन्त्री हुनु स्वाभाविक पनि हो । संसदीय या उदारवादी लोकतन्त्र पनि अरू अर्धलोकतन्त्र…
पूरा पढ्नुहोस् »

पछिल्लो अभ्युदयको वर्ष २००७ लाई मानिएको छ । त्यो वर्ष सैनिक सामन्तवादको नेतृत्व गरिरहेको राणाशाहीतन्त्र समाप्त भएको थियो । त्यसपछि २०१५ मा पहिलो आमनिर्वाचन, जनप्रतिनिधिको रूपमा सर्वसाधारणबाट प्रधानमन्त्रीको बहाल भयो…
पूरा पढ्नुहोस् »

जम्मा २९ दिन पदावधि रहेका प्रतिनिधिसभा संसद्का सदस्य जानुअघि फेरि अर्को कर्तुतमा सामेल भएका छन् । यसपटक उनीहरूले निर्वाचनलाई सीधै प्रभावित गर्ने गरी सरकारले व्यवस्था गरेको सांसद विकास कोषबाट ५०…
पूरा पढ्नुहोस् »

नयाँ पत्रिकाको न्युजरुममा आज उद्योग वाणिज्य महासंघकी अध्यक्ष भवानी राणासँग अन्तरक्रिया हुँदैछ । मुलुकको विकासमा निजी क्षेत्रका योगदान कति भन्ने विषयमा अन्तरक्रिया केन्द्रित हुँदैछ । अन्तरक्रिया फेसबुक लाइभ हेर्न तलको लिंकमा…
पूरा पढ्नुहोस् »

मनीष खड्का   |   चैत ०६, २०७३
कार्यकारी अधिकृतसहितको टोलीलाई नियन्त्रणमा लिएर कार्यक्रमस्थलतर्फ लैजाँदै तकसेरावासी ।
तस्बिर: नयाँ पत्रिका

रुकुम/तकसेरावासीले कार्यकारी अधिकृतसहितको कर्मचारी टोलीलाई नियन्त्रणमा लिएर पुथा उत्तरगंगा गाउँपालिकाको कार्यालय स्थापना
गरेका छन् ।

राजपत्रमा गाउँपालिकाको केन्द्र तत्कालीन कोल गाविसको कार्यालय तोकिएको छ । सो स्थानमा कार्यालय स्थापना गर्न पुगेको कार्यकारी अधिकृत तिलक रावतसहितको टोलीलाई तकसेरावासीले नियन्त्रणमा लिएर तकसेरामा कार्यालय स्थापना गर्न लगाएका हुन् । तकसेरावासीले भने कर्मचारीलाई आफूहरूले कुनै जबर्जस्ती नगरेको बताएका छन् । तकसेरा गाविस सरोकार समितिका संयोजक जुद्ध बुढाले आफूहरूले कर्मचारीलाई नियन्त्रणमा लिएर कार्यालय उद्घाटन गर्न नलगाएको दाबी गरे ।

जिल्लामा यसअघि भएको सर्वदलीय निर्णयअनुसार तकसेरामा कार्यालय स्थापना गरिएको उनले जानकारी दिए । गत १० माघमा तत्कालीन जिल्ला विकास समितिमा भएको सर्वदलीय बैठकले तकसेरामा गाउँपालिकाको केन्द्र तोक्ने निर्णय भएको र सोहीअनुसार आफूहरू अगाडि बढेको उनको दाबी छ ।

पुथा उत्तरगंगा गाउँपालिकाको कार्यालय कोल गाविसमा स्थापना गर्न गएको जिल्लास्तरीय टोलीका केही सदस्य भने भागेर सदरमुकाम पुगेका छन् । कार्यकारी अधिकृतसँगै गएका जिल्ला समन्वय समितिका कार्यक्रम तथा सूचना अधिकृत चिन्तामणि दाहालसहितको टोली सदरमुकाम फर्किएको हो । तकसेरावासीले जबर्जस्ती गर्न खोजेपछि आफूहरू भागेर सदरमुकाम आएको टोलीले जवाफ दिएको जिल्ला समन्वय समितिका संयोजक नरेन्द्रकुमार रानाले जानकारी दिए ।

गाविसवासीले जबर्जस्ती कार्यालय स्थापना गर्न लगाए पनि त्यसले वैधानिकता नपाउने जिल्ला समन्वय समितिले जनाएको छ । तत्कालीन कोल गाविसमा कार्यालय स्थापना हुने जिल्ला समन्वय समितिका संयोजक रानाले बताए । कर्मचारीलाई नियन्त्रणमा लिएर स्थापना गरिएको कार्यालयले कुनै पनि हालतमा मान्यता पाउन नसक्ने उनको भनाइ छ ।

जिल्ला समन्वय समितिका संयोजक रानाले सर्वदलीय बैठकले तकसेरामा गाउँपालिकाको केन्द्र तोक्ने निर्णय नभएको दाबी गरे । तकसेरावासीले सबै मापदण्ड पूरा भएकाले तकसेरामा केन्द्र स्थापना हुनुपर्ने माग गर्दै आन्दोलन गरेपछि यसबारे आयोगमा जानकारी गराउने सहमति भएको उनले बताए । आयोगले तत्कालका लागि कोलमा नै कार्यालय राख्न भनेको र सोहीअनुसार राजपत्रमा प्रकाशित भइसकेकाले पुथा उत्तरगंगा गाउँपालिकाको कार्यालय कोलमा नै रहने उनको भनाइ छ ।