जातीय विभेदविरुद्धको क्रान्ति - Naya Patrika
© 2017 Naya Prakasan Pvt. Ltd.

पहिलो चरणको स्थानीय तह निर्वाचन बहिस्कार गरेको राष्ट्रिय जनता पार्टी नेपाल दोस्रो चरणको निर्वाचनमा पनि सहभागी नहुने भएको छ । राजधानीमा आज पत्रकार सम्मेलन गर्दै राजपा नेपालका नेताहरूले सरकारले आफ्ना…
पूरा पढ्नुहोस् »

अभिनेता कमल हसनकी हिरोइन छोरी श्रुति हसनले आफू बिहेअघि नै आमा बन्न तयार भएको बताएकी छिन् । ३१ वर्षीया श्रुतिको यो कुराले अहिले बलिउड मात्र होइन, दक्षिण भारतीय फिल्म उद्योगमै…
पूरा पढ्नुहोस् »

डोल्पामा पहिलो पटक सुत्केरी महिलाको सफल शल्यक्रिया गरिएको छ । जिल्ला अस्पतालमा यस अघि सुत्केरी महिलाको शल्यक्रिया गरिएको थिएन् । शल्यक्रिया गरिएपछि खतराको मुखमा पुगेकी एक सुत्केरी महिलाको ज्यान जोगिएको…
पूरा पढ्नुहोस् »

अलैँचीको विरुवा रोप्ने सिजन सुरु भएसँगै लमजुङमा अलैँचीको नयाँ मुल्य निर्धारण गरिएको छ । जिल्ला कृषि विकास कार्यालय लमजुङ र नेपाल अलैँची व्यवसायी महासंघ लमजुङ शाखाले संयुक्त रुपमा अलैँचीको विरुवाको…
पूरा पढ्नुहोस् »

बकिङघम दरबार, डाउनिङ स्ट्रिट, विदेशी दूतावास र वेस्टमिनिस्टरको सुरक्षाका लागि सेना खटिने बेलायतमा आतंकवाद जोखिमको तहलाई सबैभन्दा उच्च विन्दुमा पुर्याइएको छ । अतिवादीले सोमबार राति म्यानचेस्टरमा बीभत्स हमला गरेसँगै सरकारले…
पूरा पढ्नुहोस् »

पहिलोपटक युरोपा लिग जितेसँगै म्यानचेस्टर युनाइटेड सीधै युरोपियन च्याम्पियन्स लिगको समूह चरणमा छनोट  इंग्लिस क्लब म्यानचेस्टर युनाइटेड पहिलोपटक युरोपा लिग फुटबल प्रतियोगिताको च्याम्पियन बनेको छ । म्यानचेस्टरले शुक्रबार एज्याक्समाथि २–०…
पूरा पढ्नुहोस् »

संविधान कार्यान्वयनको ऐतिहासिक प्रक्रियाबाट हामी अगाडि बढ्दै छौँ । त्यस क्रममा हामीले ७ माघसम्म तीनवटै तहको निर्वाचन सम्पन्न गर्नुपर्छ । यसै क्रममा स्थानीय तहको पहिलो चरणको निर्वाचन (प्रदेश नं. ३,…
पूरा पढ्नुहोस् »

जसलाई फुर्छ कविता, सडकपेटीमा तरकारी बेच्दाबेच्दै । जो गजलका मतला, शेर, काफिया, रदिफ र बहर जन्माउँछन्, तरकारीको ठेलागाडा ठेल्दाठेल्दै । कवितामै उतार्छन्, स्वाभिमान । पेसाले सडकपेटीमा तरकारी बेच्ने उनी लेखनको…
पूरा पढ्नुहोस् »

नेपालको संसद् प्रायजसो आवश्यक काममा कम र अनावश्यक झमेलामा बढी समय बिताउने गर्छ । ०४८ पछिको संसदीय अभ्यासमा संसद्ले गम्भीर राजनीतिक विमर्श, आर्थिक नीतिमाथि सार्थक बहस, सामाजिक रूपान्तरणका कार्यसूचीलाई निष्कर्षमा…
पूरा पढ्नुहोस् »

दललाई दिइएको निर्वाचन चिन्ह लिएर चिर्वाचनमा सहभागी हुन पाउने पाउनुपर्ने माग राख्दै नयाँ शक्ति पार्टी, नेपाल सहितका व्यवस्थापिका संसद बाहिर रहेका ६६ दलले दलहरुले आइतबार निर्वाचन आयोगमा धर्ना दिएका छन्…
पूरा पढ्नुहोस् »

नयाँ पत्रिका   |   चैत ०२, २०७३

नेपाली समाजमा वेलावेला देखिने जातीय विभेदजन्य घटनाले हाम्रो समाजमा जातीय समस्या अझै कतैकतै अवशेषका रूपमा रहेको संकेत गर्छन् । तर, सबैतिर यस्ता समस्या बाँकी छन् भन्नेचाहिँ होइन । कानुनी रूपमा धेरै अघि नै जातीय भेदभाव हटेको, कानुनले कसैलाई पनि ‘अछुत’ भन्नसमेत नपाइने व्यवस्था गरेको र जातीय भेदभावलाई कानुनी रूपमा दण्डनीय बनाइएको भए पनि समाजमा छिटफुट रूपमा जातीय विभेदका घटना अझै विद्यमान रहेकोमा शंका छैन । तर, यही समाजमा जातीय विभेदलाई चुनौती दिने आँट र हिम्मत भएका नेपालीको संख्या निकै बढ्दै गएको पनि देखिन्छ । यसै क्रममा पोखरा सिर्जनाचोककी कृष्णकुमारी गुरुङको परिवारले समाजमा एउटा सराहनीय काम गरेर देखाएका छन् । उनीहरूले आफ्नी छोरी तारा गुरुङ र उनका प्रेमी किरण परियारको विवाह धुमधामसाथ सम्पन्न गराएर जातीय विभेदविरुद्ध क्रान्ति नै गरेका छन् ।

तारा र किरणको विवाहमा दाइजो पूर्णतः निषेध गरिएको समाचारले पनि थप सकारात्मक सन्देश दिएको छ । हाम्रो समाजमा जातीय विभेदपछि दाइजो अर्को सामाजिक कलंकका रूपमा रहेको छ । दाइजोमा लैनो भैँसी नपाएको निहुँमा सिन्दुरसमेत हालिसकिएकी बेहुली छाडेर बेहुला पक्ष फर्किएको समाचार पनि सुन्नमा आउने हाम्रो समाजमा दाइजोका कारण कैयौँ गरिब परिवारका छोरीचेलीको विवाहसमेत हुन कठिन परिरहेकोसमेत देखिन्छ । हिमाल र पहाडमा भन्दा दाइजोको समस्या तराई मधेसमा अलि बढी नै देखिन्छ । त्यसैले दाइजो निषेध गरिएको यो विवाह थप स्वागतयोग्य छ । यसलाई सबैले अँगाल्न सक्नुपर्छ ।

मुखले जतिसुकै जातीय समानताको पक्षमा वकालत गरे पनि विवाहजस्ता सामाजिक सम्बन्धका सवालमा चाहिँ दशपटक सोच्ने वा त्यस्तो सम्बन्धको कल्पनै गर्न नसक्ने मानिसको हाम्रो समाजमा कुनै कमी छैन । पढेलेखेका सचेत व्यक्तिहरू पनि अन्तर्जातीय विवाहको पक्षमा खुल्न सकिरहेका छैनन् । उनीहरूले अरू सबै विषयमा जातीय समानता अवलम्बन गरे पनि विशेषगरी जब अन्तर्जातीय विवाहको विषय आउँछ, तब मुन्टो अर्कैतिर फर्काउने गर्छन् । यस्तोमा कृष्णकुमारीले आफ्नी छोरी तारा र उनका प्रेमी किरणबीचको प्रेमलाई हार्दिकतापूर्वक स्विकारेर बाजा बजाएर, गोडा धोएर ससम्मान विवाह सम्पन्न गराएको प्रसंगले समाजमा एउटा नयाँ उदाहरण स्थापित गरेको छ ।

क्रमिक रूपमा मेटिँदै गएको जातीय छुवाछुतको लक्ष्मण रेखा पार गर्न अझै कैयाैँलाई कठिन हुँदै गरेको समयमा तारा र किरणको विवाहको समाचारले एउटा सकारात्मक सन्देश दिएको छ । आजको सभ्य समाजमा पनि जातीय विभेद र दाइजोको तरबार चलाएर कसैमाथि उसको जातीय पहिचान वा गरिबीलाई आधार बनाई अपमानित गर्नु बर्बरता हो, अन्धविश्वास हो र अमानवीयता हो । यस्ता अमानवीय व्यवहारलाई जबसम्म सामाजिक रूपमा अस्वीकार गरिँदैन, तबसम्म कानुनमा व्यवस्था गर्दैमा समाजबाट छुवाछुत र जातीय विभेदका घटना निमिट्यान्न हुन सक्दैनन् । अझै पनि देशमा हिमाल, पहाड र तराई मधेस सबैतिर यस्तो अमानवीय समस्या कुनै न कुनै रूपमा टाँसिएर रहेका छन् । पूर्व, पश्चिम, सहर वा गाउँ जताततै जातीय अवशेषका झिल्का भेटिन्छन् । यस्ता झिल्काले हाम्रो समाजलाई भित्रभित्रै जलाइरहेको समयमा तारा र किरणको विवाहको समाचारले उत्साह थपेको छ । यस्ता घटनालाई निरुत्साहित होइन, प्रोत्साहित गरौँ । अनि मात्र समाजबाट जातीय विभेद र दाइजोको समस्या हट्न सक्छ ।