विदेशी लगानी स्वीकृति र उद्योग दर्ता अब अनलाइनबाटै - Naya Patrika
© 2017 Naya Prakasan Pvt. Ltd.

  रेसुंगा नगरपालिकामा १४ वडामध्ये ९ वटा वडाको अहिलेसम्म कार्यालय टुङ्गो लागेको छैन् । कार्यालय नहुँदा जनप्रतिनिधिको पदभार ग्रहणसमेत रोकिएको छ । ‘कार्यालय टुङ्गो छैन, सबै जना नगरपालिकामै थुप्रिन्छौ, जनताका…
पूरा पढ्नुहोस् »

अस्वस्थ भई अस्पताल भर्ना भएका बुवा पूर्वराजा ज्ञानेन्द्र शाह निवास फर्किने क्रममा उनलाई लिन पूर्वयुवराज पारस नर्भिक इन्टरनेशनल हस्पिटल पुगेका थिए । सार्वजनिक जीवनमा त्यति नदेखिने पारस लामो कपालमा देखा…
पूरा पढ्नुहोस् »

क्यानन केपिए वेडिङ फोेटो अवार्ड २०१७ को उपाधी चितवनका सुमन सापकोटाले जितेका छन् । उनको बिबाहमा खिचेको तस्बिर पहिलो बनेको हो । फोटोग्राफर सापकोटाले क्यानन ६ डि क्यामेरा समेत जिते…
पूरा पढ्नुहोस् »

  उच्च कोलेस्ट्रोल र ट्राइग्लिसेराइडको प्रमुख कारण अस्वस्थ आहार सेवन गर्नु हो । सोही कारण खानपिनमा सुधार गरे अधिकांश व्यक्तिमा विनाऔषधि कोलेस्ट्रोल नियन्त्रण गर्न सकिन्छ र धेरै बिरामीमा औषधिको मात्रा…
पूरा पढ्नुहोस् »

अमेरिकी राष्ट्रपति कार्यालय ह्वाइट हाउसका प्रेस सचिव सन स्पाइसरले पदबाट राजीनामा दिएका छन् । राष्ट्रपति डोनाल्ड ट्रम्पसँग मतभिन्नता प्रकट गर्दै प्रेस सचिव स्पाइसरले राजीनामा दिएका हुन् । संस्थाभित्र फेरबदलका कारण…
पूरा पढ्नुहोस् »

सात करोड ६० हजार पाउन्ड खर्चंदै चेल्सीले गर्‍यो अल्भारो मोराटासँग पाँच वर्षको सम्झौता इंग्लिस प्रिमियर लिग च्याम्पियन चेल्सीले शनिबार रियल म्याड्रिडका स्ट्राइकर अल्भारो मोराटालाई भित्राएको छ । चेल्सीले सात करोड…
पूरा पढ्नुहोस् »

संसद्का विभिन्न समितिबीच कार्यक्षेत्र र क्षेत्राधिकारको विषयलाई लिएर पटक–पटक किन विवाद हुन्छ ? यस्तो हुनु भनेको समितिको सभापतिसँग राम्रो ज्ञान नभएर हो । आफ्नो समितिको क्षेत्राधिकारबारे राम्रो ज्ञान सभापतिसँग हुनुपर्छ…
पूरा पढ्नुहोस् »

  ‘दिनभरको काम सकेर बेलुकी कुट्न थालेको धान मध्यरातमा चामल बन्थ्यो । गाउँलेको रातको निन्द्र र दिनको भाक हरण गरेको ढिकी जाँतोको जिन्दगीले अहिले अराम पाएको छ’ आठराई गाउँपालिका–२, खाम्लालुङका…
पूरा पढ्नुहोस् »

नेपालमा संघीयता अभ्यासको क्रममा छ । संविधानले नेपालमा तीन तहको सरकारको परिकल्पना गरेको छ । तीमध्ये स्थानीय तह मात्र त्यस्तो एकाइ हो, जसका प्रमुख उपप्रमुखसहित सबै कार्यकारी प्रत्यक्ष रूपमा जनताको…
पूरा पढ्नुहोस् »

नयाँ पत्रिकाको न्युजरुममा अहिले सामाजिक अभियन्ता महावीर पुन उपस्थित छन् । उनीसँग उनको अभियान र नेपालमा प्रविधिको विकासका विषयमा अन्तरक्रिया भइरहेको छ । महावीर पुनसँगको अविस्मरणीय अन्तरक्रिया प्रत्यक्ष हेर्नका लागि…
पूरा पढ्नुहोस् »

नयाँ पत्रिका   |   माघ ०३, २०७३

udhyog-online-bata
स्वदेशी लगानीका ठूला र मझौला तथा विदेशी लगानीका सबैखाले उद्योग अनलाइनबाटै दर्ता हुने
कृष्ण रिजाल
काठमाडौं, ३ माघ ।
सरकारले विदेशी लगानीको स्वीकृति र उद्योग दर्ता अब अनलाइनबाटै गर्ने भएको छ । उद्योगमा आउने स्वदेशी तथा विदेशी लगानीलाई प्रक्रियागत झन्झटबाट मुक्त बनाउन तथा विदेशी लगानीलाई आकर्षित गर्न उद्योग विभागले आइतबारदेखि अनलाइन सेवा सुरु गरेको हो । यससँगै अब उद्योगमा स्वदेशी तथा विदेशी लगानीको आवेदन, दर्ता तथा स्वीकृतिलगायत प्रक्रिया अनलाइनबाटै गरिनेछ ।

उद्योग मन्त्रालयमा आइतबार आयोजित कार्यक्रमबीच उद्योमन्त्री नवीन्द्रराज जोशीले उद्योग विभागको अनलाइन सेवाको उद्घाटन गरे । उनले अनलाइनमा दर्ता भएका तीनवटा उद्योगलाई प्रमाणपत्र दिएर अनलाइन सेवाको औपचारिक सुरुवात गरेका हुन् । उक्त अवसरमा मन्त्री जोशीले नेपालमा लगानीको वातावरण सहज बन्दै गएको भन्दै त्यसको उदाहरण उद्योग विभागले सुरु गरेको अनलाइन सेवालाई समेत लिन सकिने बताए । ‘देश परिवर्तनको चरणमा रहेको र त्यसको सन्देशस्वरूप अनलाइन सेवा सुरु भएको छ,’ उनले भने, ‘यसले औद्योगीकरणमा महत्वपूर्ण योगदान दिने अपेक्षा गरेका छौँ ।

उद्योग विभागले अन्तर्राष्ट्रिय मुद्रा कोष (आइएफसी)को सहयोगमा अनलाइन सेवा सुरु गरेको हो । यसका लागि आइएफसीको करिब डेढ करोड रुपैयाँ तथा नेपाल सरकारको ५० लाख रुपैयाँ लागतमा उद्योगले अनलाइन सेवा जडान गरेको हो । सफ्टवेयर जडानमा सहयोग गरेको आइएफसीले सञ्चालनमा समेत सहयोग गर्नेछ ।  उद्योग मन्त्रालयका सचिव शंकरप्रसाद कोइरालाले उद्योग प्रशासनमा सुशासन कायम गर्न अनलाइन सेवाले प्रत्यक्ष एवं परोक्ष सहयोग पुग्ने विश्वास व्यक्त गरे ।

कुन–कुन सेवा अनलाइनमा ?
अब स्वदेशी लगानीकर्ताले मझौला तथा ठूला उद्योग अनलाइनबाटै दर्ता गराउन सक्नेछन् । साना उद्योग भने अनलाइनबाट दर्ता गरिनेछैन । विदेशी लगानीकर्ताले भने सबैखाले उद्योग अनलाइनबाट दर्ता गराउन सक्नेछन् । विदेशी लगानीकर्ताले विदेशी लगानीको स्वीकृति अनलाइनबाटै लिन सक्नेछन् । त्यस्तै, भिसाको आवेदनसमेत अनलाइनबाटै दिन सक्नेछन् । विभागले भिसाको सिफारिस अनलाइनबाटै गरिदिने महानिर्देशक प्रदीपकुमार कोइरालाले जानकारी दिए ।

कसरी लिने अनलाइन सेवा ?
उद्योग विभागको वेबसाइट (धधध।मयष्लम।अयm।लउ) मा गए आफूलाई चाहेको सेवा लिन सकिनेछ । ‘वेबसाइटमा गएपछि विभिन्न सेवाहरूको शीर्षक देखिन्छ, त्यहाँ गएर आफूलाई चाहेको सेवाका लागि अनलाइन एप्लाई गर्नुपर्ने हुन्छ,’ महानिर्देशक कोइरालाले भने, ‘आवश्यकताअनुसार फोन तथा इमेलबाट जानकारी र सहयोगसमेत लिन सकिन्छ ।’

अन्तरनिकाय डाटा सेयरिङ चाँडै
विभाग र कम्पनी रजिस्ट्रारको कार्यालयबीच एक महिनाभित्रै स्वचालित रूपमा तथ्यांक आदान–प्रदान प्रणाली (अटोमेटिक डाटा सेयरिङ सिस्टम) सुरु गरिने महानिर्देशक कोइरालाले बताए । यसपछि उद्योग विभागमा बुझाएको विवरण तथा कागजात कम्पनी रजिस्ट्रारको कार्यालयमा बुझाउनुपर्नेछैन । त्यस्तै, तीन महिनाभित्र राष्ट्र बैंकमा समेत विवरण बुझाउनुनपर्ने गरी अन्तरनिकाय डाटा सेयरिङ गरिने उनले बताए ।

सचेत रहन उद्योगीलाई आग्रह
मन्त्रालयले साइबर क्राइम, डाटा ह्याकिङ र साइबर सेक्युरिटीमा सचेत रहन उद्योगी व्यवसायीलाई आग्रह गरेको छ । ‘अनलाइन सेवा जति सजिलो छ, त्यति नै चुनौतीपूर्ण पनि छ,’ कोइरालाले भने, ‘विभागले आफ्नोतर्फबाट पूर्ण सुरक्षा दिन्छ, तर उद्योगीले पनि त्यतिकै सचेतना अपनाउनुपर्छ ।’